طلبت الطلاق ورفض وموقادره بلغ اهلي

[.دمعتي الحزينه.]

السلام عليكم

شلونكم اشتقت لكم وااايد

ماعندي غير الله وانتو يشاركني همومي

بنات انا طلبت الطلاق من زوجي لاني خلاص قنعت منه قناعه تاااامه

بس للاسف كانت ردة فعليه غير عن ما تصورته

ابقولكم السالفه وكلي امل في الله وفيكم

الجمعه الي طافت قبل جمعة امس
كنت ك العاده متضايقه وتعبانه وطلبت منه يطلعني شوي ع البحر
طبعا كان رده عندي الجمعه ارتاح فيها مو تعوري راسي
حنيت عليه وحنيت اخر شي قالي اجهزو جهزت عيالي وجهزت ونزلنا السياره
جان يلف بنا على المنطقه الي احنا فيها ورجعنا البيت
والله ضاقت بي الدنياء اكثر واكثر ماهو بحق كوي الهدوم قعدت بسياره شوي وهو طلع بجيت شوي وطلعت
المهم ردينا البيت سويت لعيالي عشاء وعشيتهم وهو عند الابتوب لين الساعه 1 جان يقول يبي عشاء قلت له مافي من كلمه لي كلمه فقدت اعصابي وقلت له انتو زباله انت وهلك شبعتوني حياه
جان يقوم يطقني ودزني ع الارض وقعت على ايدي يعل له الموت ياخذه وفتك منه

عقب الهوشه راح طلب من المطعم عشاء وتعشاء وراح ينام رحت له قلت له خلاص احنا وصلنا لطريج مسدوده ابي حقوقي وتطلقني نفس مادخلنا بلمعروف نطلع بلمعروف ترتاح مني ورتاح منك
جان يقولي نجوم السماء اقرب لج من هذا
انا قاعده اصيح وبجي وحلف الا يطلقني وهو ولا في باله
ابي ادق على خالي جان ياخذ مني التليفون والله امسيت بحاله مايعرف بها غير الله
وصبح مو قادره احرك ايدي ومتفوخه واايد قلت له يوديني الطبيب وداني
طلعت مكسوره يعل لقلبه الكسر
قلت لطبيب انا طحت

وللحين صار لي اسبوع ومو قادره ابلغ خالي
بس اليوم رحت بدور على تلفوني في جيبه مالقيته لقيت وصلت النت جان اخذها وطرشت ايميل لخالي ومادري يلاقي الايميل ولا لا لانه من زمان ماشفته يدش النت
والله يستر شنو بيصير لما يدور الوصله وما يلاقيها

قولو لي شنو الحل
شلون اتصرف

 

[BoZo]

الله يعيينج اختي

بس يمكن يحبج و مايعرف يعبر او طبعه عنيف شوي

بس مايصير تغلطين على اهله جدامه حتى لو شنو كانوا

تعوذي من ابليس و قعدي معاه شوفي ليش مايبي يطلق و شنو يبي بالضبط

والله يكون بعوونج

 

[ضايعة بدنيتي]

حبوبة انتي الغلطانة . ما ودي ازيدج هم بس هذا الصج ..
دام انتي ناوية الطلاق وما بإذنج ماي ليش تقولين عند الطبيب انج طايحة ؟؟؟ لو كنتي ناوية جد على طلاق كنتي قلتي هذا اعتداء . وبعدها السالفة بتصير جد . لكن انتي مترددة. ودامج مترددة حرام تظلمين نفسج وتظلمين عيالج . شوفي بعض المطلقات شكثر عانو من عقب الطلاق على اشيا ممكن انج تتحملينها وتتخلصين منها بالطيب والهدوء والذكاء والصبر والاهم .. بالدعاء .

كل شي بالطيب يصير . بس انتي تعلمي شلون تتصرفين معاه بذكاء. حاولي تصلحين من تصرفاته .. وادعي ربج ولجئي له ولا تقنطين من رحمته سبحانه تراه قادر على كل شي .

