طلبتكم تدشون الله يجزاكم كل خير

[فاقده ابوهاااا]

اشلونكم بنات

مشكلتي بأختصار لاني حدي تعبانه وما اقدر اكتبلكم وايد

انا صارلي من ولدت 5 ايام ولاده طبيعيه ولله الحمد بس بطلق صناعي اول يومين مافيني الا العافيه يس من 3 ايام حاشتني حاله الي اهي اذا انسدحت مجرد ما اصك عيني يعني اكون صاحيه مونايمه بس اغمض عيني تزيد ضربات قلبي بشكل كبير واحس بحراره بجسمي ورعشه واقوم تخيلوا صارلي 3 ايام مو نايمه اخاف انام احس اني بموت رحت مبارك ومستشفى هادي سويت تحاليل وفحوصات واشعه قالوا الحمدالله ما فيني شي والحين حايشني تنميل بايدي وريلي ..

عفيه بنات الي صارلها مثلي او اسمعت عن وحده نفس حالتي تفيدني لاني تعبت نفسيا وجسمي حده مهدود حيله واحس بتعب

 

[ام الحوراء زينب]

بعد عمري فوفو توج على بالي الحمدلله على سلامتج ومبروك ماياج
ماتشوفين شر يالغاليه
ان شاءالله البنات يفيدونج

 

[english muffin]

ماااعرف
ان شاء الله خير

 

[ياغفور اغفر لي]

حبيبتي ماعرف والله بس دام مافيج شي يوم فحصتي يمكن عين يمكن احد زايرج ومن بعدها تعبتي
ارقي نقسج

والله يشافيج

 

[*فرحة عمري*]

والله ماعندي فكره الله يشافيج ويعافيج

 

[المسكـ]

ماتشوفين شر حياتي واقري على نفسج دام الفحوصات كلها سليمه يمكن عين ولا نفس وخلي البقره دايما شغاله يم راسج بصوت واطي
يمكن هالشي رد فعل من الكمام القوي عادي ترا تصير ساعات
والف مبروك ما ياج ويتربى بعزج ان شالله

 

[عاشقة لندن]

الحمدلله على سلامتج

اتوقع هذا من قل النوم وقل الاكل

انا دايم يجيني بس مو بالنفاس

 

[فاقده ابوهاااا]

مشكورين بنات

والله يجزاكم خير *

 

[المها الابيض]

ألف الحمدلله على سلامتج ومبروك مايبتي
والحمدلله دام فحوصاتج زينه لاتحاتين يعني مافيج شي عضوي
يمكن هذي نفسيتج متغيره او هرمونات ومثل ماقالوا البنات ارقي نفسج وكثري
كثري كثري من الاستغفار
والله يسهل امورج ويفك ضيقتج يارب

 

[micro girl]

حبيبتي هذا من معدتج انا الحين معاي بس انا مو متزوجة اصير ارتجاع احماض المعدة ترتفع وتسوي رفعة في القلب لازم تروحين طبيب جهاز هضمي وراح يعطيج دوا وتصرين زينة ان شاء اللة الظاهر ان الجنين كان ضاغط وايد على معدتج وماثر عليها.

 

[رق رق]

الله يقومج بالسلامه ومااتشوفين شر ، ومبروك ماياج يتربي ابعزج ان شاءالله ،
(ترا امصادرين الوتس اب وتلفوني ضايع من اسبوعين ، واخاف .....) (-؛
والله عورتي قلبي ودي اعطيج عافيتي واخذ عوارج لا حوله ولا قوه الا بالله ،،،،

 

[جنى q8]

ياحيااتي الله يشافيج ويعافيج ان شالله

ان شالله البنات يفيدونج

 

[فاقده ابوهاااا]

الشر ما اييكم يا الغاليين

بس معقوله مافي وحده ماره عليها عالاعراض

 

[رق رق]

قصور الغدة الردقية Hypothyroidism

يقلل هذا التدني في نشاط الغدة الدرقية من مستويات T3 وT4 ، في حين تظل مستويات الهرمون المنبه للدرق عالية.
وهذا يؤدي إلى إبطاء عملية الايض في الجسم ، وقد تجعلك تشعر بالإعياء والتبلد الذهني.
قصور النشاط الدرقي هو اكثر انواع الإضطراب الدرقي شيوعى ، وهو يصيب النساء أكثر من الرجال بخمش إلى عشر مرات ، ويزيد معدل حدوثه مع تقدم العمر.

مالذي يجعل الدرقية قليلة النشاط؟

هناك أسباب عديدة لتدني نشاط الغدة الدرقية:
قصور الدرقية الضموري (التمانعي) -ATROPHIC
والسبب الأكثر شيوعآ ، وفيه يهاجم جهاز مناعة الجسم الغدة الدرقية ويدمرها ، والنساء أكثر عرضة لذلك من الرجال.
إلتهاب الدرقية هاشيموتو أو مرض الالتهاب الدرقي لهاشيموتو او الالتهاب الدرقي المناعي الذاتي
وهو من إضطرابات المناعة الذاتية
وهو مرض تمانعي تهاجم فيه الأجسام المضادة خلايا الغدة الدرقية مما يؤدي إلى إلتهابها تضخمها وإيلامها وتدميرها.
ويحدث مرض هاشيموتو غالبآ بعد ولادة الام لطفلها أو بعد العلاج بعقاقير قوية منشطة لجهاز المناعة مثل إنترفيرون ألفا أو عقاقير إنتركولين.
وهو أكثر شيوعآ في المصابين بأمراض المناعة الذاتية الأخرى مثل النوع الأول لمرض السكري والأنيميا الخبيثة ومرض أديسون.



ان شاء الله اكون فتدج باي ....

 

[فاقده ابوهاااا]

مسويه تحليل للغده واطلعت النتيجه زينه يعني النسبه ١٢ انا ١١.٧ يعني ما تحتاج لدوا

 

[دآنة آلرشآيده]

اسم الله عليج ماتشوفين شر
الحمدلله دام فحوصاتج سليمه ماعليج شر
اقري على نفسج​

 

[nadoo]

سلامتج ما تشوفين شر

 

[تبطي عظم!]

فاقده توني بالتجمع اقول حق العضوه زوجه مقهوره

عن التنميل بيدي ورجلي اليسار حييل يخدرون لدرجة ايدي ما اقدو اشيل عليها شي

وهي فيها بس باليمين

وانا نفسج صارلي 8 ايام والده وتوه بس من يومين جاتني هالاعراض وحدي خايفه ~*

 

[فاقده ابوهاااا]

المشكله مو بالتنميل مشكلتي ما اقدر انام تخيلوا من ولدت للحين ما نمت يمكن بالكثير نايمه ساعتين او ثلاث خلال 5 ايام تعبت واتعب نفسيتي

 

[Judy . abbot]

ما اجوفيين شر عمري
اخاف مال التعب ضغطج مرتفع