طلبتكم لا تردوني.....

[الام المحبه]

مرحبا حبيباتي
تدرون ان الصيف طويل وعندي ولد انشاء الله شهر 9 بيدخل الروضة ... والصيف طويل ....
ممكن تعطوني تمارين توصيل او نقاط او او احرف او ارقام او اي شئ ادرب فيه ولدي قبل ما يدخل الروضة
يعن ياعطية خلفية عن المناهج
لان ولدي بااااااااااااااااااااااااااااااااااااااااااارد وبطئئئئئئئئئئئئئئئئئئئئئئئئئئئئئئئئئئئئئئئئئئئئئئئئئئئ
وانا ودي لو استفيد من عطلة الصيف الطويلة واقعد اعلمة او اهيأة للاشياء الي راح ياخذها بالروضة

الله يخليكم لا تنسونا بالرد او حتي لو تدلوني على مواقع حلوة لليهال فيها تمارين حلوة وسهلة لليهال

ويعطيكم العافية

 

[* LOVE STORY *]

اللي اعرفه انه مكتبة جرير عندهم هالسوالف الأدوات التعليميه ,, اليوم ناويه امرهم ان شالله

 

[بدوية اصيلة]

اعرف مدرسة تدرس حق بناتى اهيه اعطاتهم سى دى واوراق عمل ممتازين والسى دى فى حركات ورسوم واصوات وحروف متحركة بالعربى والانجليزى حق الياهل الصغير بس ماادرى اهيه من وين ييباتهم لو تابين رقمها وانتى ساليها اذا ممكن تبيع لج السى دى والاواراق او لا وان شاء الله اكون افدتج

 

[AFRoDiT]

ليش ماتدخلينه نادي صيفي
يعلمونه بشكل خفيف و أسلوب مرح .. عشان يتعود على جو الروضه

 

[الام المحبه]

مشكورين حبيباتي
اختي بدوية اصلية ممكن رقم التلفون او اي وسيله للاتصال عليها

ويعطيكم العافية
وشكلي بالويك اند بروح جرير ( الي بحولي ) واشوف شنو عندهم

ودي اسال مكتبة جرير الجديدة الي بشويخ فتحت ام بعد ؟؟؟؟؟؟؟؟؟؟؟؟؟؟؟؟؟؟؟؟؟؟ظ

 

[omajiad]

شوفي هذا الموقع وسوي منه برنت



www.starfull.com_03BA:

 

[nouna82]

starfall.com