طفل عور قلبى

[kitty girl]

السلام عليكم ورحمه الله وبركاته
بقولكم قصه ياهل كسر خاطرى:eh_s(1):
ذاك اليوم كنت بمستشفى الاميرى وشفت ياهل ملزخته الابله بالعلم فى كل مكان
فى بطنه وصدره واجنابه وظهره
هالى ماتخاف ربها_03BA:
سالته انت باى صف قالى اولى ابتدائى مسكين
الصراحه مااعرف اسم المدرسه
بس اهى ورا نادى المعاقين
وكان لابس ترييننغ فستقى
ديروا بالكم على اعياكم واختاروا مدرسه سنعه

 

[الاوركيده]

اي سمعت بالسالفة حسبي الله عليها ونعم الوكيل اللي ماتخاف من الله هالمدرسة في روض الصالحين ديروا بالكم على عيالكم

 

[glow_star]

آآآآآآآآآآآآآآآآآآآآآآآآآآآآآآآآآه
اي والله يا اختي فتحتي الجراح

اكيد تقصدين مدرسة روض الصالحين
انا كان ولدي فيها ويالله طق سنع من ابلته الله ياخذها اللي ماتخاف ربها

عيل ابله تلزخ الياهل تلزخ ولا حسيب ولا رقيب

والناظره برود مو طبيعي

لو جايسين ولدها جان اشسوت؟؟؟؟؟؟؟

احنا لازم نوقف وقفه قويه بويه ادارة هالمدرسه الللي امأمنين فيها اعيالنا

لازم توصل الشكوى لأكبر راس

عيل ولدي وولدج وباجر اعيالنل يكفخونهم هالوافدين واحنا نتطمش

 

[الصابرة المحتسبة]

حسبي الله العلي العظيم
الصراحة لابد من اختيار الصحيح والإدارة التي لا تتنازل عن حقوق الطالب والمعلم سواء
واختيار الأكفاء من المعلمين تربية ثم تعليم

 

[glow_star]

شي ما ينسكت عنه يا جماعه

 

[mahawe]

يعل ايدها الكسر انشالله هذا وأسم المدرسة رياض الصالحين واهمة ماشافو من الصلاح أشعرة

 

[rawona]

انا علقت على السالفه في موضوع ثاني بس بارد احط ردي ..



حسبي الله عليها انزين ليش جذي؟؟
صج ناس ماعندها لا ذمه ولا ضمير


وترى بنات سألوا عن المدرسه سواء كانت خاصه او حكومه لان نفس الشي صار بروضه بالجهرا الابله حاطه الياهل بالمخزن ومكفخته لين قالت بس ومسكين الياهل ما تحجى المشرفه طاحت عليها تكفخ فيه!!!

ليش اهم يرضون عيالهم يتكفخون؟؟ وشنو ذنبه هالطفل؟؟ علشان تشيطن والا ماسمع الكلام؟؟ طبيعي بسنه هالشي واهي "الابله" كونها تربويه لازم تعرف هالشي مو تحط حرتها بالياهل!!!

حسبي الله على كل وحده ماتخاف ربها ولا تراعي ضميرها والله يجازيها انشالله بمثل ما افعالها واكثر!!

صج حرررررررررره
​

 

[نظاميه5]

الله وأكبر عليها
ألحين مدارس الحكومة مانعين الضرب فيها , اشلون المدارس الخاصه الي الناس دافعين فيها من دم قلبهم
لعيالهم ومستقبلهم , والله خواااااااااااااااره وفوضه بعد .

 

[sara999]

حبيبي اهوه الله يصبر قلب اهله عليه ... واي لو انا مادري شيبرد حرتي ......
مره جذي بعد ولد اخوي مصخن 3 ايام بالفراش ما يحبر يتحرك من ظهره والسبب الاستاذ طاقه ومبزخه بالعقال ... وقضية وحطوه بالوطن جان تذكرون ... شسوى فيهم اخوي لعوزهم .....بس قلعتهم يستاهلون ... احنا عيالنا ما نطقهم شكو وانا مدرسه اروح ارفع ايدي والا مسطره على ياهل وهالدور عصاة علم والا عقال
حبي الله ونعم الوكيل

 

[سيدة الكويت]

لا حول ولا قوة الا بالله ............لو انا اشتكى بوزارة التربيه ....لا وروض الصالحين ما يقبلون الطفل الا اذا دفع الواحد المبلغ كاش مره واحد يعنى ماكو نظام اقساط

 

[زهرااا]

انتواااا ليش ساكتين ؟!!!

 

[mr000]

حسبي الله عليها والله لو آنا جان قلبت الدنيا عليهم! الحمدلله أني سحبت أوراق ولدي من عندهم لما كان بيروح أولى ابتدائي كان بروضة الغانم وفكرت أغير المدرسه وسجلته بروض الصالحين تالي غيرت رايي وقالت السكرتيره مانرجع ال100 دينار قلتلها أخذوهم مو مشكله بس عطوني أوراق ولدي هونت ورجعته الغانم صح ماكان مستواها قوي بس الصج ينقال عمرهم ماطقوا ياهل حرام مدرسته كانت حنونه

 

[زيـنـه]

هالنوعيه من المعلمين و المعلمات مافي قلبهم رحمه من الاساس .

و الا يهال ..لابد من شطانتهم .. اسهل شي اسوي استدعاء لولي الامر و ابلغه اللي صار .. بس ما يتم التصرف من كيفهم !

 

[um_yoyo]

حسبي الله عليها و الله ما يبرد جبدي فيها الا اكفخها بالعلم نفس ما كفخت وليدي الحقيره و خل يقولون تصرف غير حضاري

 

[الغزلان]

انا اعرف مدرسة روضة تصير لنا تتفاخر انها تطق عيال الناس مسكينه معقده

 

[glow_star]

سبي الله عليهم هالمدرسات اللي يطقون اليهال يعل ايدهم الكسر وحوبة الياهل ما تتعداهم

 

[kitty girl]

مشكورين على التفاعل حبيباتى ويكفى ان الوحده تحط نفسها بدل امه المسكينه
وصح كلامكم على مانى ذاكره اهو جنه قال روض الصالحين
واقول يعل ايد المدرسه الكسر انشاء الله

 

[**LeO~GiRl**]

ماقول غير حسبي الله عليها ونعم الوكيل اليوم بعيالنا باجر بعيالها اللي ماتخاف من الله
بنات انا الحين عيالي بروض الصالحين خرعتوني ... انا من الأول كنت شاكه بهالمدرسه ... وولدي كان دايم يشتكي من ابلته ..يقول ابلة الإنجليزي تطقني ماكنت اصدقه عبالي متهاوش ويا اليهال ..ولما اروح المدرسه يقولونلي ابلاتنا مايطقون الولد شيطان ومتهاوش .. حسبي الله على الظالم ..
انا ناطره على نار يخلص هالكورس ونقل عيالي واطلعهم من هالمدرسه اللي مافيها ولا كويتيه ..كلا هالجنسيات الثانيه اللي مايحسون بعيالنا ولا يرحمونهم

 

[أم عبووووود]

حسبي الله عليها ونعم الوكيل

لو كل مدرسة تحط في بالها عيالها وانهم بيوم من الايام راح يكونون بمدارس جان ما طقوا عيال الناس

الدنيا دوارة

 

[**LeO~GiRl**]

حبايبي ماعليه راح ايي اليوم والله انشالله بياخذ حقنا وحقكم منها ويبرد حرتنا وحرتكم بعيالها انشالله ..