طفلي والاخراج وانتو بكرامة مهم

[سمر20]

السلام عليكم خواتي
ممكن سؤال للامهات والخبيرات
اولا انا هذا اول طفل لي وخبرتي 0 بالاطفال
طفلي عمره شهر وشوي يعني داخل بشهرين وانتو بكرامه يتبرز باليوم من خمس لست مرات باليوم واعنده غازات وخذيته لطبيب كثير وما نفع وكلهم يقولون عدد مرات تبرز الطفل الرضيع الطبيعي لعند 6 مرات هل كلامهم صحيح وبعد طبيب ثاني يقولي بعد كل رضعه يخرج اجل وش استفاد الطفل من الحليب
انتو اطفالكم كم مره يخرج باليوم ولوكان اصفر واحيانا به خضار او قطع خضراء وسائل طبيعي
اجلكم الله
بالله ردو وطمنوني

 

[saastar]

شوفي إذا كان الخروج لونه اصفر فهذا مو زين نفس ولدي. وإذا تبين اي سؤال تعالي بالخاص

لأني اعالج ولدي برى الكويت

 

[همي رضى خالقي]

انتي رتضعين طبيعي ولا صناعي

لانه اذا طبيعي الياهل يخرج بسرعه تكرمون

انا بنتي اسم الله عليها عمرها شهرين ارضعها صناعي وتخرج مرة باليوم او كل يومين بس كمية الخروج زينة
انتي شوفي صحة الطفل واذا كان يحتاج شي

 

[كتالونيه]

عادي حبيبتي شي طبيعي
توه صغير عمره شهر وشوي
كل ماكبر يخف عدد خروجه

 

[PuPa^^SWeeT]

عادي



اهو طفل مايقدر يتحكم


فا يطلع كميات قلييلة كل مرة



ورضيع بعد

حطي ببالج لي عمر سنة عادي اتغيرين الحفاضة حتى لو غيرتيها قبل 5 دقايق

 

[أمـ مبارك]

غريبه شلون جذي؟

يمكن اسهال ؟
ةشنو يرضع ولدجطبيعي او صناعي


انا اللي اعرفه طفل المواليد يخرج يوم ويوم لا اذا كان صناعي


اما اذا طبيعي اكثر من مرتين

 

[PinkLulu]

ولدي كان يخرج 6 مرات باليوم مع الرضاعة الطبيعية

ويكون لونه أصفر سائل شوي

وهذا الخروج الطبيعي للرضاعة الطبيعية ويعتبر مؤشر إن الطفل قاعد ياخذ كفايته من الحليب

بعد أشهر...لما يدخل الأكل والحليب الصناعي يقل عدد مرات الخروج

 

[M!SS.LOBY]

من ناحيتي

هذا شئ عادي

 

[كويتيه شماليه]

ولدي قبل جذي كل رضعه يخرج حتى مرات وهو يرضع يخرج
وديته لمستشفى السلام قالي الدكتور عادي شي طبيعي وهذا المطلوب
حتى راحة الطفل بخروجه باستمرار تكون معدته مرتاحه وافضل شي لمن يرضع ترفعين راسه بمخده عاليه علشان يرتاح بفترة الرضاعه ومايرجع ويهضم بسرعه

 

[كويتيه شماليه]

وكل مايكب تقل مرات الخروج ليمن يصير مره باليوم لي عمر سنتين تقريباً