راجعي حساباتج . وهالكلام ما تقولينه لزوجج تسبينه وتسبين اهله مهما صار .. عامليه بأخلاقج مو بأخلاقه هو . والله يهديه لج ويسخره ان شاء الله

 

[قاهره عذالي]

الهون ابرك ما يكون

تراضي انتي وياه

زين وداج طبيب

وزين قعد عندج بالبيت

انا زوجي ما احصله حاط البيت فندق ياكل او ينام او يجي يتسبح ويطلع

كان المفروض ما تسبين

لان بتكون حجه عليج

 

[o0سارآo0]

السلام عليكم

شلونكم اشتقت لكم وااايد

ماعندي غير الله وانتو يشاركني همومي

بنات انا طلبت الطلاق من زوجي لاني خلاص قنعت منه قناعه تاااامه

بس للاسف كانت ردة فعليه غير عن ما تصورته

ابقولكم السالفه وكلي امل في الله وفيكم
اختي اتمنا تنتبهين الله وحده الي قادر على كل شي
انتي ادعي ربك وقوم قيام الليل والله سبحانه يفرجها عليك
وطلاق مو حل اذا انتي عندك اعيال منه صبري وربي يفرجها يارب وانتي الزمي الدعاء

 

[زوجة عزيز]

حبوبة انتي الغلطانة . ما ودي ازيدج هم بس هذا الصج ..
دام انتي ناوية الطلاق وما بإذنج ماي ليش تقولين عند الطبيب انج طايحة ؟؟؟ لو كنتي ناوية جد على طلاق كنتي قلتي هذا اعتداء . وبعدها السالفة بتصير جد . لكن انتي مترددة. ودامج مترددة حرام تظلمين نفسج وتظلمين عيالج . شوفي بعض المطلقات شكثر عانو من عقب الطلاق على اشيا ممكن انج تتحملينها وتتخلصين منها بالطيب والهدوء والذكاء والصبر والاهم .. بالدعاء .

كل شي بالطيب يصير . بس انتي تعلمي شلون تتصرفين معاه بذكاء. حاولي تصلحين من تصرفاته .. وادعي ربج ولجئي له ولا تقنطين من رحمته سبحانه تراه قادر على كل شي .

راجعي حساباتج . وهالكلام ما تقولينه لزوجج تسبينه وتسبين اهله مهما صار .. عامليه بأخلاقج مو بأخلاقه هو . والله يهديه لج ويسخره ان شاء الله

معاها انا وانتي غلطانه اشلون اتسبينه اهو واهله مهما كان ومهما صار لا تسبينه والصراحه اهو متمسك فيج لا تعاندين لان محد بيخسر غيرج عوذي من ابليس مالج الا بيتج وريلج والله يسخره لج

 

[om_dodo]

الله يفك ضيقتج
مابعدالضيق الا الفرج

 

[.دمعتي الحزينه.]

حبوبة انتي الغلطانة . ما ودي ازيدج هم بس هذا الصج ..
دام انتي ناوية الطلاق وما بإذنج ماي ليش تقولين عند الطبيب انج طايحة ؟؟؟ لو كنتي ناوية جد على طلاق كنتي قلتي هذا اعتداء . وبعدها السالفة بتصير جد . لكن انتي مترددة. ودامج مترددة حرام تظلمين نفسج وتظلمين عيالج . شوفي بعض المطلقات شكثر عانو من عقب الطلاق على اشيا ممكن انج تتحملينها وتتخلصين منها بالطيب والهدوء والذكاء والصبر والاهم .. بالدعاء .

كل شي بالطيب يصير . بس انتي تعلمي شلون تتصرفين معاه بذكاء. حاولي تصلحين من تصرفاته .. وادعي ربج ولجئي له ولا تقنطين من رحمته سبحانه تراه قادر على كل شي .

راجعي حساباتج . وهالكلام ما تقولينه لزوجج تسبينه وتسبين اهله مهما صار .. عامليه بأخلاقج مو بأخلاقه هو . والله يهديه لج ويسخره ان شاء الله

ما اقولج اني مو متردده والله صج متردده في هذا القرار مو عشانه لا والله بس عشان اليهال
بس خلاص تعبت ومو قادره اتحمل ظلمه لي وبخله علي وسلوبه وطبايعه القذره
انا ابي افتك منه ولو حتى فتره لعله يحس بنا شوي ويغير من نفسه لاني عجزت وياه

 

[.دمعتي الحزينه.]

