(طلب اشتراك في مسابقة منيو كويتيات الرمضاني)

[بحرينية محرقية]

(ارغب بالاشتراك بالمسابقة)

 

[بحرينية محرقية]

السلام عليكم ورحمة الله وبركاته..

هذي شكل السفرة كاملة ...

عبارة عن سلطة تبولة ..فلفل طويل بارد محشي بطاطس ..كبسة لحم بحشوة البصل ..
كستر بالبسكوت .. عصير حليب فراولة ....

مقادير التبولة ..

شدة بقدونس تغسل وتفرم صغير جدا
2 طماطم يقطع صغير جدا
2 خيار يقطع صغير جدا جدا انا استعضت عنه بدل البصل
بيالة برغل منقوع في ماء لمدة نص ساعة
ملعقتين اكل نعناع مجفف
نص ملعقة صغيرة دارسين
ليمونة وفنجان زيت زيتون وملح ..

تخلط جميع المقادير وتقدم ..

فلفل محشي بطاطس

مقادير الفلفل ..

كيلو فلفل طويل ولازم يكون بارد
3 بطاطس متوسطة الحجم تسلق وتهرس
بصلة مفرومة
ملعقة صغيرة حبوب الخردل
ملعقة صغيرة السبع بهاارات
ملعقة صغيرة كركم
نص كوب شبنت مفروم

الطريقة..

نحمر البصلة وبعدها نحط ملعقة الخردل ( لا تخلون الخردل يتحمر عشان ما يصير طعمه مر )

ونضيف باقي البهارات واخر شي نضع الشبنت والملح ونخلط المقادير..

ونحشي الفلفل ونضغط الحشوة للداخل

وبعد الانتهاء تغطس في مقادير هذي الخلطة وهي عبارة عن ..

كوب ونص طحين نخي
ملعقة صغيرة بابريكا
ملعقة صغيرة كمون
ونص ملعقة صغيرة ملح الثوم ومثلها كركم وملح .
تغطس فيه حبات الفلفل وعلى طول نقليه في زيت تقريبا غزير وسااخن

ويقدم مع دبس الرمان او صلصة الطحينة..

الحشوة من الداخل..

 

[بحرينية محرقية]

الطبق الرئيسي ..

كبسة اللحم بحشوة البصل..


كبسة اللحم ..

كيلو لحم مسلوق مع شوية بهارات صحيحة

وبعدها ناخذ اللحم ونحط فوقه خلطة مكونة من ..
ملعقتين صلصة طماطم وشووية دبس رمان وملعقة ليمون اسود مطحون وشوية ملح
ويوزع على اللحم ويترك جانبا

ونحمس 4 بصلات مع الماء لين يتغير لونه
ومن بعدها نضيف الزيت على البصل ونحط النص كوب من النخي المسلوق عليه

ونضيف م ص ليمون اسود ونص م ص السبع بهارات
ونحضر سابقا بطاطس حبتين وتقطع لمكعبات صغيرة وتقلى على حدة
وتضاف على حمسة البصل وتقلب كل المقادير
واخر شي نضيف اللحم على البصل ونقلبه ونعدل الملح

الرز جيلة ونص ( علبة الاناناس ) منقوع لمدة نص ساعة
ونحط في الجدر ملعقتين زبدة وملعقتين زيت وورق كاري هندي وحبيبات فلفل اسود
وعودين دارسين وقرن فلفل وملعقة صغيرة كركم ..

يحمس الجميع ومن ثم نضيف الرز والماء المغلي
ونخليه يغلي 5 دقايق ولما يقل الماء نقصر عليه

ويقدم بان نضيف الرز وعقب اللحم مع البصل ..

عن قررررب..

 

[بحرينية محرقية]

طبق الحلو ...


كستر بالجلي والبسكوت..

10 حبات من بسكوت قهوة الصباح
3 ملاعق اكل كستر مليانة
3 ملاعق اكل سكر
5 ملاعق اكل حليب بودرة
5 اكواب ماء

تحضير الكستر..

نخلط الكستر والسكر والحليب والماء ويرفع على النار
ولما نحس انه غلظ شوي نبعده بسرعة عن النار
بيكون اخف من البشاميل لانه فالثلاجة راح يغلظ اكثر فحاسبو لا تخلونه يطبخ او يغلظ وايد
ونكسر البسكوت في الاواني المعدة

وعقبها نصب الكستر وهو حار على البسكوت

ونخليه فالثلاجة ساعة تقريبا او اكثر بشوي
ونسوي الجلي بنفس الطريقة المكتوبة على العلبة بالضبط مع اضافة ملعقة ونص اكل سكر حسب الرغبة
ننتظره يبرد تمااااام ونطلع كؤوس الكستر ونوزع الجلي عليها

ونرجعه للثلاجة واستمتعو بالطعم ..

شربت حليب الفراولة البيتي .. روعة فالطعم ..


الجيك اللي استخدمته صغير ..

فنجانين شربت ورد
4 ملاعق حليب بودرة
فنجانين ونص سكر
الماء تقريبا لتر ونص
يخلط الجميع ويقدم باااارد ,, لذيذ ومنعش

وفي حفظ الرحمن...

 

[ام الحوراء زينب]

يعطيج العافيه بس للاسف مو طالعين صور

 

[<< أزيان >>]

الف مبروك

بس حسااااافه الصور موطالعه

 

[ريم الصبايا]

الف مبروك

 

[ام فارس و محمد]

تسلم ايدج علي الاطباق

و

الف الف مبرووووووك حبيبتي

اتمني لكي المذيد من التوفيق و النجاح

 

[شاي مهيل]

مبروووووووك

 

[أم ريوف 1400]

 

[om mishaal]

 

[الطموحه]

الف مبروووووووووك

تستاااااااااااااهلين

بس حسافة مو طالعة الصور عندي

 

[فلوريدا]

الف الف الف الف مبرووووووووووك


وتسلم ايدج

 

[78MariMar78]

يعطيج العافية ومبرووك
بس الصور مو طالعة

 

[جارة القمر]

ألف مبروك


ومشكوووووره

 

[<<لمار>>]

مبروك الفوز

 

[cat_women]

الف مبروووووووووك

و للاسف و لا صوره طالعه عندي

 

[بحرينية محرقية]

السلام عليكم ورحمة الله وبركاته..


الله يبارك فيكم بنات ومشكورين فديتكم ....

وهذي الصور بس اسمحولي مو بالتفصيل :tek:

الطبق الرئيسي

السلطة ..

محشي الفلفل _03BA:

من داخل ..

الباقي كان الحلو كستر وجلي والعصير حليب فراولة ما عندي الصور ..

 

[دلوعة الـ غ ـيم]

الصرآحه تسلم إيدك على هالأطباق الحلوة

عن جد جوعتيني زود ما أنا جوعااانه

عاد الحين حزه غداااا و غدانا جاهز خلاص

تسلم إيدك و جاري حفظ الوصفات

تحياتي لك

 

[بحرينية محرقية]

هلا فيج فديتج وتسلمين يا الحلوة ..