طفل بعمر اربع سنوات ؟؟

[قانوون كيفك]

عندي ولدي اسم الله عليه اكله كان طبيعي فجأه كره الاكل وما يبي يأكل اي شي يمر عليه ايام بدون مبالغه لا ريوق ولا غدا ولا حتى عشا يعاند يبي اشياء غير مفيده مثل بطاط او حلويات بسيطه او حليب كاكاو هذا اذا وصل حده يطلب حليب كاكاو
قهرني مع الاسف ساعات من القهر اطلع عن طوري واطقه واذا اكل اجباري ساااااااااااااااعتين ياكل وهذي حالته

​

سويت بحث عن حالته يقولون طبيعي اللي بعمره يمرون بهالمرحله ؟؟؟ محد راح يموت جوع !!!
يعني اذا محد يموت جوع اتركه يوصل مرحله يكون ضئيل جدا وجفونه تسود وشكله كأن مريض واسكت واقول طبيعي ؟؟
هالكلام مو منطقي وما اقنعني بصراحه
شنو اسوي عشان يأكل او يطلب الاكل من نفسه ؟؟

 

[ورود خذلتها العاصفه]

احرميه من الحلو حددي له وقت مثل العصاااري يشتري من الجمعيه حق نص وياكله

ووحزة الوجباات حطي الاكل قدااامه واذا مارضى يااكل لاتغصبينه بس لاتشيلين الاكل عشان اذا حس بالجووع هو من نفسه رااح يااكل

 

[ANGEL CAT]

كلامها صح بنت ابو خالد لا تخلي الحلاو جدامه وما تطقيه راح يعاند اكثر سويله بيتزا فطاير ودسي فيها خضار تحت الجبن ما راح يلاحظه وحايليه اذا اكلت راح نطلع راح اعطيك كاكاو والله يحفظه لك

 

[قانوون كيفك]

بنات عناده مو طبيعي حرمته من الحلو والجمعيه رفض ياكل يحاول يمشى كلامه علي حاولت احطله جائزه عشان يأكل ما كو فائده شنو سوا فيني اذا ما طلعتها جذبني واذا شافها استنفر بالبيت كله اعطيها غصب عشان افتك من حنته الله يهديه ويفتح شهيته شوي قلبي يعورني عليه

 

[يا حلاتكمـ]

نفس الحاله >> بنتي عمرها سنتين ماتاكل وترجع الاكل

 

[ريكاتو]

نفس الحاله بنتي ما تاكل الا كاكاو تتريق كورن فليكس كاكاو والغدا ما تاكل وتتحجج ان بطها يعورها وبترجع واذا يبنا طاري الكاكاو راح العوار اللي فيها صج عياره

 

[هيبة الطاووس]

هذيل يهال ما لازم نغصبهم على شيء بس المسالح يفيد وياهم

شرايج ولد أخوي لعمر 5 سنوات ماياكل ولا يشرب الا حليب عسل كي دي دي لما شاف الشركه احترقت بعيونه
مسكين بطل يشرب وصار ياكل لا والأكل على قلوته شعرة ديايه نتفه نتفه ديايه يتعلج فيها ساعتين هههههههه

حبيبتي خليه على راحته هو راح يطلب أكل ولا تطقينه حرام

 

[dandooosh]

شوفي حاولي انج تزينين له الاكل
وترا الخرابيط والشبس والكاكاو هم اللي يسدون الشهية
حاولي انج تودينه البحر يلعب بالرمل أو العاب متعبة تخليه يرجع البيت تعبان وجوعان عشان ياكل
والله يعين

 

[dandooosh]

ترى يمكن عنده فقر دم ،، لان فقر الدم يسد الشهية بعد
والله يخليه لك انشالله

 

[الأميرة كيرارا]

منعي الخرابيط من البيت
و لا تطقينه يعاند
غيري أشكال الصحون الي ياكل فيها و قدمي له الوجبات بأشكال يحبونها اليهال
و خلي يشكل على كيفه خلي ساعة الأكل ساعة لعب