طفل بعمر اربع سنوات ؟؟

[قانوون كيفك]

عندي ولدي اسم الله عليه اكله كان طبيعي فجأه كره الاكل وما يبي يأكل اي شي يمر عليه ايام بدون مبالغه لا ريوق ولا غدا ولا حتى عشا يعاند يبي اشياء غير مفيده مثل بطاط او حلويات بسيطه او حليب كاكاو هذا اذا وصل حده يطلب حليب كاكاو
قهرني مع الاسف ساعات من القهر اطلع عن طوري واطقه واذا اكل اجباري ساااااااااااااااعتين ياكل وهذي حالته

​

سويت بحث عن حالته يقولون طبيعي اللي بعمره يمرون بهالمرحله ؟؟؟ محد راح يموت جوع !!!
يعني اذا محد يموت جوع اتركه يوصل مرحله يكون ضئيل جدا وجفونه تسود وشكله كأن مريض واسكت واقول طبيعي ؟؟
هالكلام مو منطقي وما اقنعني بصراحه
شنو اسوي عشان يأكل او يطلب الاكل من نفسه ؟؟

 

[ريماا]

عطية فااتح شهية اشكثر انواع بصيدلية واذكر دكتور وصفلي وااحد نفع ولدى اهو بطل قزاز بني وعلية صورة برتقالة
وبعدين ساااومية علي الاكل يعني تبي شيبس اكل اكلك واعطيك وهكذااا

 

[نور عيني الكويت]

الله يعينج نفس حالة بنتي ونفس عمرها
جربت لها فيتامين وفاتح شهية على شكل حلاو تحسنت علية شوي لان تونا بادين ناخذة
تبين اسمة قولي لي وهو سعرة7دنانير وفية 60حبة يعني يقعد شهرين عندج

 

[نورالقمر24]

نفس حالت بنتي 4سنوات عايشه علحليب

 

[Cute mama]

قطعي الحلويات والبطاط والكاكاو من بيتج ييبيله صحون وقلاصات ملونه وعلى اشكال اهو يحبها مثل سبايدر مان او ماكوين لاتغصبينه عالاكل على شان لايكره ياكل
اذا كان يشرب حليب وايد خففي عنه الحليب
لاتخلينه ياكل بروحه قعديه معاج انتي وابوه خلياكل معاكم ويبيله فاتح شهيه من الصيدليه
ماراح يبين مفعوله من اول يوم نطري عليه جم يوم وبتشوفين نتيجه حلوه ان شالله
وممكن اذا حطيتيله اكل بصحن ياكل قفشتن ويقوم وعقبها قفشه ويروح يلعب ويرد ياكل قفشه يعني طول اليوم جذي كل شوي لقمه
هالشي زين بعد واذا اهو ياكل فواكه عيل لاتخافين عليه كل يوم حطيله قطعة فاكهه يحبها خلياكلها
​

 

[miss_uk]

يشبع من الحلويات عشان جذيه ما ياكل
ولدي لما ايوع وقت الغذا يبي ياكل كاكاو ماعطيه يبجي يبجي بعدين ياخذ الصمونه اللي جدامه وياكل
انا اتبعت طريقه ريوق سناك غدا سناك عشا،، ماكو شي بينهم جذي طبيعي راح ياكل لانه ميت يووع . قبل كانت سمردحة لاني المهم ياخل فا يمشي وياكل ماكو وجبات كاملة. *

 

[ورده القرين]

الله يعينج نفس حالت ولدي سبحان الله بالعمر كلهم جذي يبون كاكاو برد عصيرات بفكات وحلويات
هذا قبل الغدا بس احنا لو خشينا عنهم اكيد بياكلون الغدا يعني احرميه من الحلويات او او بعد الغدا ياكلون
حلويات لان الكاكاو والحلويات تشبعهم

 

[om zeinab]

الياهل يمكن عنده فقر دم لازم يعمل تحليل الحديد وسويته لولدى عند ليلى حجازى والعلاج حسب التحليل

 

[سلاسل ذهبيه]

حلو الفيتامين اللي ذكرت نور عيني على شكل حلاو اذكر دكتوره وصفته لبنت اختي
والطفل اذا قلتي له اكل يعاند حطي الاكل وخليه وغير عن الرسوم ترا الطفل اذا مندمج يتابع شي ماياكل

 

[قانوون كيفك]

صراحه ما قصرتو بعد عمري
يعني في حالات نفسه
نور عيني اختى ناصحتني بالفيتامينات بس انا ترددت خفت تفتح شهيته حيل وتصيبه سمنه وهذا انا ما ابيه ابي جسمه معتدل وطبيعي لعمره

 

[ام ننا]

السلام عليكم

اختي لا تحاتين طبيعي

انتي وكلي ولدج الحلاو اللي يختاره بس قولي له اذا كليت هذا الحلاو اييبلك الحلاو اللي تبيه بس اكل ( الاكل اللي تسوينه ) ولعبي معاه واذا كلى شوي عطيه مكافأة حلاو يحبه

شوي شوي بالتدريج