طفلي كبر ولم يتعلم الحمام

[faty87]

كيفكم اخواتي
حبيت اعرض مشكلتي وابغى تعطوني نصايحكم
ولدي الله يحفظه عمره 3 و10 شهور يعني تقريبا 4 سنوات
وللحين اعاني معه من تعويده عالحمام اعزكم الله
علمته حين كان عمره سنتين وارجعته عالحفاض بعد شهر
وبعدين لما حاولت ارجعه بدونه مو راضي يتعلم
احسه يعاندني لانه هو فاهم الحمام
وفاهم كل شي عن نظافته بعلامة انه نظف قبل
انا صرلي اكثر من سنة وانا اعاني معه
احس انه انتكس بالتعليم
وماني عارفة شنو اعمل لانه زهقني
وللحين مو راضية احمل لانه مو راضي يتعلم
يااااااااااااليت تفيدوني بتجاربكم
ترى انا مو بعيدة من الجنون:yaaaaaarb::yaaaaaarb::yaaaaaarb:​

 

[moltencake]

كلميه و قوليله ان صار كبير و راح يروح مدرسه كبار و ان راح تكافئينه اذا قط الحفاضه و راح الحمام و اذا عندكم بيبي تكلمي جدامه و قولي انه بيبي موحلو لابس حفاضه بس لا تكلمينه دايرت.

شوفي شنو الشي اللي يبيه و قوليله اذا قطيت الحفاضه و رحت الحمام اشتريلك اياه و حددي مده . يعني حطي لج لوحه و لا ورقه و سوي جدول اذا راح الحمام حطي مثلا نجمه و لا علامه صح و لا اي شي و اذا ماراح الحمام حطي علامه غلط. و علميه و ذكريه كل ما زادت علامه الصح او النجمه راح تشترين الهديه او الشغله اللي يبيها.

انا ولدي وقتها كان يبي كيكه فقلتله اذا قطيت الحفاضه اشتريلك اياها و اخليك تختارها.و الحمدلله نجحت. ولدي الحين قاط الحفاضه بس اذا طلعت مكان و انا اعرف مثلا صعب القى حمام البسه الحفاضه ووقت النوم بعد.

 

[faty87]

اشكرك وايد ع النصيحة
وفعلا انا كنت ناسية طريقة اللوحة والنجمات
لان هذي طريقة سوبر ناني
وانا لسى ما افكر بالاطفال بعده بسبب الحفاض يعني مو قبل ما يصير نظيف تماما​

 

[om deaj]

حبيبتي مايصير تبلشين وترجعينه للحفاظ جذي تخربطين الياهل مايفهم شنو تبين بالضبط
خلج صارمة وبلشي بس يدفى الجو كل ساعتين وديه الحمام
اشتريله قيصرية حلوة
كل ما سواها بالحمام كافئيه
ولو سواها برة الحمام لاتصرخين ولاتعصبين بس قوليله مرة ثانية نروح الحمام
ودغيه لايستبرد من التكييف وخلج ورته اسبوعين ولا انتي خالصة

 

[om deaj]

ونصيحة حتى بليل لاتلبسينه الحفاظة بالمرة
حاولي ماتشربينه اي سوائل قبل النوم ب4 ساعات على الاقل ومثل ماثلتلج لايستتبرد من التكيف

 

[ام الحلوااات]

اللــــه يــــعــــيــنـــــج

 

[SAMSAMA]

اللــــه يــــعــــيــنـــــج

 

[faty87]

الشكر لكم على الردود الحلوة
ولاختي ام دعيج انا لما رجعته للحفاض خفت عليه من البرد قلب الام شنو اعمل
والحين احاول معاه وانشالله يتعلم عن قريب​

 

[SAMSAMA]

يكبر ويتعلم لا تتعبين نفسيتج بالشي هذا

 

[orange blossom]

أكييييد لازم تعلمينه على ترك الحفاض
سوي نفسي... حق عيالي شريت قيصرية و كل نص ساعه اوديه و اقوله اذا سويتها هني احط لك نجمه بيدك
سواء بالرسم او ستيكر او طباعه. و عيالي يستانسون اذا ايدهم انترست نجوم
بس اذا سواها على نفسه تحملي و لا تهاوشينه
بس قوليله بهدوء ميخالف اكيد انت نسيت
و موفقه

 

[أشبـاهـ المطـر]

والله ودي اخذ اجازه واتفرغ لها
لعوزتني خلاص الحفاظه قطعناها تقريباً
بس اللهم بالليل لكن مو راضيه تقولي ابي الحمام
انا كل شوي اوديها كل نص ساعه وانصدم تكرمون من كميه
البول وااايد بفتره بسيطه واذا كنا مو بيتنا املج تروح للحمام
تسوي مناحه وقصه تعبت الله يهديها ويطول بالي عليها ​

 

[قمرالزمان00]

نفس معاناتي لي سنه و3 شهور اعلمه بس مو راضي يفهم سويت كل شي (القصيريه الجدول ) والله مااعصب عليه ولا ازعله الحفائض نهائيا مايلبسها يسوي البول في الحمام بس البراز ع ملابسه ماتركت دكتور مارحت له نفسي الجهاز الهضمي بس مافي فايده الحمام الله يكرمكم لو تشوفونه مليان صور كراتين عشان يجذبه الحمام معد اروح لناس في بيوتهم عشان لايضايقوا وانا نفسيتي صارت زباله بس اش اسوي الله يفرج كربتك وكرب جميع المسلمين

 

[أشبـاهـ المطـر]

آآآآب
آآآب

 

[زييزا]

الله يعينج حبيبتي

 

[زييزا]

انا ولدي عمره سنتين واحاول اعوده
اذا شفته يبي يسويها اقوله حماام واذا قلتله بطل وقام يلعب مايبيني ادري ان عنده شغله ويغطي عيونه علشان لا اشوفه اخاف يصير عنده عقده