معاها انا وانتي غلطانه اشلون اتسبينه اهو واهله مهما كان ومهما صار لا تسبينه والصراحه اهو متمسك فيج لا تعاندين لان محد بيخسر غيرج عوذي من ابليس مالج الا بيتج وريلج والله يسخره لج

انا متاكده اني ماراح اخسر هو الخسران انه قعد 35 سنه محد قبلت فيه لما قبلت فيه انا ولا بلعكس فكه منه
انا سبيته بكلمه واحده اهو مابقت كلمه قذره ماقالها لي ويسب ابوي وهو ميت

 

[UNICORNA]

مع ضايعه بدنيتى

كنتى قولتى للطبيب انه اعتداء واثبتى عليه وتطلقتى ولو فعلا انتى واصله اخرك منه


ماكنتى فكرتى ولا فيه ولا فى العيال ترا الانسان له قدره احتمال مايقدر يتعداها ولا يكلف الله نفسا

الا وسعها ودامك مو راضيه على الاستمرار ولا راضيه تطلقى هذا معناته انك بحاله شد وجذب

اقول اما تهدى الامور ابرك اما تطلقى وتنهى الموضوع لو حابه

 

[فتون777]

الله يعينك المشكله الاطفال والله ياما حريم شايفين الويل وساكتين اذا ماتقدري حتجيبي لنفسك حاله نفسيه واذا بتصبري اعتبريه اختبار ربي لك فهذي الدنيا
وترى الدنيا ماهي مستاهله فكري فعيالك حاولي تتغاضي عن سلبياته او تنسحبي عشان نفسك ولايكلف الله نفس الا وسعها

 

[shooshoo13]

انتي تبين كلمه طالق تطلع منه بس لما تطلع منه راح تتعبين صدقيني وهذا قرارج
لا تثقين واااايد بخالج انه راح يوقف معاج يمكن باتفه الاسباب يتخلى عنج اشتري
بيتج وعيااااااااااااااااااااااااااااااااااااااااااااالج انته ما تدري اذا طلقاج وين راح تعيشين ؟! تحمليه زوجج علشان عيالج

 

[ابدا يالغالي مانساك]

الله يهديج يابنت
عشاااااااان طلعه تسوين كذا وتطلبين الطلاق
انتي فكرتي بعيااااالج
حمدي ربج ان زوجج لا يحب الطلعه يمكن خيره لج
وماتدرين مايدوم شي علي حاله بكره يتغير
انا اقوووول
لاتكبرين الامور صغريه وتصغر
وذكري ربج
وهذا زوجج انتي خلج عاديه وسكتي
وبيجي يتاسف منج
ونصيحه حياتج لاتدخلين احد فيها هذي حياتج
وربي يوفقكم لما يحب ويرضي

 

[*الشيـــهـانـة*]

الصبر زييين

 

[نونو العصله]

من صجج انتي
طالبه الطلاق و تهدمين بيتج عشان طلعه
انتي غلطانه
سابه الريال وسابه اهله وتبينه يسكت
اصلا لو سكت ما يكون ريال ولا عنده غارريه
اسمحيلي
قعدي في بيتج و احمدي ربج ترا النعمه زواله
محد بيفيدج اذا رديتي بيت اهلج
حتى اهلج نفسهم اذا تحملوج اسبوع
شهر ويعدين
عيالج بيتحملون
فكري فيها
حياتج بتغير
الطلاق مو لعبه
العيال مهما محتاجين ابو
واهلنا مو دايمين لنا
بعد عمر طويل لبهاتنا وامهاتنا
مافي احد بيتحملج لا انتي ولا عيالج
والعايله الزباله اللي تكلمين عنهم
انتي ماخذه ولدهم
افتحي صفحه يديده مع ريلج
وعيشي حياتج
والكلمه الطيبه والابتسامه هي اللي تجيب راس الريال
مو اللسان الطويل والحنه

والله يصلح الحال بينكم
فكري عدل قبل لا تتكلمين مع ريلج
نصيحه اخت لاختها
لان المره هي اللي خسرانه
مو الريال
المره بدالها مره

 

[om MaRyooM]

شوفي حبي انتي قلتي المشكلة من البداية ماقلتيلنا شنو اللي مخليج تطلبين الطلاق وقرفانة من العيشة معاه


بس لاتزعلين من كلامي انتي الغلطانة .. اول شي لأنج اعترفتي باخطائج اللي اهيا قاعدة تسبينه وتسبين اهله !!!!!!!

والخطا الثاني حلفتي عليه بالطلاق !!!

والخطا الثالث انتي قلتيها انج قاعدة تحنين وايد !!!!


بعد كل هذا شلون تبينه يعاملج زين !!!! الوحدة منا تسوي ريلها يادهينه لاتنكتييييين ومعطي زوجته بولباااس قوي ويزفها ويهينها شلون لو تعامله جذي

الله يهديج ويهديه ...


بس انا اشوف فكري بينج وبين نفسج وحاسبي روحج وشوفي وين اخطائج واخطائه

ونظمي حياتج وتوكلي على الله

وان عزمتي على الطلاق قبل لاتنطقين باي شي حطي في بالج ان الحياة بدونه اسوأ من العيشة معاه ...

