طلاقي الأليم ، ابي حلول ابي كيد النسا ، حياكم

[يارب دبرني]

انا تطلقت من الملجه
والسبب اهله وايد يسون مشاكل ويتدخلوون بينا واهوو من كثر ما يوزونه علي قام يدور الزله مداور !!!!
ناطرني اغلط عشان يحط اللوم علي !!!!!
وتطلقت ظلم .. حسبي الله ونعم الوكيل
انا انظللللللمت

واللحين انا مفكرة أردله شلوووووووووووون ؟
انسيه ما انسيه ما اقدر بصراحه احبه والله

عمركم شفتوا احد رد وحدة عقب انفصال ؟ يعني في امل ؟
ولا ما يقدر يعني ينقص ويهه يروح يخطب مرة ثانيه ؟



وهل اكوو حل حق حالتي
كيد نسا / خطط / اي شي بس ابيه

 

[عـيّــآره]

اللي مايعدك راس ماال لاتعده فايده​

طريقه وحده وبترجعينه لج ويصير خاتم بايدج بعد​

ذلفي نفسج ورخصيها ​

بيرجع لج​

بس بعدها بيتركج


لانه بتطيحين من عينه اذا ركضتي وراه

الزم ماعلى الانسان كرامه واحترامه لذاته

سوالف ريا وسكينه والتخطيط يمكن تنفع بس عواقبها وخيمه

غير المعاير اللي بيصير ترا انا تركتج وانتي رجعتي لي


الحاله اللي انتي فيها مع الوقت بتروح شيليه من راسج لاتحطين الانفصال في بالج

جنه حرب ومن ينتصر بالاخير

قولي الله ماكتب وبس

والله بيعوضج خير ​

والسلام ختام ​

 

[انصاريه قمره]

دااام هذي اولهااا ينعاااف تاليهااا
من صجج حمدي ربج انج مالجه وما دخل عليج ولا عندج عياااااال باجر رب العالمين يرزقج بسيد سيده مادري شلووون تردين حق واحد بااااااعج انا بروووحي مصدعه وفي مواضيععع بصراحه ترفع الضغط بنااااات حبايبي الانسان بدووون كرااامه ما يسوى شي انتي فوضي امرج لله وادعي ربج بالعووووض وصدقيني ربج بيعوضج باللي احسن منه ويعطيج على قد نيتج

 

[M!ss CoLoRz]

بالضبط

اللي باعج بيعيه واهوه ما يقدر يغير أهله
يعني بالله عليج حصلتي الخطة ورديتي له.... انزين مشكلة أهله ما انحلت !!!
استعيني بالله وادعي انه اييج الأحسن منه

 

[granted]

اصحي يابنت وقلبج دوسيه اذا بنسيج كرامتج واصحي لنفسج
ترى ممكن يردلج ووايد تصير بس لم يهينج ويكسرج لاتردين تبجين لان انتي هانت عليج نفسج فلاتتوقعين منه شي ثاني

 

[مذهلة2013]

حبيبتي الي باعج برخيص بتراب بيعيه

الايام راح تنسيييج صدقيني واااااااااااايد نسينا ناس كنا نقول شلون ننساهم !!

ربي يرزقج ويعوضج باحسن منه

 

[رويال ديزاين]

مع انصاريه

ميه بالميه


من صجج انتي تحسبين الدنيا واقفه عليه

حبوبه انتهى من حياتج من طلقج

بعدين الرجال لو يبيييييج ما خلاج

هذا عايفج و انتوووو بالملجه اجل بعد الزواج لا تستبعدين اي شي

 

[كاريزما حلوة]

انا مع البناااات المسألة مسألة وقت وبتتعودين وتنسين


اصلا الحمدلله انه مادخل عليج


نصيحتي انسيه والغيه من حياتج


وكثري دعاء واستغفار



وابدي من جديد توج صغيرة والحياة جدامج


ولا تخلين عندج وقت فراغ صلي اقري قران وروحي نادي دشي مطبخ والله يجبر ك
سر قلبج ويهون عليج مشكلتج

 

[Royof]

حبيبتي

احمدي ربج بس ملجه و انفكت اجل لو متزوجته وداخل عليج شنو بيصير فيج .. ربي فكج والله راح تنسينه انا تطلقت وبفضل ربي قاعد انساه معني اموت فيه ولا بينا مشاكل بس سبحان الله مو مكتوب نتم مع بعض ورضيت بقضاء الله و قدره وعشت حياتي والله نسيته و ادعي انا الله يرزقني باللي احسن منه

الله ينسيج اياه و يرزقج اللي احسن منه

 

[برنسس أوراق]

ادعي ربج يرزقج باللي احسن منه

 

[Dam3t-7zn]

حمدي ربج طلع خياسهم قبل لا تورطين معاهم ويصير عندج عيال

انا والله لو ادري انهم جذي جان انا اللي طلبت الطلاق

نصيبج بيجيج لا تستعيلين حبوبة

 

[سندس 90]

ولله لو مكانج اقول الحمد لله
طللع الويه الحقيقي

 

[مدّهره !]

لاااتعليق .’

لأن صراااحه تفكيري ومنطقي عكسج ...’

 

[انسام الكويت]

اهو الحين عقب ماطلقج ...اتصل عليج او دزلج مسج يبرر هالشي اللي سواه وانه يبيج !!!؟

دام طلقج ولا سأل عنج وأنهى هالقصه عيل خيره لج لانه اهو بايعج عشان رضى اهله.

وحتى لو رديتوا العلاقه مراح تستمر دام اهله مايبونج وراح يحنون عليه يطلقج ثاني مره وثالث مره لين تحرمين عليه...

فااختصري القصه كلها وقوي قلبج والجئي.حق ربج ....وانتي لانج مندفعه بحبه وتوج ببداية الحب والعشق وياه فموقادره تنسينه

وماعليه مع الأيام بتنسينه والتهي بشي يفيدج وااايد أحسن ...والخيره فبما اختاره الله

 

[Um Tuki]

انا اقول حمدي ربج عرفتيهم على حقيقتهم قبل ما اتيبين منه درزن عيال

بلا احبه و يحبني ترى لو يحبج ما قطج هالقطة فديتج

كله من هالحلقات كثر ما تجوفونهم و تعيشون الجو

 

[Zinab BH]

مع الايام بتنسين و الله بيرزقج اللي احسن منه شيليه من راسج

 

[الأوركيد~]

الله يعوضج باللي احسن مننه

كثري استغفار

و دعاء و صلاة ليل

و الله يعوضج

 

[فوفو22]

الكلام اللي بقوله لج ولغيرج

اول ايام الملجه انتي تحت اختبار

فاي رده فعل لج مو زينه

هو يطق بريك مو انتي

لانه الحريم المفروض بالهم اطول

لو صابره على طبعه شوي

وقربتي صوبج بطيتج مو لسانج
بسلوكج مو رده افعالك
باخلاقك مو بزعلك

رح تربحين المعركه وتجيبينه صوبج

بس اذا كل زوج بتسمعين قيل وقال من اهله

وتزعلين

بيعتج برخيص عند الزوج الجديد


نصيحه. لكم

اللي بتعيش حياه زوجيه طويله وسعيده تطول بالها وتتحمل


فوفو

 

[M!SS.LOBY]

الله يعينج

 

[M!SS.LOBY]

معوضة خير ان شاءالله من باعك بيعه هذا من اوله يدور الزله