طلاق بدون سبب ؟ لييييييش عاد

[بنت خيطان]

طبعا هذى ظاهرة حاصلة فى الوقت الحاضر

طلاق بدون اى سبب ؟

طيب ليش مو حرام

تعتبرين الطلاق فخر او فلم هندى ؟

اذا فى اى سبب قولى وحنا خواتج ونساعدج

الى قاهرنى عندى ثلاث صديقات نفس الطريقة

طلاق بدون سبب ؟

طيب ليش سويتى جذى ؟ تقول انا بكيفى وابى الحرية

وحدة من صديقاتى تحسفت لما اسمعت طليقها تزوج وجاب منها ولد

يا بنات ربى يحفظكم ويسعدكم

قبل لا تطلقين فكرى او كتبى لنا وان شاء الله بنات المنتدى تحت الخدمة​

 

[Tom ♥ Jerry]

,

لآنه تفكير البنات بعضهم صار سطحي !
يعني بالعربي #مآكو تفكير !

 

[~ روح امها ~]

صح مآكو تفكير وأخر شي بتحسف وبطيح بوآحد طآيح بجبدهآ

وبتحسف على قد شعر رآسهآ وبتقول يآليتني ويآليتني

ألمفروض تفكر ترآ ألزوآج مو لعبهه ..

 

[نونه المنكوشه]

يمكن ماتقولج السبب الصجي انا بنظري مافي بنت او مراااا تبي خراب بيتها اله في سبب قوي ويمكن حاولت بس ماكوفايده لاتصدقين اله اتقول ماكو سبب اله وحده معتوهه وله عقلها في شي هذا شي ثاني

 

[granted]

لا صدقيني الغالبيه العظمى في سبب وسبب قوي بس مايقولون واحيانا يكون السبب ماينقال
بس بالنهايه قسمتهم ونصيبهم مو مع بعض
بس ماقد سمعت وحده تطلقت من غير سبب او انه تبي حريه مثل ماقلتي !!

 

[manoooram]

بهالوقت مو الكل من عنده الاستعداد بتحمل شريك حياته
لسبب ما عندهم المقدره على تحمل المسؤولية والبيت وأقل زعل أو خلاف ينفصلون
أما اللي عندهم مشاكل تصل لشرب الخمر والمخدرات والخيانات وامتهان كرامات بعض جدام الخلق
اهني ما ينلامون

 

[جلكسيه اس 3]

انا مرتاحه فبيت اهلي
ماعندي احد يتامر علي
و اذا صار سوء بين الزوجه و ام الزوج تعالي تاسفي هذا حكم قراقوش
الريال بايع العشره و يدور زلات
ف اكيد ما راح افكر اعيش مع واحد جذي
ما اقول الا مالت على هيك ريال

 

[PuPa^^SWeeT]

بنات هالوقت مافيهم تحمل


ما يتحملون ريال يامرهم ولا ينهيهم


ما يتحملون حمولة فيها اطباع غير اطباعهم


مايتحملون الحمولة تحقرهم ولا اتناديهم


شوفي قسم الحياة الزوجية و اتعرفين



اذا الريال فيه منه عيوووب كثيرة مثل ما تفضلت مانورام


اهني انحاااشي


اذا الحمولة اتشوف سوالف ولدها و مع هذا يطلعون الغلط عليها


اهني تنحااش


بس مشاكل اطباع و اموور صغيرة تحصل بكل مكان هذا حراام الوحدة تنفصل عليه

 

[فوفو22]

هو مافي طلاق بدون سبب

ولكن في اسباب تافهه وينحرجون يقولونها حتى ما يسمعوا اللوم من الناس

والله يوفق الجميع

فوفو

 

[اميره1980]

اللي تتطلق من غير سبب فعلا هذي لا تتزوج مره ثانية و تظلم ولد الناس وياها و اهلها اذا يدرون عنها و يزوجونها يكونون اشتركو وياها بهالجريمة
بس اغلبهم ما يقولون السبب الحقيقي الله يحب الستر

 

[بنت خيطان]

الله يستر علينا وعلى جميع المسلمين

امس بالليل سمعت خبر من صديقتى مو شى حدة

اتصلت عليها وبشوف شفيها بالضبط ويمكن اساعدها

قتلها خير حبيبتى شفيج ؟

قالت انا بنفصل من زوجى ؟ انصدمت من كلامها

قتلها حرام عليج وانتو ما شاء الله عليكم سمن على عسل

الريال مو مقصر معاج وانتى بعد مو مقصرة

قالت مليت من حياتى الزوجية ونفس الموال و الروتين

قتلها انسى الموضوع واخذى راحة فى بيتهم اسبوع وشوفى النتيجة

ومن بعدها البنت تبجى ؟ قالت مستحيل اهلى يرضون و يزعلون منى

قتلها حاولى مع زوجك ويمكن يوافق

وبعد نص ساعة اتصلت و قالت انا بروح عند اهلى وبقولهم زوجى سافر اسبوع

علشان ما تكبر المشكلة بين الطرفين ؟

يعنى كانت المشكلة بسيطة حدها وبعضهم ما يفكرون

بس يلا طلقنى برتاح من الروتين ؟ صدقونى والله غلط الى يحصل فى الوقت هذا

كل شى بالسياسة والكلام الحلوووو

الى يقهرنى اللحين خلاب البويات ؟ منتشرين وايد الله يستر عليهم​

 

