طلب وصفة للشيف هنوف البلهان

[شذى الازهار]

tبنات من شافت حلقة الشيف هنوف البلهان يوم الاثنين 1*11*2010
سوت يخنة وقطعت فوقها عجينة بسكوت ياليت اللي شافت الحلقة تعطيني الوصفة واذا عندكم وصفات اخرى للشيف هنوف ياليت تكتبوها

 

[جارة القمر]

رد : طلب وصفة للشيف هنوف البلهان

أعذريني حبيبتي



ما شفته


أن شاء الله البنات يفيدونج

http://www.q8yat.net/showthread.php?t=408299






بيتزا هنوف البلهان



المقادير:

العجينة:
2.5 كوب طحين أبيض
4 م.ط. زيت
1 م.ط. ملح
2 م.ط. سكر
2 م.ط. خميره
2 كوب دافئ للعجن
1/4 كوب طحين الذره

الصلصة:
3 حبات طماطم مفرومه
1/2 حبة بصلة مفرومه
3 ملاعق كبيرة كاتشب
1 ملعقة طعام خردل
ملح وفلفل أبيض
زيت زيتون
رشة اوريغانو

ملاحظه: مقادير الصلصه استبدلناها بصلصة جاهزه

الحشوه:
زيتون أسود
مشروم
جبن شيدر أبيض + أصفر

ملاحظه: الحشوه حطوا الي تحبونه



عجانة كهربائية



الطريقة:

ويييه جني توهقت! ... لحظه انادي امي تنقلني هههههه

على ما تيي امي

نسيت اقولكم ترا مو انا الي سويتها امي سوتها انا كنت مشرفه ومصوره

يالله نكمل

نخلط مقادير العجينة مع بعض



شكر (امي حطت بس قفشه وحده)



زيت زيتون



ملح



ونشغل العجانة الكهربائية ونضيف الماي



لما تختلط المقادير وتصير العجينة نسكرها



وتعجن بالــيــد لمدة 10 دقائق



نخليها تتخمر ساعتين



عاد كملت نومتي لاني فازعه من الصبح على ما تخلص

وبعد ساعتين انتفخت



نرش طحين على الصينية الي نبي نفرد عليها العجينة



ما نخليها سمكيه ولا ضعيفه تكون وسط



نبطل الفرن عشان يحتر

الحين صار دوري هههههه

حطيت الصلصه وفوقها الجبن والمشروم والزيتون ورشة أوريغانو



نخليها بالفرن تقريبا 20 دقيقة اذا الفرن مو حار وايد

طريقة العيش مع الزرشت لهنوف البلهان


المقادير:
2 كوب أرز
ملح
زيت
1 ملعقة كبيره زعفران
1/2 كوب زرشك

ملاحظه:
1- المقادير حسب الرغبه
2- الزرشك = توت بري مجفف لونه احمر ويكون حامض
3- امي شرت الزرشك من مطحنة "الدولية" وطعمه وايد حلو




الطريقة:

انقع الزعفران بماي



نفوح العيش مع الماي والملح والزيت

لما يخلصه نشخله

وبقاعة الجدر نحط شوية زيت



وبعدها نحط نص العيش وفوقه شوية زرشك



ونحط باجي العيش



وفوقه الزرشك

يصير مثل طبقات



وبعدها نسوي حفر بالعيش



ونحط داخلهم الزعفران



ونخليه على الحديده 10 دقايق



واخر شي نخلطه ونقدمه

منقوووووووووووووووول

 

[still there]

رد : طلب وصفة للشيف هنوف البلهان

حبيبتى هذا فيديو الحلقة ,,,, و تحديدا بالدقيقة 22

http://tv.kuwait.tt/Videos.aspx?type=2&id=2463

 

[كيكه شوكولاته]

الله يا حلوووووووووو الاكل

 

[gardenai]

حسافة ما كملوا نهايتها ما شفنا شكلها النهائي وبعدين اهي تشرح و القذيذة اسماء تعلق مو عاجبتها الأكل احرجت البلهان