طفل النفاس

[ارتيكازا]

السلام عليكم شلونكم امهات


انا الصراحة كتبت هلموضوع لان حاسة اني باكلها صج و ما بقة شي و اولد انشالله و وودي اعرف من خبرتكم شلون نعتني بالبيبي بالنفاس عشان الغازات و جذي ,, لان مثل ما تعرفون ان الغازات تذبح الياهل من الصياح و هذا الشي رح اتعبج بالنهاية و ماكوو نووووووم :eh_s(9): ... فيعني خلونا نتشارك خبراتنا شنو الاشياء اللي تهدي الياهل و تهدي من الاوضاع بهل فترة :eh_s(4): لكي تعم الفائدة على الجمييع ( لول شكو ) المهم انا اللي اعرفه مائ غريب لطرد الغاازت و يانسون و اني اسدح الياهل على بطنة يرتاح و ان لازم يطلع الهوا عقب كل رضعة ...... بليز الكل يشارك

 

[Om_Ksha]

في دوا بالصيدليه اسمه بامبي غاز وااايد زين

 

[رتبه دبلوماسيه]

في دوا بالصيدليه اسمه بامبي غاز وااايد زين

:rerrerek::rerrerek::rerrerek:

 

[ام خدود ورديه]

احسن شي دوا من هملايا اسمه بونيسان وبمبي قاز وماي غريب ودفي البيبي عدل واستخدمي مميات دكتور براون وافنت مالت المغص وعندج حليب نوفلاك حق المغص زين والله يعيينج

 

[sa.rona]

البيبي ما يتسبح الا بعد ماتطيح السره
الينسون والكراويه ينقعون بماي حار بعدها ينشخل وترضينه البيبي للمغص والغازات
الماي وسكر نبات للامساك
والكاب مايطيح من راس البيبي عشان مايدخل فيه برد
لازم تمهدين البيبي عشان تلم عظامه وتريحه
اذا صار في البيبي حفا او طفح جلدي بمكان الحفاظ احسن شي سودو كريم
اول ايامه لا تخافين اذا صاح لانه الصياح للبيبي يفتح القصب الهوائي عنده بس مو طول عمره يصيح ههههههه لا قصدي اول ١٠ او ١٥ يوم
اذا شربتيه الحليب خليه يطلع الهوا وبعدها نوميه ع بطنه ١٠ دقايق بهللطريقه راح يحبي بسرعه
اممم اذا تذكرت شي برد اكتب
والله يسهل ولادتج ان شاءالله

 

[ارتيكازا]

في دوا بالصيدليه اسمه بامبي غاز وااايد زين

صج بروح اشتريه من الحين و احطة بداري للضرورة

 

[ارتيكازا]

ام خدود وردية : مشكورة على الرد و انشالله بجرب بعد \


سارونه : اي صح اهم شي التدفئة حق الياهل لان اهوه متعود على البطن , عاد الياهل ما يطيح سرة الا بعد اسبوع تقريبا يعني رح يدهن بس يالله اهم شي راحته

 

[ام الحلوااات]

ااااااااااااااب​

 

[ارتيكازا]

و بعد لا يوقف يا بناات

 

[ارتيكازا]

اليانسون _ المرمية _ ماي و تمر زين يلينه البطن

 

[ارتيكازا]

اندهن البيبي بزيت زيتون و نقرا عليه قبل لا ينام و الصبح نسبحه و بعدين نخلي الشمس تطق ريله شوي من الدريشة لان الشمس وايد زينه حق اعضام الياهل

 

[ابلة مبتسمة]

حبيبتي احسن شي تستخدمين للبيبي مميات دكتور براون

تخفف الغازات واااايد زينه

وتستخدمين الماي الغريب

وتسوين له الاعشاب الي تريح البطن

واما الادوية الي بالصيدلية الي تخفف الغازات جربتها على ولدي الله وكيلج اذته طول الوقت واهوة يبجي ويتعصر كسر خاطري من شفته جذي بطلت اعطيه

 

[ميشووو]

اب اب اب