وحطي سلبياته وايجابياته على جمب وشوفي

ولاتنسين .. ان عندج عيال بيتشتتون في حال تم الطلاق حتى لو عندج معاشج واهلج سندج .. العيال بدجون اب يظيعون

 

[غيابك حلم]

الله يفرج همك يارب

 

[.دمعتي الحزينه.]

تبينها من الآخر واتمنى تسمعين كلامي لانه مادري حاسه فيج حيل حيل حيل وانا منفصله هلي فكره وتعلمي من اخطاء غيرج مو تمرين بنفس التجربه يمكن يكون لج انتي درس مو له واحنا الحربم مانفهم الا بعد فوات الاوان والموضوع بالاةل والاخير خيره.اولا انت عندج عيال يعني مو واحد او اثنين فانسي خلاص شيلي الموضوع واذا حطيتي الموضوع فبال راح يقع لانه انتي مو شايلته وبس تبين تادبينه يمكن اهو يبي يادبج ويطلق طلقه اولي ومايردج تالي تعالي ركضي وراه ونتي حطي وسايط علشان يردج وانتي جدام الناس غلطانه الريال بمجتمهنا الذكوري يقول ويغلط ويسب عادي واهاج بيغلطونج قبل الغير هذا المجتمع مو كلامي انتي قلتي زباله حلاص ونتي اعترفتي والي سواه ردة فعل والكل راح يعذره حتي اهلج والشغله الثانيه اهو ماخذ التلفون الا انه اهو مايحب اتدخلين احد نهائيا وتري تدخل الاهل مو لصالحج اول شي بيقولون غلطتي علي الريال واهله وماتسويله عشا والله لو كل يوم اتسويله بوفيه مايذكر غير هالمره الي رديتي عليه وطولتي لسانج فيه . وبعدين سالفة محد خذاه ماعتقد كل شي نصيب والحين اذا بيتزوج ياكثر المطلقات والعنس هذا حال اغلب البيوت وتعين وتعاون بعد كلش كلش من بره ما تكلف وتسوي البل والبلا بس علشان الجنسيه وتنسي عيالج وطوايف اهله.حبيبتي حياتي انا من اسمع محد راح يدفع الثمن غير عيالج اكيد بتعيشين عند اهلج وتنطرين هذا وهذا بتقولين ريلي شغله بساعه بس الاحساس نفسه يختلف ابوهم غير بس خالهم وعمهم ثقيله اتمني تفهميني تري الريال من يسمع هالكلمه يفكر فيها ويحطها فباله ولصلا تجرحه ويفكر يمكن سنه ويختبرج وكثر ماقلتي هالكلمه راح تقع .الله يخليج اوعدينا مو احنا خواتج امانه ماتقولين مره ثانيه اذا خالج يه وسال قولي كنت معصبه وخلاص لحد يدري والله هالسوالف تكبر وتالي انت تاكلينها الريتييل ينسون بس انت عمرج يضيع بالهم والتفكير.وصراحه اشوفه زين حنيتي ويابة الحنه نتيجه وطلعكم بس حس يمكن طريقتج غلط بالطلب وردكم لو طالبه بذوق وليله حلوه ودلع والله اتقصين عليه وتدربي علي هالشي ما ايي بيوم وليله تعلمي اشلون تتحكميم بصوتج ولا تتكلمين بصوت عالي معاه نهائيا وعقب طلبتي الطلاق ورفض حلو متمسك فيج يبين لج العكس وانه نحاسه بس لا هذا الواقع يبيج ويبي عياله وداج الطبيب يحاتيج اخذ التلفون مايبي السالفه تكبر يبي استقرار بالبيت.يبه انا اقول احسن حل قعدي فبيتج ولا تتشكين لاحد خليج بالمنتدي وخلاص عقب اذا شفتيه هادي فتحي الموضةع معاه انج تعتذرين انج غلطتي وانه لازم ماغلط لو شنوانت اتسوي وبرري فعلج وفولي اتمني الي صار من ضرب وغيره مايتكرر وانا الحين مادخلت احد المره اليايه وان شاءالله ما يكون في مره يايه راح يكون في تدخل من الاهل .يبه الريال ياهل كبيز مدحيه ونفخيه وتدلعي عليه كل شي لج. والله يخليج هالكلمه تري كابوس لا تطرينه مره ثانيه وعليج بسهام الليل تصيب وماتخيب وعليج بالصدقات تحول من الي واي خرعتيني علي بالي سالفه جايده طلعت هينه والشيطان شاطر يكبرها لج الضرب مو هين لكن انت يبتي لنفسج والله قولولها الاولين السانك حصانك ان صنته صانك.امانه لا تزعلين مني بس الطلاق مو لحالتج لواحد خمار قمار راعي حريم يطق بسبب وبدون سبب مايصرف وخلاض في يهال انسييييييييييييييييي الطلاق