[ms mooka]

صح كلام اختي مافي شي ايي مني والطريج طلاق

في بس اسباب تـآفهـ

الله يستر عليهمـ ويعوضهم باللي احسن

 

[بنت خيطان]

يسلم ردكم العطر

 

[عاشقه رويشد]

ماكو شي بدون سبب

 

[a7la-elbanat]

مستحيل يكون بدون سبب لان البيوت أسرار وموضروري كل من هب ودب يعرفها لأنسين إحنا بمجتمع اختلط فيه الحابل بالنابل ماتدرين داخل بيتهم أهمه شنو مع بعض الناس مالها الا الظاهر والأمراض النفسيه ممكن تكون احد الأسباب بس مستحيل وحده تطلق وتقول ريلي فيه وفيه لو كان فيه خلل او مرض صعب تفصح عنه او ممكن يكون نقمه عليها ومحل للمعاير فصدقيني كل شي بالدنيا له سبب وكل فعل له رد فعل بس مؤ كل مره تتحجى والمراه الحكيمه والعاقله تحفظ العشرة وبس ما تتكلم عن أسرارها ولله في خلقه شؤوون

الله يهدي الجميع

 

[نهى الأحمد]

للبيوت اسرار


واحنا ماندري السبب الرئيسي اللي ادى للطلاق بين اي زوجين


بس انا اقول الا يكون فيه سبب قوي لجئوا الى حل ( الطلاق )

 

[sh_mashael]

اختي هاذي ترقيعه

و الا اكيد اكو سبب

مايعرفه الا هم

الله يهدي النفوس

 

[روح التعاون]

ترى احيانا الغلط من الرجل يطلق على اساس ان هو عنتر وان انا اي بنت تتمناني لان الرجل بطبعه ملول ولم يطلع وشوف برا بنات ملونين شق وحمر قلبه يفز وحس انه وده يجدد
احيانا لم يروح الريال يطلق وبعدها يبي يرجع زوجته ماترضى لانها تحس ان كسر فيها
بالكويت عندنا نسبه كبيرة من البنات الوظلومين والي تتطلق عشان حريتها ولا عشان قالها لا مااعتقد انها كويتيه لان الكويتيات
حكيمات واقوياء وصبورات ومايخربون بيوتهم فختلط علين بسبب زواج الاجانب

 

[pinkoosha]

اغلب البنات الي يطلقون على اتفه الاسباب تفكيرهم محدود

يعيشون اليوم ب يومه،،، هذيله عانو من الحرمان لمه كانو صغار، ما عاشو فترت مراهقتهم، اهلهم كانو حاكرينهم،،،،

شوفو من جم سنه وانا متخرجه من الثانويه وليلحين تيني اخبار عن البنات فلانه تطلقت وفلانه تطلقت وكلهم كانو محكورين ومكبوتين،، ف يعوضون الي راح بالطلاق عشان تاخذ حريتها من الاهل

 

[Lourdez]

انا من البنات اللي موضوعج عنهم انا انفصلت بمدة اقل من شهر بس صج اقولج البيوت اسرار في اسباب وايد انا اخذته و كان عبالي خوش واحد بناء على مدح خواته و امه بس انصدمت فيه ما يعرف اقل قواعد الاتيكيت و الذرابه و تفكيره متحجر جداااااا و سبحان الله نصيب ترا و التوفيق من رب العالمين مافي بنت تتطلق مني و الطريج ترا الطلاق صعب حيل و يكسر الوحدة و يخليها تنضج و تشوف الدنيا من نظرة اوسع و اشمل ما عدت ذيج البنت اللي تحلم بفارس الاحلام الحين في اشياء يديدة خذت مكان هالحلم .. و اذا على رفيجتج سوري صج مو من الحكمة انه تتطلق عشان الروتين و مو هذا السبب الصجي اتوقع في سبب ثاني بس ما قالت لج و البيوت اسراااااار لو قالت لج سرها يمكن مع الايام اهي تنسى انها قالت لج بس انتي مستحيل تنسين الفكرة عن ريلها