طفل انابيب .. الثالثة ثابتة انشالله :)

[cute_angle]

السلام عليكم
شلونكم انشالله الكل يكون بخير
انا متزوجة صارلي 9 سنين زوجي الحمدلله مافيه شي .. انا كان عندي تليف وكيس دم والحمدلله شلتهم قبل فترة وكان فيني قرحة بعنق الرحم وعالجتها بس المشكلة ان الانابيب مشوهه وماينفع معاي الا طفل الانابيب .. سويت طفل انابيب مرتين من قبل وماحملت .. الحمدلله على كل حال
والحين بسوي طفل انابيب للمره الثالثة بس هالمره غير لاني بسويها بظروف سيئة وضغط موطبيعي
زوجي قالي اذا ماحملتي هالمرّه راح اتزوج ومكلّم أهله .. يعني الموضوع جد
من قالي هالكلام وانا ضايق خلقي .. ادعولي الله يخليكم ان الله يرزقني وأحمل .. والله ذبحتني الكوابيس ونفسيتي تعبانة وايد الدكتور يقولي اهم شي النفسية بس شسوي ياربي مو بيدي
يوم الخميس كان ثاني يوم لي بالدورة وسويت تحليل هرمونات و خذيت ابرة Decapeptyl cr .. ماقالي الدكتور اخذ فوليك اسيد أو فيتامينات وانا بصراحة نسيت اسأله بغيت اعرف شنو المفروض اخذ ؟
ومشكورين مقدما

 

[رووح حبيبي]

انا كنت اخذ فوليك اسيد
وكلوكوفاج <بس هذا حق اللي فيهم تكيس ميايض>
واهم شي النفسية
الله يوفقج ويرزقج ويسهل امورج

 

[رووح حبيبي]

لا تنسين القران
البقرة يس الرحمن الحاقه مريم الحشر
وكثري من الاستغفار
اكثر من صيغه
استغفر الله
استغفر الله واتوب اليه
سيد الاستغفار < اللهم انت ربي لا اله الا انت خلقتني وانا عبدك وانا على عهدك ووعدك ما استطعت
اعوذ بك من شر ما صنعت ابوء لك بنعمتك علي وابوء بذنبي فاغفر لي فانه لا يغفر الذنوب الا انت>
استغفر الله العلي العظيم لي ولوالدي والمؤمنين والمؤمنات الاحياء منهم والاموات

 

[cute_angle]

الحمدلله انا مافيني تكيس .. خلاص عيل اخذ فوليك اسيد
مشكورة حبيبتي .. جزاج الله كل خير

 

[ms mooka]

صح كلااام اختي رووح حبيبي

انا معاها لا تنسين الاستغفار و كل يوم اقري قرآن

 

[معلمة رياض اطفال]

الاستغفار

وقيام الليل

وانصحك باتريك عملياته مضموننننننننننننننننننننننننننننننه عن تجربه

 

[honey lust]

استغفر الله عالريايل ما منهم فايده
لو الريال اهوه اللي فيه شي جان صبرت عليه المره 20 سنه
ما عليه حبيبتي عسى الله يرزقج و على طول حطي اببالج اتج بتحملين انشالله و خلي تفكيرج ايجابي و تفائلي

 

[@حوريه86@]

الله يرزقج يارب وما يضيع تعبج كثري سوائل والراحه التامه وكل يوم امشي نص ساعه واكلي فواكه وايد وخضروات وكل يوم شربي كوبين حليب حطي فيهم قفشة عسل وكثري بالمكسرات النيه والسمج والربيان وابتعدي عن الدياي ونصيحه روحي سويها عند دكتور ناهض الي بالمواساة نسبة النجاح حيل مرتفعه عنده والله يوفقج ويسهل عليج يارب ويرزقج بتوم امييييييييييييييييييييين

 

[عاشقه الزهراء]

الله يوفقج ان شاء الله وتكون الثالثه ثابته يارب
وبوقت العمليه حتى يوم الترجيع كثري شرب الماء وعصير التفاح الاخضر الطازج والخيار وكوب حليب طازج

 

[mosta7eel]

عسى ربي يوفقج وتنجح عمليتج وتكونين حامل

 

[اشتياق]

الله يرزقج يارب يارب وتفرحين اللهم امين

 

[~ذات السُبحه~]

الله يجبر بخاطرج حبيبتي
ويعينج على مابلاج
واهم شي يعمري لاتفكرين ولاتتضايقين
انسي كلام زوجج
لان هالعلاجات تبي لها نفسيه كويسه
وانتي لازم تكوني متفائله ومريحه نفسج
وربي يرزقج وتبشرينا
وميعرس عليج و لاشي

 

[كويتيه مذهله 87]

أهم شي نفسيتج

أخذي فوليك أسيد

 

[Coffee-Girl]

الله يرزقج حبيبتي ولايضيع تعبج

 

[madam_cake]

ان شاء الله يارب تكوووون ثابتة والله يرزقج 4 توائم يارب يارحيم ، حبيبتي لا تقطعين فوليك اسيد وان شالله الله بيرزقج الذرية الصالحة القريب العاجل

 

[bint_al8omar]

ان شالله تكون الثالثه ثابته وتحملين وتيبين احلا توائم يارب
اهم شي النفسيه لاتتضايقين وعليج بلاستغفار واللي كاتبه ربج بيصير الله يرزقج يارب ويجبر بخاطرج

 

[*caramel macchiato*]

ياااااااااااارب يرزقج بتووووم....

لازم تاخذين فولك اسد بيبي اسبرين من الحين<<<< كل الدكاترة يوصفونها

بس ماوصيج ...خلي النفسية فووووق ...ترا الاحباط اهو اول خطوااات الفشل .....

يااااااااااااارب اتبشرينا بالقريب العاجل......

 

[cute_angle]

مشكورين حبايبي على نصايحكم ودعواتكم الحلوة .. والله ماتصورون شكثر ريحتوني بردودكم .. الله يجعله بميزان حسناتكم
انا هالمره متفائلة وأملي بربي كبير ودكتوري يحليله وايد مشجعني ورافع معنوياتي ويطمني بس من ارجع البيت واشوف الشقة اللي مجهزينها حق زوجي أحس بضيقة مو طبيعية ودي أهج من البيت بس أتعوذ من ابليس وادعي ربي انه يصبّرني .. زوجي مسكين ماقصّر صبر 9 سنين عمره ماعايرني او جرحني بس صارله سنتين مستخف من حنّة أهله عليه بالزواج ..
انا قلت بعد حرام اهو ماله ذنب اذا ماحملت هالمره بخليه يتزوج ولا هالعذاب اللي انا عايشة فيه ونقزات اهله .. والله كريم انشالله
انا بعملياتي اللي فاتت استجابتي للعلاج كانت ممتازة من عدد وحجم البويضات وقالتلي الدكتورة ان الاجنة من الدرجة الاولى يعني كل شي كان تمام بس سبحان الله الله ماكتب لي الحمل ..
الله يعوّض صبرنا خير .. ويرزقنا بالذرية الصالحة .. آمين

 

[رشروش]

ربى يعوض صبرج خير ويرزقج قادر يا كريم خلى املج بالله كبير ولا تياسين من رحمته

 

[سراير]

الله يرزقج ويعوضج