السلام عليكم خواتي انا حابه تعطوني نصايحكم وارائكم بخصوص موضوع مهم جدا بالنسبة لي.بدخل بأختصار صلب الموضوع وهذا الموضوع احترت فيه كثيرا.
انا متزوجه وعندي بنت عمرها ٣ سنين و٤ شهور وولد راح يكمل سنتين في ٢٠ فبراير.انا توني دخلت ٣٥ سنة وهالفترة خاطري احمل واجيب الثالث ومابقى للعمر كثر ما مضى.
المشكلة عايشه بره الكويت عايشه بالغربة وماعندي خدامة واهلى مو عندي وبنتي توها بدت الروضة وانا اوديها وارجعها نروح مشي ونرجع مشي والمدرسة اشوي بعيده. اخذه معاي ولدي طبعا لأن ماعندي احد اخليه عنده وبيتي دور الثاني مافي اصاصير بس درج يعني ولدي اشيله لما انزل من الدرج ومرات على الطلعة اشيلة لانه يكون نايم.المهم وزوجي يروح الدوام الصبح مايرجع الا الساعة ٧ المغرب .التنظيف شغل البيت واهتمام بالاطفال ونظافتهم كله علي ف خايفة اذا حملت اتعب بالوحام واطيح بالفراش وقتها منو يودي بنتي المدرسة منو يهتم بعيالي واخاف اتعب ومااقدر اوديها المدرسة وهي توها بدت قبل اسبوع ف نفس الوقت خاطري في بيبي .احب الله يعطني ٣ غير ٢ الي عندي .فهل تنصحوني احمل في هالظروف ولا لا؟ وهل اقدر اجيب ٣ باقين .عطوني حل بليز قولولي شنو تنصحوني احمل او لا؟ زوجي يحب العيال ماعنده مانع لو حملت هم بعد ماعنده مانع لو ماحملت يعني عادي بس انا خايفة احاتي اتعب لانه حمل بنتي تعبت بالوحام والولاده بس ولدي لا الوحام والولاده الله سهلهم لي.وهل حمل الثالث يفرق عن الثاني؟ يتعب او يكون اسهل؟بليز محتاجتلكم
انا متزوجه وعندي بنت عمرها ٣ سنين و٤ شهور وولد راح يكمل سنتين في ٢٠ فبراير.انا توني دخلت ٣٥ سنة وهالفترة خاطري احمل واجيب الثالث ومابقى للعمر كثر ما مضى.
المشكلة عايشه بره الكويت عايشه بالغربة وماعندي خدامة واهلى مو عندي وبنتي توها بدت الروضة وانا اوديها وارجعها نروح مشي ونرجع مشي والمدرسة اشوي بعيده. اخذه معاي ولدي طبعا لأن ماعندي احد اخليه عنده وبيتي دور الثاني مافي اصاصير بس درج يعني ولدي اشيله لما انزل من الدرج ومرات على الطلعة اشيلة لانه يكون نايم.المهم وزوجي يروح الدوام الصبح مايرجع الا الساعة ٧ المغرب .التنظيف شغل البيت واهتمام بالاطفال ونظافتهم كله علي ف خايفة اذا حملت اتعب بالوحام واطيح بالفراش وقتها منو يودي بنتي المدرسة منو يهتم بعيالي واخاف اتعب ومااقدر اوديها المدرسة وهي توها بدت قبل اسبوع ف نفس الوقت خاطري في بيبي .احب الله يعطني ٣ غير ٢ الي عندي .فهل تنصحوني احمل في هالظروف ولا لا؟ وهل اقدر اجيب ٣ باقين .عطوني حل بليز قولولي شنو تنصحوني احمل او لا؟ زوجي يحب العيال ماعنده مانع لو حملت هم بعد ماعنده مانع لو ماحملت يعني عادي بس انا خايفة احاتي اتعب لانه حمل بنتي تعبت بالوحام والولاده بس ولدي لا الوحام والولاده الله سهلهم لي.وهل حمل الثالث يفرق عن الثاني؟ يتعب او يكون اسهل؟بليز محتاجتلكم
