طقيت ولدي

[LuluFritz]

السلام عليكم

ولدي عمره 4 سنين يحب المصارعه وجون سينا وربعه اليوم لاول مره قعد يجرب
على ابوه كل الحركات كنا نضحك وريلي يقولي صج ترا يعورني بس كنا نضحك المهم في النهايه
خلاه ابوه يفوز بعدين قعدنا ريلي يشيش وقت الشيشه ولدي يصعد غرفته يلعب و يطالع تلفزيون

بس لا وقتها ولدي عاند ويسوي حركات ويصارخ جان يقوله خلاص بابا بعدين العب معاك جان يطق ابوه طراق مصخت السالفه لانه اهوا ساكت مايكلمه ولايبي يسويله شي قلتله ماتمد ايدك على احد
وليلحينه معاند ويصارخ ويدزني طقيته بنعال الحمام عزكم الله تحت ظهره مابي اعوره بس حرني اهوا انصدم

انا اول مره امد ايدي عليه دايما اكلمه او اخذ منه العابه او الايباد بس هالمره طقيته وانا حيل متضايقه
وتاخذه الخدامه غرفته اسمعها تكلمه تقوله غلط عيب مانسوي جذي حق ماما وبابا ولا اسمعه يقولها سوري

صعدتله موراضي يتاسف قلتله ماتبي تاسف حق بابا خلاص اخذ العابك خذيتهم شوي ولاينزل يبوس راسي
يقولي اسف قلتله وحقي حق بابا وتاسف وباس راس ابوه


بس متضايقه لاني طقيته مادري اللي سويته صح ولاغلط حيل قلبي يعورني :eh_s(16):

 

[noo7a]

الحركه الي سواها ان مد ايده على ابوه
تستاهل ان ينطق طق بسيط عشان مايكررها ويعرف ان الي سواه غلط كبير
و الزين الي سويتيه ان طقيتيه اسفل ظهره او على ايده
احسن من انج تطقينه على ويهه
بس الادام الي استخدمتيها اهي الغلط
نعال الحمام عزج الله !!! *

 

[LuluFritz]

يختج من الاعصاب ماشفت جدامي غير هالاداه لول
ماخاف مني يوم قمت حتى يوم طقيته على ايدله كان ساكت ويعاند
بس صج عوار قلب رحت لعبت معاه وبسته وايد

 

[(حكاية قلب )]

لآ حبيبتي انتي سويتي الشئ الصح عشان يحترمكم ولآيرفع ايده علي أبوه
وانتي طقج له مش قوووي بس المره الجايه هاشويه وفتني له عينيج بيخاااف صدقيني
وماراح يكررهاا ان شاء الله​

 

[Perfume]

حبيبتي انتي
كل الامهات يتظايقون اذا طقوا عيالهم
بس أنا ما أيد انج تطقينه بالنعال
طقيه بيدج على يده عشان يحس انه غلط
بعدين حبيبتي ليش تخلين الخدامة تاخذه داره وتنصحه بهدوء وتراضيه
جذي كلما تطقينه او تعصبين عليه بيلجأ لها وبيحس انها الحنونة وانتي البعبع

 

[LuluFritz]

اي صح كلامج المشكله اهوا وايد يحب هالخدامه
وهيا بعد لدرجه سافرت وردت وهيا بديرتها ادق علي تسئل عنه
اهوا صاير يقلد هاللي يشوفهم بالتلفزيون حتى اسمعه يصارخ عليها ساعات يعني معصب

بحاول الهيه اشركه نادي او شي

 

[@ام يوسف@]

اااب

 

[senioreta n7oola]

مع احترامي لج
الاساس من هالزوبعه كلها
المصارعة !
لازم يكون في توعية للابناء
انا ولد اختي نفس حالته
مدمن مصارعه وماخلا
خواته بحالهن يطق
ويقلد الي يشوفه
اخرتها مسك ولدي
الي عمره عشر شهور
وبغا يفك رقبته
انا انفجعت بصراحه شي
يخوووووف !
وحذرته ..
وبالاخير الحمدلله
اختي باعت ايباده
والبلاي ستيشن !
ع شوي شوي امنعيه
من المصارعة وحببيه بشي
ينفعه ويهذب تصرفاته
لان جد راح تشوفين الهوايل
باجر بيطبق كل شي يشوفه

 

[نـعـومـه]

لا موغلط

مايصير يطق ابوه

اكبر غلط يتعلم من صغر على هالشي

 

[فرح79]

حبيبتي والله اطفالنا الله يحفظهم احيانا يطلعون الواحد عن طوره وتخليه يفقد اعصابه الله يهديهم يارب وهو اكبر غلط يضرب ابوه الله يهديلك اياها وتشوفيه من الصالحين يارب

 

[((غلاي))]

تصرف صح
صح مانطق عيالنا بس في اوقات لازم و يكون ظروري الطق
وولدج صغير4سنين ومد ئيده لازم ينطق

 

[عواش1987]

اهو صح انج طقيتي بس غلط نعال الحمام لو بيدج افضل

 

[*kim*]

نفس حالتي وحال الامهات من نطق نتحسف الله يصلحهم

 

[(*ام عهــــد *)]

ماقصرو البنات

 

[غارقة بأحزانها]

يحليلج قلبج معورجلان اول مرة
انا ماقام ينفع فيهم الطق حتى
يابولي الاعصاب والضغط
الود ودي انحااااش من البيت ومااشوفهم بعد

 

[نجمة فجر]

زين سويتي فيه

ترى يهال هالايام مب حاطين قدر للام والاب ، لانهم وايد مدلعين
زين علمتيه ان غلط يغلط على ابوه

 

[قطوووة]

حبيبتي الطفل بهالمرحلة يتعمد يسوي اشياء

عشان يشوف رد الفعل

لا تطقينه فهميه بس
مرة مرتين
ان مافاد طقة خفيفة

مهما يكون4 سنوات صغير حرام

 

[سكرة هانم]

لازم ينطق عشان يتعلم .. انا مع الاسلوب القديم صراحه والشده اليهال من كثر الدلع لا فالحين باخلاق ولا دين ولا دراسه

المفروض ابوه اللي يطقه استغربت من بروده

حاولي توخرينه عن التي في والجيمز ,, خل يلعب العاب حركية ورياضية تفرغ الطاقه اللي فيه