طلبت الطلاق

[دانة2]

أنا اللي مستغربة منه انه ريلي مايرضى يخليني بيت جدي اللي هو بيت هلي باليومين من غير مايتصل ويمرني وياخذني البيت عاد أنا لقيتها فرصه قلت دامه مطنشني وكله حاقرني مالي الا أني اطلب الطلاق وارتاح واريحه
والبارح ارسلت له على الهوتميل بانه يطلقني اذا مايبيني

بنات تسرعت ولا لا ؟

 

[نوفلتي]

ليش عاد شنو السبب اللي خلاج تطلبين الطلاق؟؟؟؟ الحقراان ينحل سيده الطلاق عاد وتوج من يومين تقولين ياج من ورى وماتبين يدور عند احد غيرج ؟؟؟ حبيبتي انتي جم عمرج؟؟؟ شكلج صغيره ووايد متسرعه ماعندج احد (خوات -خالات- ام) تشكين له قبل لاتتسرعين بقراراتج

 

[نداااوي]

معئول؟؟

إنتو ليه هيك كل ما حد يسأل فيكم طلبتو الكلاق وإزا ما سأل طلبتو الطلاق؟؟؟

كل شي طلاق؟؟

حرام عليكي

لا وكمان بالإيميل؟@!!

تسرعتي ونص

أنا متزوجة من 10 سنين وزوجي لو عشتي معاه شهر بتنجلطي ولاعمري طلبت منه الطلاق
بس بدعيله الله يهديه

وهلأ رح أدعيلك الله يهديكي

 

[wafa82]

رد : طلبت الطلاق

انتي الصراحه مواضيعج غريبه لا تزعلين مني مره زوجي جاني وانا علي الدوره وقبل زوجي ماجاتي وانا عروس
احسج تحبين الاثارة والاكشن ...الله يسخر بعلج لج وبس:ssssso:

 

[Princess Lady]

رد : طلبت الطلاق

تصدقين !!!

عبالي كاتبه انج طلبتي الطلاق عشان ذاك اليوم اللي كنتي فيه مخدره !!!

والله حتى أستحي أقول شسوى فيج !!

المهم

دااااااام ذاك الشي صار وما طلبتي الطلاق فالحين السبب اللي بتتمسكين فيه على طلاقج تاااافه

دااانه أحسج عايشه في صراع داخلي مع نفسج

دااانه نصيحه حطيها حلق في أذنج

تبين ترتاحين !!

تذكري الله سبحااانه في كل شي تقولينه / تسوينه

لي كنتي مع الله في الرخى بيكون معاج في الشده

 

[كويتيه مذهله 87]

انتي شكلج قاعده تلعبين لانج تشااورينا

اذا مومقتنعه ليش كتبتي هالكلمه ياقلبي الطلاق مو لعب برووووي

 

[الشهد كله]

أي شي

ماكو شغل ؟؟؟؟

شنو يعني حقرني طلبت الطلاق ؟

انتي ما جذبيت خبر ؟

شكلج قاعدة تلعبين !!!!!!!​

 

[دانة2]

لانه دائما مطنشني يابنات بس يجي البيت يحط راسه وينام
وكل يوم أوقف المطبخ على ريولي واتفنن بالطبخ بس عمك اصمخ
واذا قلت له اقعد تغدى معي يقول بروح عند أبوي اتغدى

 

[FeShinGoOo]

رد : طلبت الطلاق

لوول انزين ليش عالهوتميل ليش مو مسج ؟؟

 

[دانة2]

لانه اغلب شغله عالنت

 

[امواج الكويت]

الله يهديج

 

[لمسه حزن]

رد : طلبت الطلاق

حبيبتي

انتي بعدج صغيره

فا قرارتج متسرعه

فكري بكل شي تسوينه

الرجل مايحب المراه الطفله

يحبها تكون ناضجه بتفكيرها

تتخذ قراراتها بادراك

اذا هو غلط

عطيه فرصه عاتبيه

تناقشي معاه

بس مو مني و الطريج

طلقني ..

ترا بعض الرجال اذا شافج مستسهله

هالكلمه حتى هو يستسهلها

ولله يوفقج بحياتج

 

[الـوايـلـيـة]

اممممممم....

لا تعليق بس ديري بالج لا تكونين مخدره وانتي تطلبين الطلاق وعقب تتحسفين

لووووووووووووووووووووووووول

سوري بس انتي ما ادري شلون صاايره؟؟

الله يهديج

 

[ملح و سكر]

اهم شى شنو رد عليج

 

[أو عبوش]

نصيحه لا تطلبين الطلاق عن طريق الهوتميل............



لا طلبيه عن طريق البي بي اكشخ حق البرستيج حقج.......



وعقبها عاد روحي موتي قطي روحج من فوق الطاوله وانتحري




مواضيعج كلها ابداع * ابداع

 

[جروح خالده]

رد : طلبت الطلاق

موواضيعج اكشن ذكرتني بواحده
مايخيب ظني انتي هي خخ محد فهم صح احسن *_*
واقسم بالله عليكم مواضيع وسولف تفطس من الضضحك

 

[دانة2]

للحين مارد علي

 

[wafa82]

رد : طلبت الطلاق

جربي اليااااهو يمكن يرد:eh_s(10):

 

[الـوايـلـيـة]

رد: رد : طلبت الطلاق

موواضيعج اكشن ذكرتني بواحده
مايخيب ظني انتي هي خخ محد فهم صح احسن *_*
واقسم بالله عليكم مواضيع وسولف تفطس من الضضحك

لووووووووووووووووووووووووووووول :krkrkr: :krkrkr: :krkrkr:

عرفتها بطلة المنتدى :j013:

 

[FeShinGoOo]

رد : طلبت الطلاق

اي ريال ماراح يرد ..بهوتميل ..
الحين عليج انج تنطرين واذا مصره على الطلاق
خلاص تطلقي وارتاحي يمكن بيردج عليج بورقة طلاقج مو بالهوتميل