طلب من البحرين.. ياريت تساعدوني

[ام عبدالعزيز 86]

السلام عليكم اخواتي

انا ام عبدالعزيز من البحرين ناوية ايي الكويت الاسبوع الياي او اللي بعده و ناويه اجيب معاي بضاعة للاهل

فاللي عنده خبره وين يبيعون ثياب بالجملة اللي صناعتهم كويتية اقصد

يعني الفساتين والقمصان احنه عادة نشتريهم من سوق السالمية بس ابي اماكن يبيعون بالجملة

وبعد ابي شغلة اللي اهيه يونيفورمات الخدم بالجملة بعد وين يبيعونهم؟؟

و يعطيكم العافية و اللي مايعرف يرفع الموضوع اذا ماعليكم كلافة

و مشكووووورين مقدما

 

[فانتا ستروبري]

حياج الله حبيبتي في بلدج الثاني راح تنورين =)

ورفع لعيونج
​

 

[Manalisa]

حبيبتي حياج الله بديرتج الثانية
ويمكن تحصلين طلبج بسوق المباركية وايد محلات هناك تبيع بالجملة و حتى اليونيفورمات ممكن تحصلينهم هناك

 

[dob106]

رفع

 

[السفيرة عزيزه]

حياج الله بين اهلج ولو انج زايرتنا في عز الحر الله يعينج
مثل ما قالت موناليزا في المباركيه اكو سوق الجمله ان شاء الله تحصلين كل طلباتج

 

[بواسم]

في سوق بالمباركيه سوق الجمله واليونيفورم ممكن جمعية الخالديه او الشاميه او الاسواق الشعبيه

 

[ام عبدالعزيز 86]

حياج الله بين اهلج ولو انج زايرتنا في عز الحر الله يعينج
مثل ما قالت موناليزا في المباركيه اكو سوق الجمله ان شاء الله تحصلين كل طلباتج

مشكورة اختي عالمرور ماقصرتي

انزين بخصوص القمصان و الفساتين الراقية مو الشعبية وين اقدر احصل بالجملة؟

 

[ام عبدالعزيز 86]

للرفع

سبحان الله

 

[ام عبدالعزيز 86]

للرفع

سبحان الله​

 

[دمثة]

حبيبتي القمصان والفساتين روحي مجمع السندس بحولي عندهم القمصان

وملابس الخدم وفاشن مل في مجمع بيروت والمباركيه