طلبتكم اللي تعرف عن سامر الريس تدخل واللي تعرف مختبر زين

[امتى اشوفك]

السلام عليكم شلونكم بنات انا عندي اجهاض مرتين دون سبب وسمعت عن دكتور سامر الريس اب اعرف منكم اللي سامعه عنه او معالجة عنده وابي اعرف عن مختبر تحاليله زينة ورخيصة ويكون خاص افضل تكفون بنات طلبتكم وانا ماممراجعة عند طبيب قبل كله طبيبات ابي اعرف الطبيب يفحص داخلي اهو لو شنو

 

[أأأميرة الورد]

والله ماعندي فكرة
ان شاءالله البنات ما يقصرون
والله يرزقج بالذرية الصالحة

 

[امتى اشوفك]

مشكورة اخت مناي وهناي بس ما حد رد علي

 

[توتة 87]

انا عالجت عند الدكتور سامر الريس و بعد مثلك اجهضت مرة وحدة و الحين الحمدلله حامل بالثاني

ما اروح الا عندا احس اهو احسن دكتور صريح و ما يخوف مثل باقي الدكاترة انصحج تعالجين

عندا ... حماتي عالجت عندا ثلاث سنين تعالج و الحين عندها توأم توكلي على الله و روحيلا

 

[امتى اشوفك]

ان شاء الله اروحله بس اهو يفحص داخلي اخت توتة 87

 

[Dancing^Queen]

والله انا اراجع عنده وعالجت عنده
الدكتور شاطر حيل بالعلاج والتشخيص
بس للامانه مراجعات الحمل كلش مو عاجبني مايعطيج حقج
واذا وزنج زايد 5 كيلو لاتروحين!