حبيبتي كلامج حيييل اثر فيني
انا قلت لكم من قبل انا متردده في هذا بس عقب ماطقني طلبت منه الطلاق جنت منهاره
وهو ظالمني وااايد مقصر مايعطيني شي ولا يعاملني عدل كلمه حلوه ماسمعها منه
وباختصار بخيل بمشاعره وباحاسيسه وبفلوسه وكل شي وفوق كل هذا لو بس ابي منه شي لازم يروح يستشير امه بالاول انا مليت والله ياما صار بينا وياما ماعمري شكيت ولابجيت لاحد وفيه اشيا ماتنقال
حارمني من اهلي حتى كرت مايرضى ييبه لي عشان اطمئن على امي
يعطيني كرت دينار ونص ويقولي هذا حق شهر شيسوي الكرت مكالمه دوليه
هذي امي الي الي ربتني وترملت عشاني وفي الاخير يحرمني حتى من مكالتها
مع انه يدلع نفسه وكل شهر تليفون يديد وطلعات وردات سنين ما طلعنا مو على نفسي انا ابي ونس عيالي ابيهم يطلعن يشوفون العالم يستانسو اذا جي بيطلعون اغبياء ما يعرفون شي
انا عادي اتحمل كل شي عشان عيالي

 

[.دمعتي الحزينه.]

شوفي حبي انتي قلتي المشكلة من البداية ماقلتيلنا شنو اللي مخليج تطلبين الطلاق وقرفانة من العيشة معاه


بس لاتزعلين من كلامي انتي الغلطانة .. اول شي لأنج اعترفتي باخطائج اللي اهيا قاعدة تسبينه وتسبين اهله !!!!!!!

والخطا الثاني حلفتي عليه بالطلاق !!!

والخطا الثالث انتي قلتيها انج قاعدة تحنين وايد !!!!


بعد كل هذا شلون تبينه يعاملج زين !!!! الوحدة منا تسوي ريلها يادهينه لاتنكتييييين ومعطي زوجته بولباااس قوي ويزفها ويهينها شلون لو تعامله جذي

الله يهديج ويهديه ...


بس انا اشوف فكري بينج وبين نفسج وحاسبي روحج وشوفي وين اخطائج واخطائه

ونظمي حياتج وتوكلي على الله

وان عزمتي على الطلاق قبل لاتنطقين باي شي حطي في بالج ان الحياة بدونه اسوأ من العيشة معاه ...

وحطي سلبياته وايجابياته على جمب وشوفي

ولاتنسين .. ان عندج عيال بيتشتتون في حال تم الطلاق حتى لو عندج معاشج واهلج سندج .. العيال بدجون اب يظيعون

كلامج على عيني
بس انتي ظلمتيني وطلعتيني غلطانه انا بعمري من اخذته ما ردت عليه ولا اتجراء اقوله بكلمه سبه اوسب اهله ياما يسبني ويسب اهلي ويلعن وسكت وقول هو ريال ومعصب
ابس انا قلت له جذي بعد مانفض صبري وتعبت من عيشتي وياه كل يوم سب ولعن واهمال والله

وبخل وحرمان انا معطيته كل حقوقه وين حقوقي انا ولي متى بتم بتم تحت رحمته هو واهل ماقدر اخذ اي اقرار الا بموافقة اهله

بسئلج سؤال يا خيتي بالله جاوبيني بصراحه
لو انتي مكاني وبعيده عن اهلج ماتعرفين احد بهذي الديره غيره وهو انسان مايصلي ولا يخاف الله مدمن افلام جنسيه ظالمج من كل حقوقج حتى عطر ما يعطيج انتي الزوجه المطيعه تغسلين وتطبخين وتربي اليهال وكل امور البيت ومع هذا حتى كلمه حلوه ما تلاقيها منه شنو يكون ردة فعلج
حتى الحيونات ما يعاملهوهم جذي
ولي متى
انا بصبر وامري لله مو عشانه عشان يهالي
وان شاء الله يكون لي بيت في الجنه

 

[عاشقة_الجمال]

الله يهدي لج يا رب

وانا ما افضل الطلاق دام فيه عيال