طلبت خدامه والمكتب نصب علي... شسوي؟

[سكر-زياده]

طلبت فلبينيه معرفه وقانون العماله الفلبينيه لازم اييون الكويت عن طريق مكتب خدم , المهم رحت حق مكتب فلانه الفلاني حسبي الله عليهم . وصارلي الحين 3 شهور ومايت الخدامه كل يوم يقولونلي باجر ياجر , و مستلمين الفلوس بالكااااااااااااااااااااااااامل ونهنهوني والخدامه تتصل علي من هناك تقول المكتب ماطرشولي شي لافلوس ولا العقد

وانا ابي اخذ فلوسي اليوم بروح وخايفه ماتعطيني اياهم شنو اسوي ؟؟؟؟؟؟ المخفر ماراح يسوي شي

المكتب هذا نصابين يبوقون فلوس الناس ويمشون

واللي يبط الجبد صاحب المكتب مايرد علي حاقرني

والله لا اشرشحهم بالجرايد وافضحهم واقول اسم المكتب حسبي الله عليهم

بنات شنو تشورون علي شسوي؟؟؟؟

قالولي روحي حق ادارةشؤون العماله المنزليه واشتكي عليهم

 

[زهور222]

حسبي الله ونعم الوكيل

اي رحي مثل ماقليتي شوون العمالة واشتكي عليهم


وهذا رايي

 

[ghalaty]

اذا انتي تدرين ان اهم نصابين ليش رحتي لهم ..... شوفي روحي حق جهه ناسيه اسمها كان مقرها بالدعيه يمكن لي ألحين اهوا مقرهم هذيل ممتازين ياخذون لج حقج ضصب طيب صدقيني انا مجربتهم يمكن بعد يسكرون المكتب وادعيلي ياخذون حقج بنو روح وتعال وعباله

 

[سكر-زياده]

ghalaty

انا لو ادري انهم نصابين جان مرحت لهم


رحت لهم اليوم مع زوجي والا هناك مره عيوز قاعده اتهاوش معاهم تبي فلوسها وماعطوها متنازله عن خدامتها وما استلمت فلوسها طلع ناصبين على الكل, المهم بعد جهد جهيد وهواوش عطوني نص المبلغ والباجي ماعطوني اياه . يه صاحب المكتب وقالنا مالكم فلوس وروجو اشتكو علينا

 

[كويتيه رزتها ملكيه]

تبين الصراااحه اادعى ربى يااخذ حقج منهم لا رااح ينفعج المكتب ولا حتى اداره العماله \

سالينى الوالده مااخذت منهم لا حق ولا باطل طالبه خدامه من مكتب والمندوبه مالت المكتب خذت الفيزا الاصليه وكل شى عن الخدامه يعنى دشت الخدامه بالكويت ولا احنا داريين والمكتب خذت امه رقمه من الوسيط بس
رقم المندوبه بسس ولما تشوف ارقامنا تطنش واذا ردت بقله ادب الاندونيسيه الحقيره ولا نفعتنا الاداره ليييين عرفنا ناخذ حقنا منها عن طريق المخفر

 

[ghalaty]

اختي سكر زياده صدقيني روحي مكتب ادراه العماله جنه اسمه جذي ذكرتني اخت كويتيه صدقيني راح ردون افوسي قصب طيب انا مجربتهم كان عندي سيلانيه بعد 3 شهور انحاشت رحت المكتب قالي اي ما تبي تشتغل عندج سفريها او عطينا تنازل رحت الصبح حق هذي الاداره استدعوه المكتب نفس الوقت رجعولي فلوسي والخدامه سافرت على حساب المكتب في نفس الاسبوع

 

[غير كل الناس]

حسبي الله ونعم الوكيل

 

[لمووو]

انزين حبيبتي عفيه شسم المكتب بنروح اليوم نطلب خدامه اخاف نروح لهم وينصبون علينا شنو اسمه

 

[خذاني الشوق]

انا نفس حالت بس في فرق انتى دفعتى المبلغ كله انا ما دفعت الا عشره وكل ما ادق عليهم يجذبون علي باجر توصل ولا الخميس مرت ثلاث شهور والفيزا انتهت واهي ما اوصلت ..مكتب شيخه المطيري بالجليب انحاشوا عنه

 

[سكر-زياده]

رحنا المخفر وصاحب المكتب قال حق زوجي جدام المحقق خلاص بعطيك باجي فلوسك بس تعال باجر الصبح .

وطرشت مندوبنا والا يلقه واحد عافس المكتب ورافع عقاله على اللي يشتغلون ويقول انهم بايقينه وبايقين اخته . حسبي يالله عليهم
هذا مكتب بحولي مكتب صفيه رويح

ورد المندوب من غير فلوس قالوله تعال العصر ولما راح العصر قالوله تعال بالليل
, قاعدين ينقزونا حسبي الله عليهم طايحين بوق بالاوادم

اذا ماعطوني الفلوس باجر بروح ادارة شؤون العماله المنزليه واشتكي

 

[نور×نور]

يبا روحى العمالة المنزليه وبسسسسسسسسس اهم اللى يفكونج من العبالة والمراكض وعلى فكرة اصحاب مكاتب الخدم من يسمعون عن اسم هالادارة يختبصون فوق تحت ويخافون منهم والله يساعدج

 

[bnt_kwt]

حبايبي تروحون تشتكون عالمكتب باداره العماله المنزليه اتوقع مكانهم بالدسمه

والله يشرشحونهم ويخلونهم ينقون الفلوس من جبودهم وبصراحه الغلط عليكم اشلون تدفعون المبلغ كامل
يفترض بس تدفعون ال 10 دنانير عربون
يالله ان شاء الله ترد لكم فليساتكم ويكون لكم هذا درس عشان ما تثقون بأحد ثاني مره