طلب اشتراك في مسابقة منيو كويتيات الرمضاني

[نـــــ أم ـــــور]

السلام عليكم ورحمة الله وبركاته

ارغب بالاشتراك في المسابقة


الفطور يتكون من
عيش وسمك فيليه ( كيكة الأرز ) الوجبة الرئيسية
ورق عنب
تبولة
شوربة عدس
بيتزا + فطاير زعتر
كبة برغل باللبن
كيكة كاكاو محشية بالسنيكرز
مشروب بارد (شربت فيمتو + شربت برتقال + لبن )
كريم كراميل + جلي + كاستر


بسم الله ابدي

بالعيش
ملاحظه لازم نستخدم جدر تيفال عشان نقلب العيش ومايلصق

اول شي نزهب السمج نغسله ونملحه ونخليه شويه عشان يدش بجسم السمج وعقب نغسل الملح الزايد ونحط البهارات السنعه مالت السمج ( انا احط طحين + بهارات + ليمون اسود + رشه هيل ودارسين + كركم )
نخليه فتره عشان يتبل عدل اقل شي ساعه وعقب نقلي السمج ونحمس البصل ونخليه على جنب
طبعا اول شي نغسل العيش وانقعه بالماي ثلث ساعه




وعقب نحطة بجدر فيه ماي حار ونضيف الملح والدارسين والهيل ...الخ
عقب نشخله




ونخليه على جنب عشان نحطه طبقات ( نص كمية العيش وعقب نحط السمج وعقب الكمية اللي بقت من العيش ورش سطح العيش بزعفران منقوع بماي ورد

الصور بتشرح الكلام طبعا




وعقب نسكر على العيش ونخليه من نص الى ساعه الى ربع على نار هادية طبعا

وهذا الشكل النهائي



وهذا عقب ماقطعناه شكله جنه كيكة







يتبع ورق العنب.....

 

[نـــــ أم ـــــور]

هذي قطعة من العيش لذيذ :eh_s(11):


والحين ورق العنب

مقادير الحشوة

عيش
لحم مفروم
بصل
بقدونس + شبنت
طماط
بهارات ( ملح + ليمون اسود ناعم + البهارات + رشه هيل ورشه دارسين عشان الريحة تكون واو )


نخلطهم مع بعض




ونلف ورق العنب بهالطريقة






وعقب طبعا انا احط بقاعة الجدر البطاط وعقب احط فوقة اللحم واي طعم اللحم مال الورق عنب عجيب
طبعا تفوحينه مثل ماتفوحين اللحم العادي وعقب تصففينه فوق البطاط
وعقب نصفف الورق عنب فوقهم



ونكون منقعين تمر هندي بالماي وناخذ الماي ماله ونضيف عليه
ليمون شويه ودبس الرمان وزيت زيتون واللي يحب يكون حلو يحط سكر
ونحط أي صحن عشان يتماسك الورق عنب وفوقه شي ثقيل مثلا تترسين بطل الورق عنب بالماي او العدس كيفج

وبالنهاية هذا الشكل بس اللمعه هذي من الفلاش والطعم واو _03BA:

 

[نـــــ أم ـــــور]

البيتزا + فطيرة الزعتر

اول شي انا استخدمت عجينة ال 10 دقايق

طبعا المقادير
فنجان قهوة سكر
ملعقه اكل خميره فوريه
2 كاس ماء دافي
رشة ملح
2 كاس طحين

طريقتها

نخلط المقادير مع بعض ونخليها 10 دقايق

بعد العشر دقائق نضيفلها 3 قلاصات طحين + نص قلاص زيت
عمل فطيرة البيتزا نفرد العجينة بشكل دائري ونحط فوقها زيت زيتون وزعتر وبس ندخلها الفرن

يوتيوب


نزهب اغراض البيتزا
الصلصة الحمرا ( نحمس بصل + معجون طماط + كاتشب + بهارات )
فطر
نقانق مقصصه دوائر
جبن موزاريلا
زيتون
فلفل اخضر واللي يحب طماط

http://forum.merkaz.net/f84

نفرد العجينة ونحط الصلصه الحمرا ونوزع باقي المكونات ونرش اخر شي الجبن الموزاريلا
الصورة توضح الطريقة


http://forum.merkaz.net/f84


http://forum.merkaz.net/f84

نحط النقانق



http://forum.merkaz.net/f84


http://forum.merkaz.net/f84


http://forum.merkaz.net/f84


يتبع التبولة

 

[نـــــ أم ـــــور]

