طلبتكم حق شيلة اغراضي وروحتي لشقتي اليديده

[الفراشة_البيضاء]

روحي الجمعيه و مسكي لج اي عامل و عطيه جم بيزه و خليه يجمع لج الكراتين و اخذي رقم موبايله ( ماكو عامل اللحين ماعنده موبايل ) عشان تكلمينه يجهزهم لج حتى لو على دفعات كل يوم يجمع لج مجموعه... اخذي مو اقل من عشرين كرتون كبير عشان تكونين مرتاحه وقت حطه الاغراض فيهم ..


روحي لوازم العائله واشتري تيوووب (لزاق ) عريضه عشان تسكرين الكراتين ..اشتري اكثر من 5 او 6


جهزي القلم العريض عشان تكتبين عالكراتين شنو داخلها وقت النقله



و قبل النقله تأكدي ان الشقه اليديده نظيفه و ممسوحه خاصه كبتات المطبخ ...و حاطه فيها ادوات تنظيف و مساح



وبلشي نقله من الصاله ...... المطبخ ....الحمامات ........ غرفه النوم

اغراض المطبخ القفاش و الاشياء اللي ما تنكسر حطيها بجيس ربطيه و قطيه بالكرتون ...


خلااص حطيتو كل الاغراض بكراتين ...وحزتها اول باول تكتبين عالكرتون حق شنو و تسكرينه بالتيب........ بنفس اليوم يالله دقوا على سياره النقل تيي تشييييل الكراتين .... الشقه اليديده


كراتين المطبخ خلي العمال من البدايه يحطونهم بالمطبخ اليديد لان الكراتين بتكون ثقال عليكم ..

وكراتين اغراض غرفه النوم يحطونه بغرفه النوم ..

جذي ...



بقى الاثاث و الاجهزه .......

اليوم الثاني دقو على سيارتين يشيلون الاثاث و الاجهزه ........ سياره حق فج الاثاث مثل الكبتات و هالسوالف ......و السياره الثانيه حق الاجهزه و الثلاجه و قطع الزل و قنفات الصاله ....... الخ و شييييييييييل
طبعا لازم تجابلونهم ولا ترا الاثاث و الاجهزه بتزلغ عالطوف و مداخل البيبان وقت النقله ..


طبعا قبلها تكونين مجهزه جنطه سفر فيها ملابس مؤقته و فرش اسنان و شامبو و صابون و علبه كلينكس و فوطه للاستعمال....

و لو انتي و زوجج موظفين ضرووووووووووووووري تاخذون اجازه اسبوع

بالتوفيق

ماشاءالله عليج سنعه وطريقتج 5نجوم

 

[om reem 86]

الله يعينج على النقله اكرهها

 

[أميرة الحلا]

البنات كفووا ووفوا