طلبتكم بروح تركياا

[مسك وورد]

بنااات فديتكم ودي اروح تركيا اسبوع او 10 اياام
وين تنصحوني اروح
طبعا انا وزوجي بس
وكم بتكلف السفره
وشنو احسن طيران
طلبتكم لا تردوني

 

[¤§ زيتونة §¤]

حبيبتي

احسنتي الاختيار

تركيا تهبل وحلوة وجوها دايما حلوووو

بس ترى غالية مو مثل قبل


يعني يبيلج اقل شي الف مصروف مع السكن بس بدون التذاكر

والله يعينج

روحي بورصة واسطنبول هذيلا انسب شي حق عدد ايام رحلتج

وبتلاقين مجمعات وحدايق وتمشي والجبل في بورصة طبعا ما يتطوف


واشياء حلوة تزورينها بهالمنطقتين


تابعي تقارير البنات وشوفي اللي سافرو العام وين راحو وتقدرين تسوي لج جدول رحلة منظم


الله يسهل دربكم وبالسلامة

 

[فطووومة]

بنااات فديتكم ودي اروح تركيا اسبوع او 10 اياام
وين تنصحوني اروح

هلا حبيبتي تركيا تهبل كل مناطقها حلوة وباردة وطبيعة وناسها خوش ناس وان شالله ترتاحون فيها وتستانسون

الله يسهل عليكم ان شالله

عندج اسطنبول يبيلها 3 ايام وبورصه 3 ايام ويلوا يوم تقريبا

ويمدحون مناطق اوزنغول وانطاليا
يعني انتو تحددون جم يوم تحبون تقعدون فيهم
وتقدرون تروحون ترابزون وازنغول طيران داخلي ورخيص


طبعا انا وزوجي بس
وكم بتكلف السفره
الاسعار حسب اذا بتقعدون بفندق او شقة ،،، تقريبا الكل 140 دولار باليوم
وعندج موقع بوكنغ شوفي حجوزات الفندق فيه احنا حجزنا منه حق مصر والامارات ومشى الحال يعني مضبوط وما تدفعين الا اذا وصلتوا ان شالله
حسب مشاويركم والسيارات اللي بتأجرونها اذا سيارة خاصة بكل مشوار بيكون غالي وفيه ناس يروحون بالباصات المكيفة اهي حلوة نفس السوبرجيت يعني تلفزيون ومكان مريح وكل ساعه يوقف في استراحات (اذا بتروحون انطاليا او اماكن بعيدة تحتاج 5 ساعات او اكثر )
ارخص
وشنو احسن طيران
حسب الاسعار دشي النت وشوفي الارخص او شوفي السفريات

احنا حصلنا التركية ارخص شي
وعندج الجزيرة بعد تروح تركيا بس حصلناها اغلى بجم دينار بس اهي مريحة
طلبتكم لا تردوني

والله يسهل اموركم يارب

شوفي التقارير فيه اخت توها رادة من تركيا يمكن يفيدج تقريرها

احنا كل سنة نروح اما انتي اذا اول مرة تروحون وتبون مكتب سياحي احنا نعرف رحنا معاه اول مرة

دزي لي اذا تبين رقمه

 

[مسك وورد]

فديييييييتكم حبايب قلبي