طقني عشان بنتي

[قصة وفاء]

هلافيكم خواتي
حدها ضايقه فيني الدنيا حامل بالتاسع
والله العالم من ناحية التعب والعذاب النفسي
بنتي عمرها سنتين الله يخليها لي مااطقها ومااحب احد حتى يهاوشها بالكلام
كنت جالسه انا وزوجي وناشبتني على آيفوني وعييت عليها وضربتني على وجهي
بدون شعور ضربتها على وجهها خفيفه وانهبل زوجي وقعد يهاوشني وانا جالسه وانا احاول أصد ايدينه عن وجهي يحاول يعطيني كف على وجهي
زعلت ورحت لغرفتي
مؤ اول مره يهاوشني قدام بنتي أخاف تتعب نفسيتها
مدري شلون أتصرف معه يوقف جنونه خصوصا اني بالرمق الاخير للحمل
رجاء ماابي ردود لوم وعتاب انتوا جربتوا الحمل والتعب النفسي فلا تزيدوا. همي هم

 

[fajorh]

الله يهديه

 

[فراشه بيضا]

لا غلطان شنو يطقج
بعدين البنت ماراح تحطلج هيبه
طنقري عليه علشان يحس انه غلط بس عاد مو اطولين بالزعله

 

[al-musk]

ايده لو شنو مايرفعها عليج وهم بعد جدام البنت .. لايتعود يرفعها جدام عيالج عيييييب هالشي شلون باجر بيحترمونج ولا يقدرونج..\كيفج انتي امها وطقيتيها هو شكو يقوم يردها لج ..امبيه انقهرت

 

[انثى عاشقة]

مو من حقه يسوي جذي
الاخ ياهل !!!!!
والله اسمحي له تصرفاته تصرفات يهال
من حقي اسوي الي ابي ببنتي انا امها اربيها
ولي حق عليها اكثر منه ب 3 مرات
خليه يحس بغلطته
ازعلي عليه زعل جايد
وبعدين تفاهمي معاه ان هالشي مايصير
باجر لي كبرت بنتك ما بيكون لك هيبة عندها
بترفع صوتها عليك ويمكن تمد ايدها
اذا ابوها يعاملك جذي قدامها ..​

 

[يـاسمين]

شوفي اختي انا مادري عن نفسيت ريلج
لكن كلمي اذا كنتو بروحكم وقوليله غلط اطقني وتزفني جدام بنتي هذي ياهل وماتنسى
انت قاعد تقلل من حترامي جدامها وهذا اكبر غلط
خل مشاكلنا اذا كنه بروحنا اما انك اتزفني وطقني جدام بنتي هذا غلط
وحاولي تقوليله الكلام هذا اذا كانت نفسيته زينه ومرتاح

 

[رنيم الروح]

حبيبتي البنت لاتعودينها على التطاول عليك يعني لو تكرر نفس الشي طقيها واهو لا تخلينه يطقك ترا بعدين ياخذها طبيعه ومايصير لك هيبه قدام عيالك

 

[عهد الغرام]

مثل مابنتج غلطتج
ٱنـَْْـَِ♡̨̐ـتـي ‏​بعـَﮱـّد غلطتي
لو مكلمتهاا بأسلوب تفهم
أنا ماعندي عيال بس إخواني الصغار لو شنؤ يصير ماطقهم حتي قدام أبوي علشان
ماحط رأسي برأسه

ٱنـَْْـَِ♡̨̐ـتـي العاقله لاتزعلين لأنها
صناه وانتي حاسه أكثر مني خلي الوضع عادي ؤلاتعيدينهاا لأن الزعل ؤالله مايفيد

 

[Patcholli]

المفروض مايكسر كلمتج جدام العيال حتى لو شافج غلطتي مايعاقبج جدامهم مو حلوه مثل ما اهو يربي العيال انتي بعد مسؤله عن تربيتهم ولج حق تحاسبينهم وتعاقبينهم اذا غلطوا

 

[مناير ...!]

لازم تتكلمين معاه وتفهمينه ان هالتصرف غلط

 

[سارة ة]

ااااب

 

[قمر مابين البشر]

خير انشالله!!!!انتي اللي جايبتها وانتي اللي تعبانه عليها
فلا يفكر زوجك انه بيكون قلبه احن عليها منك
انتي امها ومن حقك تهاوشينها وتأدبينها
ومو من حقه يرفع حتى صوته عليك فما بال يده
الله يعينك
بس انا بقولك انتي ادرى بأسلوب زوجك يعني بعضهم كذا مزحهم
ويمكن مو قصده بس حاب يمزح معك ويوريك انها غاليه عليه وانتي مع النفسيه
والمزاج فهمتيها شي ثاني
الله يسخركم لبعض

 

[جذابه بنت ذيابه]

تعوذي من ابليس

و اسكتي عنه واذا جا كلمج قوليله مره ثانيه لا تطقني او ترفع صوتك قدام البنت .،!
عشان ما تتعقد لا كبرت

وتفاهمي معاه بهدوووء

 

[randomy]

لا تجابلينه وااايد

مافي حل حق هالنوعية من الرياييل الا انج تخفين القعده وياه علشان لا يصير احتكاك

ادري كلامي غريب .... بس هذا الواقع

 

[انت مناي]

ااااااااااااااااب

 

[brettey]

اي شي يمد ايده عليج ؟
لا تخلينه يكررها خصوصا جدام العيال وحذريه قولي له ترى عندي اهل يوقفونك عند حدك

 

[أم عزيـز]

شوفي يوم نفسيته مرتاحه وفتحي معاه هالموضوع وقوليله
هالشي راح يأث على نفسية بنتنا اكثر من نفسيتنا
يعني مو حلوه البنت تشوف ابوها يزف امها وبجذي ماراح تحترمج عشان جذي تمادت بنتج وطقت
لانج تقولين هالشي مو اول مره يتكرر

قوليله عندج شي نادني بالدار وكلمني بروحنا بس ماله داعي جدام اليهال
وقوليله انج حامل والنفسيه تلعب دور وانج تحبين بنتج وايد ومستحيل تضرينها
بس في المقابل لما مدت ايدها عليج الابو ما تحرك ! اشمعنا لما انتي طقيتي بنتج تحرك !

ادري الطق مو زين للياهل بس متأكده انج مو قاصده بس نفسيتج وتأثير الحمل خلاج لا شعوري تمدين ايدج عليها

الله يهدي سركم

 

[Mrs Al-Nasser]

بنتج غلطت ورفعت ايدها عليج لازم تبينين لها ان هالشي غلط وتوقفينها عند حدها بطقه خفيفه وتزفينها شوي عشان لاتعيدها
وماغلطتي ابدا لما طقيتيها على خفيف
شكو يطقج مو من حقه ابدا ان يطقج لا وبعد جدام البنيه ؟
علميه اول شي ان انتي اللي سويتيه مو غلط ولازم تسوين لها جذي عشان لاتعيدها وتعرف انها غلطانه
وزعلي منه ليش ان طقج وقولي له لو اي شي صار حتى لو غلطتي يتفاهم وياج مو جدام اليهاال ابدا
بروحكم

والله يهديه ويوفقكم :*

 

[mnoooll]

حسبي الله ونعم الوكيل

 

[أجمل إنسـآنـه ~]

بعديييين لو تكبر البنت واذا قلتي لها لأ راح تتعوود وتروح عند ابوها يدافع عنها,>ِ!
الله يهديهةة.,~>!