طريقه روعه ترد لج حيوية وترطيب الشعر (حمام زيت عالشعر الناشف)

[ام عزيزان]

عزيزاتي هذي خلطه ترطب الشعر وتغذيه وتخلصه من التقصف بإذن الله اذا داومتي عليها مرتين كل اسبوع سهله ومره بسيطه ولافيها حوسه ولا ريحه شينه



طال عمرك تجيبي حمام زيت ويلا البني المعروف (كورستال) اللي فيه خطوط اورنج حطي منه ملعقتين اذا كان شعرك قصير وضيفي عليها نصف فنفجان ماء حار اخلطيه لما يصبح سايل حطيه على شعرك وهو ناشف وحطي على شعرك قبعه نايلون او كيس اذا ماعندك لمده ساعه والافضل انها ماتزيد عن الساعه كثير يعني اقصى حد ساعه ونص



بعدها اغسلي الشعر بماء فقط وخليه هذاك اليوم كله بدون شامبو واليوم اللي بعده عادي تقدرين تستخدمين الشامبو بس اهم شي اليوم اللي تخصصينه لحمام الزيت لازم ماتغسلي الحمام بالشامبو عشان ماتزيلي المواد الملطفه عن الشعر حتى يقدر يستعيد حويته ونشاطه



بس صدقوني راح تحسون بالفرق من ثاني اسبوع على الشعر حتى في الاستشوار يصير الشعر مره شكل ثاني اتمنى تجربوها وتتجاوبون مع الموضوع بردودكم الحلوه وعلى فكره لو ماعندك حمام زيت ويلا تقدرين تستخدمين حمام زيت فاشكول وبنفس الطريقه بس افضل شي ويلا وهذي هي طريقه حمام الزيت الافضل يوضع على شعر ناشف مو على شعر رطب جربووووووووووو راح تدعون لي

منقول لان اعجبتني الطريقه والحين حاطتها على شعري​

 

[ام عزيزان]

وهذا حمام الزيت اللي تكلمت عنه البنت

 

[حياتي تكنولوجيا]

يعطيكم العافيه
ونجرب ان شاءالله
ثانكيوووووووووووو​

 

[ام عزيزان]

جربي يا حياتي

وانا لما اغسل شعري بعد اشوي بقولكم النتيجه

 

[بنت احلام]

حلووو
بارك الله فيج

 

[ناعمة الملامح]

يسلمووووو


بجربهااا واخبرك

 

[بسكوت بطعم التوت]

يسلمو جاري التطبيق

 

[كسرت غروري]

مشكوره بدوره اول مره اشوفه هالماسك انا مره خذيت حق قارنيه الاخضر حلو الماسك تبعهم بس ذا بجربه مخلص من عندي وش ورانا نجرب

 

[مسك حياتي]

يعطيج العافيه ...

 

[اروى77]

مشكوره يزاج الله خير

 

[ام عزيزان]

هلا فيكم يا بنات

حمام الزيت هذا قديييييييييييييم وكان معروف

والقصد من الموضوع مو شرط هذا النوع من حمام الزيت

القصد هو من الطريقه ممكن تستعملين اي حمام زيت يناسبج

ومثل ما قلت لكم امس انا كنت حاطه حمام زيت فاتيكا .... والنتيجه وايد حلوه وطبعا ما اوصل حمام الزيت للفروه احطها بس على الشعر بدون الفروة

 

[Hawaii]

تسلمين يااااا قلبى

 

[جيكره(و)تتغلى25]

جاري التطبيق يسلموووو

 

[انوثتي عزتي]

هلا وغلا ام عزيزان (( نوووور المنتدى ))
وينك من طول الغيبات حبيبتي..
الله يعطيك لعافيه مواضيعك دايما مفيييييده..
الا بسألك وينك غاطه حتى عن عالم حواء ماضرت اشوفك..؟؟؟​

 

[وسن 11]

هلاااااااااااااااااااااااااااااا ام عزيزان شلونج
شخباااااااااااااااارج:eh_s(7)::eh_s(7):


مشكوره علي الموضوع مع اني ما فهمت عدل الطريقه


يعني اغسل اول مره بالماء بسسسسسسسسسسس:eh_s(2): حتي لو شعري فيه دهن:eh_s(2):
شلووووون

 

[مولاي الفرج]

يبيله مشكوورة

 

[ام عزيزان]

هلا وغلا ام عزيزان (( نوووور المنتدى ))

وينك من طول الغيبات حبيبتي..
الله يعطيك لعافيه مواضيعك دايما مفيييييده..

الا بسألك وينك غاطه حتى عن عالم حواء ماضرت اشوفك..؟؟؟​

انا موجوده واحوس بين الاقسام مره مكياج ومره شعر ومره طبخ ومره كروشيه هههههههه ومرات منتداي

هلاااااااااااااااااااااااااااااا ام عزيزان شلونج
شخباااااااااااااااارج:eh_s(7)::eh_s(7):


مشكوره علي الموضوع مع اني ما فهمت عدل الطريقه


يعني اغسل اول مره بالماء بسسسسسسسسسسس:eh_s(2): حتي لو شعري فيه دهن:eh_s(2):
شلووووون

الطريقه لما يكون شعرج ناشف ويه علي بالج تحطين حمام زيت مو شرط تروحين تغسلينه او تبلينه بالماي وتحطين فوطه ساخنه وسوالف الحمام زيت

لا هذى الطريقه سريعه تخلطين ماي حار مع الحمام الزيت وتحطينه علي شعرج وهو ناشف وتخلينه ساعه وتروحين تغسلينه بالماي بس وثاني يوم او ثالث يوم غسلي بالشامبو عادي

وسوي هالطريقه مرتين بالاسبوع

بس عاد مو يكون شعرج مدهن وايد يعني سوي هالطريقه ثاني يوم من غسيل شعرج او بعد الحنه او بعد السدر عرفتي؟؟ :rerrerek:

 

[ريتال64]

يعطيج العافيه جاري التطبيق

 

[ام عزيزان]

شخبار التطبيق يا بنات؟؟

جربتوها؟؟ وخاصتا بعد الحنه او السدر وايد حلوه الطريقه

 

[دلوعة المنتدى]

يعطيج العافيه