طلبت من موقع و طلبوا مني طلب غريب

[noor el q8]

السلام عليكم


شلونكم بنات


طلبت لي طلب من موقع بالانترنت

و تمت عملية الشراء و انخصم من الفيزا مالتي

ثاني يوم جاتني رساله من موقع ثاني مرتبط بالاولي

و طلبوا مني اني اصور لهم الفيزا مالتي او الجواز و ادزه لهم علشان يتأكدون من انا الشخص اللي طلبت الطلبيه

انا استغربت و ما دزيتلهم شي و قلت اتأكد منكم بنات اذا مرت عليكم هالحاله

 

[lebanon cat]

ليكي انت اقطعي الشك باليقين يا الموضوع نصب بائن او في مشكلة على الفيزا راجعي البنك وخليهم يتأكدوا من حسابك و عمليات الصرف و السحب والايداع واذا طلع مافي شي ابعتي للموقع الاصلي شكوكك + نسخة عن ايميل الموقع الي طلب صورة الجواز او الفيزا

 

[over love]

وايد أطلب من النت ولا مره صار معاي جذى ! الموضوع يشكك سألي البنك

 

[Om_Ksha]

بنات أنا بعد صار معاي جذي سحبو المبلغ كامل وموراضين يشحنون الطلب الا لمن ادزلهم هالطلبات على اساس انها اثباتات شالحل ؟؟

طلبت من موقع Dresslily النصاب ينكرون انه وصلهم المبلغ

 

[AL-DMERA]

اي عادي في مواقع يطلبون هالطلب

واي استفسار عندج للطلب من الخارج هذا حساب فنان بهالسوالف استفسري منه
بالتويتر
@arabshop

 

[حلوه ومملوحه]

دزي حق الموقع الي طلبتي منه ع الايميل الي وصلج منهم اول شي وقولي لهم ان ياج ايميل من حساب ثاني وطلبهم جذي
اتوقع عملية نصب لا تدزين شي احسن لج

 

[حلوه ومملوحه]

دزي حق الموقع الي طلبتي منه ع الايميل الي وصلج منهم اول شي وقولي لهم ان ياج ايميل من حساب ثاني وطلبهم جذي
اتوقع عملية نصب لا تدزين شي احسن لج

 

[Amazon_eBay]

طلب عادي
بس صوري الجواز مو البطاقة
وما يقدرون ينصبون
الدفع مثبت وموثق ببطاقة الفيزا
والبنك يقدر يطلع معلومات الموقع من الهيئة الدولية للأمن الالكتروني