طلب للبنات اللي راحوا ايطاليا -ميلانووووووووووووو- ضروري و عاجل

[ليلكي]

السلام عليكم


لو سمحتو يا بنات اللي راحو ايطاليا روما او ميلانو ابي تقولولي شنو اهم الاسواق هناك يعني شنو اساميهم وين مكانهم بالسنتر ولا بعيد ؟؟

وهل تسوى السفرة لهم خاصة ميلانو ؟؟

:ada::ada::ada:​

 

[Athwaq]

آآآآه يا ميلانووو و روما

اكيد تسوى شلون ماتسوى

شوفي حبوبة

اول شي عندج الآوت ليت مال روما و ميلانو لازم تروحين لهم اثنينهم تلقين البروشورات بالمطار شكثرها .. اخذي واحد و قولي حق التكسي يوديج و وريه الصورة عشان يعرف شنو تقصدين



بالنسبة لميلانو .. روحي ساحة الدومو .. ومجمع اسمه coin ..و شارع بيونس آيرس هذا يبيله يوم كامل لانه شارع طوييييييييييل ومايخلص

روما .. مارحنا فيها اسواق وايد لان ماطولنا للأسف يادوب شفنا المتاحف .. بس رحنا الديزاينر آوت ليت اللي قلتلج عنه

و استخدمو المترو بالتنقل للأماكن المعروفه حوالينكم عشان توفرون مصاريف التكاسي حق الاماكن البعيده .. والمترو اسرع وايد

و لو حاطه موضوعج بقسم السياحه يمكن البنات يفيدونج أكثر



رحلة سعيده و موفقه

 

[مبدعة]

انا رحت مرتين بس للاسف مو حافظه اسامي الاسواق

و شي اكيد الاسواق بالسنتر و سوقهم يهبل خاصه الماركات لان الاحدث عندهم و التشكيله واسعه

في بميلانو شارع شطوله و شعرضه كل الماركات اللي تطري على بالج

و في محل كبير ادوار يم الكنيسه عجيب كل شي فيه بعد

 

[عبلة مرة عنتر]

الدومو في ميلانو
روووعة

 

[bnt_7waa]

larsnti beldomo 7lwoo wayed

shofee t8reree

 

[شرطيه حلوه]

شارع الدومو وشارع البوينس ايرس
وفي اوت لت وايد هناك بروشراتهم موجوده بالفندق

وعندج رحت منطقة اسمها تورينو تبعد عن ميلانو ساعه بالقطار فيها مجمع كبير وايد حلو وهم السنتر اللي فيها سوقة حلو

 

[ايطاليا]

برومااا طبعا لازم تروحين السبانش ستيب وطبعا راح تحصلين محلات يمينج ويسارج و انتي تمشين هناككك بس مماكو شي حلو

بميلانو روحي الدوموو

وبفينيسياااا خليج بسان ماركو سكويررر وبس

 

[باش مهندسة]

سوق ميلان يدووووخ من كثر ما أهو حلو ’ روحي الدومو..
و روما روحي سبانش ستيبس هذا جدامه شارع وهالشارع متفرع كله ماركااات..
وأكييييد يسوى كافي كل ماركة لها مليون محل وكل محل جنا مجمع وفيه مليون كولكشن من الجناط والأبواك والأحذية والملابس والنظارات والسكارفات والشالات والاكسسوارات و و و .. أقولج تدوخييييين

 

[فوووفه]

نفس ماقالوا البنات صراحة احلا مكانين روماا و ميلانو صارلي 20سنة اروح رووووعة روووعة و حتي فينيسيا حلوة بعد