طلب مسج ولاده,

[كويتيه وسنعه]

السلاام عليكم ورحمة الله وبركاته ,

شلونكم ؟

بنات: أبي مسجات ولاده حلوه ,!
إختي إن شاء الله بتولد هالاسبوع > الله يقومها بالسلاامه ,
وأبي مسج تدزه يعني إنها ولدت ,
وجزاكم الله خير ,
ولا يحرمكم الأجر , يارب وإدعوا لها . :d​

 

[جماااانة]

هذا من رفيجتي

جاني اليوم مولود احلى بشر .. عريس مثل القمر
سبحان ربي اللي امر .. واعطاني هديه العمر

تعالوا زوروني وبمستشفى >.... < تلاقووني ..> ....... <

>>> او حطي بيتنا تلاقوني ... العنوان ..
...

ان شاء الله اللي البنات مايقصرون بعد ... وان لقيت راح احط لج بعد

 

[كويتيه وسنعه]

مشكوووره جماانه مااقصرتي ..
وإذا البنات عندهم لاا يحرمونا . ننطر .!

 

[miss t]

الله يقومها بالسلامه ويتربى بعزكم البيبي وتبلغووون فيه معرس\عروووسه



سلام منا على الخلان
احلى تحايا من الوجدان الله وهبنا الغاليه أو الغالي((.......))
جاتنا ونورت كل المكان
قدومها اليوم للفرح عنوان
تقول للي انتظروها
انا وصلت اليوم هبه من المنان





اهدي لك احلى رسالة بالبخور معطره
وبماي الورد مقطره
وبأحلى البخور مبخره
بولادة ((....)) مبشره
.. ولدت بمستشفى .... غرفه ...





يا طير طاير بالأجواء
ميل و غرد بأحلى غناء لأحلى مولود وصل اليوم
((...)) شيخ كل الشباب





السعاده بقلبي مالها اليوم سعه
ومابقى فيني من الصبر صبر
أبزيل الكدر والهم والأقنعه
وانحني لربي واشكره اعظم شكر
وارسم الفرحه وانسى الحزن ومدمعه
وأبشركم بولادة (......) ياأغلى البشر





أذا ولد عريس مثل القمر ..

جاني اليوم أحلى بشرعروسة مثل القمر..
سبحان ربي اللي أمر
واعطاني هدية العمر..




أعلن فرحتي بأحلى خبر
وابشركم بقدوم أغلى البشر..
وصول مولودتي الجديدة
الله يحفظها لي من كل خطر





ياناس ياعسل
((......)) وصل
باركوا لماما باللي حصل تفاصيل المكان



باركوا لي ياحضور
بعد ما مرت الشهورالله رزقني ((......))
خلت حياتي كلها نور





من دفئ قلبي ومن فايض حنيني واهمس لك((......)) بين ايديني ابعث لك تحية ويشرفني تجيني ابشركم ولدت اليوم (اسم المسستشفى )



عشان غلاكم ماله حدود
ومكانكم بالقلب موجود
حبيت ابشركم بقدوم اجمل مولود
((........)) الموعود




يا أغلى هدية من الخالق تتمنى العين ما تفارق أجمل وأروع مولود هل بوسط الخلايق




بشرى لنا ..
نلنا المنى ..
زال العنا ..
وأتى الهنايا نفس طيبي بالمولود.. يا نفس قري أعينا





عنـدمـاتبـدأ الشمـس بجمـع خيوطـها
معلنـه ولادة قمـر الليلـه
((....)) الغالي بمستشفى .. غرفه ...الدور ...





طيـرالفـرح غنـا
وبـديـارنـا عـلا
وبولادتك يا...نتهنى مستشفى ... و....




من دفئ قلبي ومن فايض حنيني ابعث لك تحية شوق واهمس لك
(اسم المولود)بين ايديني ابشركم ولدت اليوم اسم المسستشفى ............واي معلومه تحبي تزيديها




الحمدلله على تمام النعمه واكتمال المنه رزقت ب(اسم المولود)
ولله الحمد من قبل ومن بعد





يتشرف (اسم الولود) ان يزف اليكمالبشرى بقدومه ومشاركت والديه سعادتهم
لذا ادعو الله ان يجعله من الذريه الصالحه
وان يقر عين والديه به




اليوم شرفنا الامير (اسم المولود)
حبيبنا الصغير
ليزين عقدنا العائلي السعيد
ويضفي الانوار
ويبث السعاده بيننا لذا ادعو الله ان يقر به عيننا



عشان غلاكم ماله حدود
ومكانكم بالقلب موجود
حبيت ابشركم بقدوم اجمل مولود
(اسم المولود+اسم العائله)




^_^ وماابي الا تدعي لي دعوه حلوة الله يكتب لي الي فيه الخير ويبعد عن شر الجن والأنس

 

[كويتيه وسنعه]

آمين ماقصرتي حبيبتي -

الله يكتب لج الخيير يارب ويرزقج باللي تمنين.
ويبعد عندج كل شر وأذى يارب العالمين



الله لا يحرمج الأجر , ويوووفقج -

 

[[ мαĻαķ 69 ]]

عندي وسائط وان شاء الله يعجبونج
واذ تبين على اسم بنوته او صبي قوليلي واعطيج ..