طقوسكم بالطباخ

[كبرت قبل اكبر]

صبااح الخير

حابه اسولف معاكم وبليز الكل يتفاعل

من زمان نفسي اسال وش هي طقوسكم بالمطبخ <<<<<<<<الله طقوس قوويه

يعني متى تقررين تطبخين هالكله مثلا من قبل بوقت ولا لادخلت المطبخ وشفتي وش عندك مقادير قررتي

طيب اذل كان نفسك باكله ومقاديرها مو متوفره ترسلين احد البقاله ولا تطنشين وتغيرين

تلتزمين لاي درجه بالمقادير؟

متى تروحين السوبر ماركت كل اسبوع ولا
بلييز عطونا خبراتكم

لاني جد حايسه مو عارفه ارتب وضعي

 

[حلوه ولمآحه]

انآآ اذا قررت اسوي طبخه اليوم اسويها واذا المقادير مو عندي اجيبهم من السوبر ماركت
والمقادير مو شي اساسي التزم فيها الي مو ضروري ماحطه ،،
ماجله البيت نيبها كل شهر،،والنواقص على حسب اذا نقص شي نييبه،،
وروحه السوبر ماركت هذي يوميا من كاكاوات وخرابيط،،

 

[جارة القمر]

مشكوووووووووره



أنا أحب لم أسوي أكله تكون المقادير متوفره عندي




أنا أروح الجمعية كل أسبوع للأن في شغلات أحب أجيبه كل أسبوع مثل الفاكهه والخبز والروب واللبن

 

[أحلى همبه كويتية]

لما يطق براسي شي اسويه اسويه لو نص الليل
مشكلة ليه الواحد اشتهى شي


بالنسبة للأغراض
جمعية كل اسبوعين تقريبا
والخضار والفاكهة اسبوعيا حسب الحاجة
اما بالنسبة لأطباق الحلو
فكل شي متوفر بالثلاجة من كريمات وصوصات ومكسرات

احلى شي بالدنيا الحلو

واحب اكون بالمطبخ بروحي وما أحب احد يحوس تحتي وخصوصا العيال
طررررررررررررد خارج المطبخ بأسرع وقت

 

[كبرت قبل اكبر]

تسلمون حبايب قلبي ذ

 

[cheese cake 84]

شوفي انا اذا قررت اسوي طبخه ولقيت مقدار من المقادير مو موجود اتحببببط واكنسل الطبخه بكبرها ( اللي يسمع اللحين يقول مسكته بالطباخ@@) وطبعا ماااااااااااااااا احب احد معاي بالمطبخ خصوصا اليهال والخداااااااااااامه