التبولة

المقادير
بقدونس
برغل
طماط
بصل حق اللي يحب
ليمون
ملح
زيت زيتون

انقع البرغل بالماي وبهالحزة نقصص البقدونس والطماط

نخلط البقدونس المقطع مع البرغل والطماط وحط فوقهم الملح والليمون وشوية زيت زيتون


http://forum.merkaz.net/f84

ونزين الصحن بالطماط

http://forum.merkaz.net/f84


يتبع شوربة العدس

 

[نـــــ أم ـــــور]

شوربة العدس

المقادير

عدس
بقدونس
كمون + ملح +لومي

انظف العدس اول شي ونغسله وعقب نحطة بالجدر مع الماس طبعا لين يستوي

وعقب نحطة بالخلاط شويه بس عشان يصير ناعم

ونردة بالجدر ونحط الكمون والملح والبقدونس ونخليه يطبخ شويه على نار هادية

نقطع الخبر مربعات ونقليهم ونزين فيه الشوربة




يتبع كيكة الكاكاو المحشيه سنيكرز

 

[نـــــ أم ـــــور]

الحين بحطلكم كيكة كاكاو من تأليفي

طبعا استخدمت كيكة العلالي ومكتوب عليه لازم نضيف 3 بيضات قلاص وثلث ماء +ثلث قلاص دهن
نخلطهم مع بعض بالخلاط


[/url

ونحط نصف الكمية بالقالب وعقب نحط 5 حبات سنيكرز بالوسط ونغطيه الكيمة الي بقت عندنا من الكيك وندخله الفرن 40 دقيقة وانا افتح الفرن من تحت عشان لايحترق وبآخر 5 دقايق افتح الفرن من فوق

وبهالوقت نزهب صلصه الكاكاو اللي بنحطها فوقه

عبارة عن كريمة خفق + كاكاو بودرة + دريم ويب + كريم كراميل

او تحطين قالب الكاكاو مال جالكسي نذوبة بحمام مائي ونغطي الكيكة فيه

[url=http://www.alhnuf.com/up/] يوتيوب


[وعقب نزين الكيكة بعوادة الجالكسي ونرش عليه فليك و نزينة بجالكسي العادي من فوق ونرش عليه الكاكاو السائل( ماخليت كاكاو ماحطيته هههههههههه)
هذي خدامتي ماسكه الكيكة واحسها ودها تنقض على الكيكة:botetoo:


يوتيوب



يوتيوب



شكلها صج لذيذ وزوجي وحماي يقولون لي احلى كيكة كاكاو ذقناها صج لذيذة وسرها اني حشيتها بالسنيكرز واي لذيذة
:s142:

]

 

[نـــــ أم ـــــور]

طبعا الشربت ماعرفت شلون اصورة خطوه بخطوه ههههههههههههههه لانه اهوا كله خطوتين

المهم اول شي نزهب دولكتين فيهم ماي بارد ونضيف السكر حسب الرغبه

ونزيدهم فيمتو والدولكه الثانيه برتقال



ونحوسهم ونحطه بالثلاجه لين وقت التقديم

وانا حطيت لبن فريش حق اللي يبي



يتبع الشكل النهائي للصفرة لاني مادري يصير احط كل شي سويته بهاليوم ولا بس اللي حددتوه

المهم ياريت تسامحوني اذا مافهمت عدل وتتجاهلون اللي ماتبونه :eh_s(6):

 

[نـــــ أم ـــــور]

الشكل النهائي للسفرة


ومثل ما انتوا شايفين وزعت اللبن بالسفرة وكنت مسويه شربت فيمتو+ برتقال

http://forum.merkaz.net/f84


http://forum.merkaz.net/f84

 

[نور قلبة]

اطباق رووعه
تستاتهلين الفوز

 

[أحلى^حياه]

 

[ام الحوراء زينب]

مبروووووووووووك الفوز
وتسلم ايدج على هالطبخ

 

[<< أزيان >>]

ماشاء الله روووووووووعه

الف مبروك

وتسلم ايدج

 

[ريم الصبايا]

الف مبروك وتسلم ايدج

 

[جارة القمر]

نـــــ أم ـــــور



مشكوووووووووووووووره

 

[بدويه دمار شامل]

واااااااو روعه

يسلموووووووووو ياقلبي

 

[أم ريوف 1400]

الف مبروك

وتسلم ايدج

 

[ABEER FLOWER]

ألف ألف مبروووووووووك
أطباقج روووووعه

 

[<<لمار>>]

تسلم ايدج ومبروك الفوز

 

[marshmelo0o]

مبروووووووووووك

 

[78MariMar78]

يعطيج العافية

ومبرووك الفوز