طقيت شفايفي ابر وانا حامل بالشهر الثاني!!!؟

[مريم86]

السلام عليكم


بنات الله يفرج عليكم ويطمم قلوبكم ويريحها من همومكم

اول حمل لي وحدي متحسفه عاللي سويته...ماكنت ادري

ان ممكن يكون في ضرر عالجنين ( طقيت شفايفي بمادة هيدروكينون اسيد )


ليما قالت لي امي ان وحده من العايله طقت ابرة مخدر وولدها طلع معاق


الحين انا الوسوسه وابليس متسلط علي ...كله حاطه فبالي ان

ممكن يصك الجنين ضرر وكله ادعي الله


شنو اسوي ؟ في شي ينظف ؟ في شي اقدر اسويه اتلاحق عليه ؟

في ضرر ؟

 

[American.Life]

حبيبتي المادة هذة وايد سامة وخطرة خصوصا على الأعصاب ... بس بإذن الواحد الأحد ماكو شر عالجنين ...رفيجتي سوت أشعة بالثاني والحمدلله ولدها سليم الحافظ رب العالمين

 

[طيشن على جديه]

الله يستر عليج وع الجنين ..
ادعي ربج ان مافي شي وتصدقي واستغفري ..
وروحي لدكتور استفسري منه ..​

 

[مريم86]

يعني يبين بالاشعه اذا صار في ضرر او لا ؟

انا بأول الشهر الثالث الحين والله خايفه ومافيني على مكرووه بعد يصير بحياتي

 

[latkt7as]

حبوبه اذكر انه فيه دكاتره زينيين بالسونار

والاشاعه مو زينه

انا ارشح لج تروحين دكتور حيان الاحمد بمزايا بالجابريه

قوليله حالتج واهو بيراقب الجنين بالسونار

دكتور شاطر وفاهم شغله عدل عدل
وعشان تتاكدين سوي سيرج واقري عنه

وان شاء الله ماكو شي بس هم لازم تسوين سونار

 

[انا لحبيبي .]

ان شاء الله ما يكون في ضرر

 

[M!SS.LOBY]

الله يكون بعونج

 

[@أم يوســـف@]

الله يطمن قلبج

 

[زين ودلال]

ان شاء الله ماكو الا العافيه

الله يتمم عليج

 

[مريم86]

الله كريم ويجبر قلبي ويطمنه ويبشرني


ودي احد فاهم يعلمني الصج ومايخش علي ..عادي اتقبل

يمكن اتلاحق


والله يفرج هم كل وحده ردت علي ويحقق لها اللي تبيه بهالشهر الفضيل يارب

 

[جذابه بنت ذيابه]

تصددقي و ادعي و عسا ربي يهون عليج ويعافي البيبي و لا توسوسين تتعبين

 

[الفدنه]

انا اتوقع انج غلطانه باسم الماده
قصدج هيليورونك اسيد يمكن؟!؟
لان الهيدروكينون ماده خطره ماتنحقن بالجسم
ممكن تكون كريمات موضعيه
اذا طلعتي مخربطه باسم الماده انشالله مالج شر
ماعتقد لها ضرر
والله يستر عليج بالحالتين وتجيبين بيبي متعافي
يارب

 

[شيهانه الهيلا]

بالسونار يبين في سونار الاعاقه يكشف الاعاقه مبكرا روحي للدكتوراه وقوليلي لها بدل المحاتاه

 

[DivaQ8]

هيدروكينون مادة تبييض
هيلورونيك اسيد ماده تفخ ومن كلامج انتي طاقتها بشفايفج اتوقع طاقه هيلورونيك اسيد
اعتقد المادة امنه لانها احماض فواكهه مو شي خطير ولا اهي ماده سامه بالعكس الكل ينصح فيها
بس مثل ما قالت الاخت الفدنه
مشتبهه بالاسم

 

[M!SS.LOBY]

الله يتمم عليج

 

[♠اوتار♠]

الله يجعله سليم معافا يارب ويرزقج فيه وتفرحين بشوفته

 

[يا عيون سمي]

حبيبتي كل شي يبين بالسونار وكثري من دعاء والاستغفار

 

[انوار المحبه]

ان شالله مافيج الا العافية

 

[$قطوه$]

عادي يا قلبي لا تحاتين ان شاء الله ما عليج الا العافيه انا نفس حالتج نفخت خدودي في الشهر الثاني وغزيت مخدر بعد والحمد لله ولدت بنتي بسلامه وعافيه والحمد لله يكون البيبي صغير ما يتاثر

الله يقومج بالسلامه وتفرحين في البيبي

 

[Aloe Vera]

الله يجعل طفلج سليم

و حبيت انبهج على سالفة تتفخ الشفايف و هالسوالف سألي فيها شيخ لان حسب اللي اعرفه مايجوز خصوصاً اذا شافوج رياييل مايحلون عليج