طلب استشارة من طالبات كلية التربية جامعة الكويت التخصصات العلمية متوسط و ثانوي :)

[يا قائم آل محمد]

السلام عليكم

شلونكم حجيات
شخباركم


سامحونا على قلة مشاركاتنا و دخلتنا للمنتدى

اليوم قلت بستشيركم بشي

ان شاء كورس اول نازلين ميداني ( تربية عملية ) علوم متوسط

ومحتارين عند منو ناخذ حلقة البحث

د.امينة المذن
و الا
د. يعقوب جعفر

يا ريت مزايا كل واحد منهم و سلبيات كل واحد منهم


و يا ريت تكلمونا شوي عن التربية العملية
و عن حلقة البحث


عشان نستوعب

و شكـرا

 

[يا قائم آل محمد]

لا رد
:eh_s(10):

 

[تحدي الحياة]

عزيزتي يا قائم آل محمد ,, دخلت و قرأت استفسارج و مااا حبيت أطلع من غير ما أرد على مشاركتج ,, شوفي أختي أنا شهر 1 تخرجت من الجامعة / تخصص لغة عربية م.ث ,, فما عندي فكرة عن دكاترة حلقة بحث مادة العلوم . و أذكر البنات كانوا يمدحون د.يعقوب الجعفر .
و بالنسبة للميداني نصيحة لج من أخت مجربة ماااااالج شغل من كلام البنات وااايد يهولون بالأمور و يخوفون البنات و يألفون قصص و أفلام و مآسي عن كورس التربية العملية فلاااا كلامهم و لا تسمعين كلامج و بالدرجة الأولى يعتمد على المدرسة الي تنحطين فيها ... بس بشكل عام الأمور تمشي بسهالة و الواحد يجتهد و يسوي الي عليه وصدقيني قلة ما ينظلمون يعني بالميداني عادة يعطونج قريد أكثر من مستواج الحقيقي و شغلة ثانية عرفي شنو انت مطالبة فيه و سيتم معرفة ذلك من خلال اللقاء التنويري الذي يعقده قسم التربية العملية .. و بالتوفيق أختي

 

[يا قائم آل محمد]

اول شي مشكورة اختي تحدي الحياة على الرد

و مشكورة بعد على النصايح

الله يعطيج العافية
طمنتيني شوي


موفقة ان شاء الله دنيا و آخرة

 

[خوآطر خفوقي]

حبيبتي انا كنت ماخذه عند يعقوب جعفر بسس مو حلقه بحث ..

الدكتور حيييل حييل حقاني مايزيدج ولا ربع درجه يزيدج

انا توقعت اطلع منه بـ a- او b+ بس طلعت ب b- مع اني كنت ملتزمه بالحضوور ..