طلبتكم كلكم ادخلو

[-مسك الجنان-]

السلام عليكم
أخباركم كويتيات
بدش بالموضوع على طول انا اراجع عند الدكتوره نزهت وهي ولدتني بكري قيصري
والحين انا حامل واخر مراجعه عندها قالت لي انها بتروح خلاص وبتحولني على دكتوره ثانيه وقالت من تبين قلت ماعرف انتي رشحيلي قالت تبي تولديني قيصري ولاطبيعي
قلت اكيد طبيعي وحولتني على دكتوره سونيتا وللحين ماجا موعدي عندها بس بالنت محد مدحها
طلبتكم خواتي رشحولي دكتوره شاطره وفاهمه بسلام خصوصاً انا بكري قيصري

 

[قرة عيونه]

الله يسهل عليج

والله ماعرف بالدكاتره حيل بس ماحبيت اطلع بدون مارد

اذكر مرت اخوي تراجع بالسلام عند دكتوره اسمها امل وتمدحها

وان شاءالله باقي البنات يفيدونج

 

[رفيعة الشآآن]

الله يسهل عليج ويقومج بالسلامة


اذا عالنت لو احسن دكتور بتلقين الذم فيه

استخيري و السهالة من الله

 

[-مسك الجنان-]

مشكورات خواتي الي ردو ابي ردود بعد شدعوه خواتي تدخلون الموضوع ومحديرد

 

[Aloe Vera]

سونيتا ولدت رفيجتي قيصرية في بجرها بس مادري حسيت استعجلت عليها و السبب مو قوي بس انا مو دكتورة و ماقدر احكم

 

[Newbaby]

نفس حالتج انا بخلص تاسع وخايفه اولد قيصري لانه بجري قيصري



مدحولي حيل حيان الاحمد



شوفيه ا

 

[توحه1]

روحي رويال دكاتره السلام الشطار حولوا هناك
عمرعصام هناك

 

[احلاانسانه]

السلام عليكم الله يهون عليج الدكتور حيان الاحمد ماشاءالله شاطر حيل ومومادي ونصيحه نصيحه نصيحه خليج قيصريه لاتطلبين طبيعي نصيحه ترا فيها مخاطر اسالي الدكتور وانشاءالله امورج طيبه استخيري بكل شي متردده فيه الله يقومج بالسلامه

 

[-مسك الجنان-]

مشكورات حبيباتي كل الي ردو بس انا ابي دكتوره مابي دكتور

وانا الي الله يكتبه لي طبيعي اوقيصري الحمدالله راضيه بس اذا فيه مجال اولد طبيعي ودي والله

مابي يستعجلون علي انا الحين ابي دكتوره تكون عندها ذمه وماتكون همها مادي قسم احترت اراجع عند منو

بعدالله يخليكم خواتي ابي ردود وابي دكتورات مجربينهم ابيها للمراجعات تكون فاهمه وقت الولاده ابيه تولدني

 

[ام عبد العزيز م]

الله يسهل عليج يارب

 

[مذهلة2013]

ياحلو حيان الاحمد شااااطر

اما الحريم ماادري عنهم

 

[مــتــنــحــة]

الدكاتره الحريم الشطار وايد

بس المشكله الله يسامحهم مو ثقه

يعني عادي تراجعين عندها واخر شي بموعد الولاده ماتجي وتدزلج احد ثاني من اللي بعيادتها

بس بعطيج اسم جم وحده اهم شطار بس استخيري فيهم وماخاب من استخار

ماجده اليتامى - فوزيه القطان - معصومه مخيصد

من ناحية شطار شطاااااار

 

[ريتاج_90]

السلام عليكم الله يهون عليج الدكتور حيان الاحمد ماشاءالله شاطر حيل ومومادي ونصيحه نصيحه نصيحه خليج قيصريه لاتطلبين طبيعي نصيحه ترا فيها مخاطر اسالي الدكتور وانشاءالله امورج طيبه استخيري بكل شي متردده فيه الله يقومج بالسلامه

لا حبيبتي مافيها مخاطر دام مرة وحدة قيصرية
والخطر اللي تكون قيصريتين بعدين بتولد طبيعي
لان يمكن يسبب انفجار الرحم
وحماتي كانت في بجرها قصيرية وبعد سنتين حملت
وولدت بنتها طبيعي
والله يهووون عليج وتولدين طبيعي ان ششششاااءالله
ودكاترة السسسلام ماعرفهم وان ششاءالله البناات
مايقصرون

 

[جلي احمر]

ليش لاتسوين قيصرية بعدين تتعبين وبعدها ماتولدين قيصرية في هنديه فيجايا نطرت علي يومين تهبل

 

[جلي احمر]

اقصد ماتولدين طبيعي ورح يحددون عدد مرات الإنجاب

 

[ريتاج_90]

ليش لاتسوين قيصرية بعدين تتعبين وبعدها ماتولدين قيصرية في هنديه فيجايا نطرت علي يومين تهبل

فيجايا راحت لدار الشفا مٍـٍْ♡̨̐ـِْْنْ شهر 3
ٱ‏​نـِْ♡̨̐ـِْا ولدت عندها بدار الشفا
تهبل وماتستعجل عليج

 

[-مسك الجنان-]

مشكورين خواتي والله ماقصرتو الله يجزاكم خير وبشوف الدكاتره الي قلتو عنهم وبختار فيهم
والله يسهل علي وعلى كل حامل ويتمم لنا على خير