طلب فتح ملف

[سلهمة رمش]

السلام عليكم اخواتي


انا زوجي عنده عقم يعني ماله حل الا الانابيب

وسالفتي طويله


المهم انا ودي اعرف كيف افتح ملف بمستشفى الصباح عشان اراجع له

تكفون اللي تعرف تساعدني ماعندي حد اقوله حتى اهله


ولا احد يواسيني ترا انا على طريف واصيح ​

 

[سلهمة رمش]

بنات وينكم ؟؟

:eh_s(22):

 

[حورية الشماااال]

دشي موضوع اختي الخنساااااا يالغلا فيه كل شي

 

[حورية الشماااال]

تفضلي موضوع الخنسااا ربي يرزقهااااااااااا من حيث لاتحتسب

السلام عليكم

حبيت افيدك يالغاليه

ياللى ودج تفتحين ملف بالصباح مو عارفه شلون وانت حالتج انابيب



روحى مركز اطفال الانابيب ( عالبحر يم مستشفى الولادة )

انا تونى فاتحه ملف عندهم

وقالوا لى نسويلج

عمليه انابيب ببلاش طبعا الله يعز الكويت

وصدقينى سهالات

الطلبات ( تقرير بحالتج يمعى كل تحاليلج وروحى لاي طبيب خاص نساء وطلبي تقرير

بحالتج )

+

صورة بطاقتج المدنيه وبطاقة ريلج + صورة عقد الزواج

لما تي مركز طفل الانبوب قولى للاستقبال بفتح ملف يقولون لج صعدى فوق

راح يكون سيدة على ايدج اليمين سكرتيره منقبه

قوليها بفتح ملف وتكونين مجهزة ملفك وفيه كل اوراقك

عطيها وسيدة تفتح لج


تكفين روحى باجر

والله لا تضيعين وقت

هالايام حيل متساهلين


حطى رقم لج يعنى العمليه بتكون بعد 7 شهور تقريبا

وطول هالفترة راح يسولج تلقيح صناعى

جربي وتوكلى على الله وتكفين ادعيلى معك ما ابي الا الدعاء

 

[سلهمة رمش]

حوريه الشمال

قولي امييييييييييين

ربي يجزاك الجنه ويجزاك كل خير

بجد ساعدتيني لان بكرا بروح اسوي اللي قلتيه


وربي يسعدك الغاليه

 

[سلهمة رمش]

انا معي كل التحاليل لي ولزوجي

انا مافيني شي بس زوجي صفر الحيوانات المنويه

 

[حبي زوجي فديته]

عسى ربي يرزقكم ليش ماتقدمين علاج بالخارج

 

[سلهمة رمش]

اللهم امين الغاليه

ودي بالخارج بس سعمت انو لازم اول اجرب بالصباح وبعدها يحولوني برا


عاد زوجي مو صغير الله يعين

وانا توني بعز شبابي


اللهم لا اعتراض