لسلام عليكم يا حلوات
شلونكم شخباركم هذي اول مشاركه لي بمطبخ كويتيات
جايبه لكم تتبيله للدجاج عجيبه سويتها جن عليها ريلي وعمي ابو زوجي وحابه اعطيكم الطريقه
علشان تجربونها
يالله نبدي بسم الله
المقادير :
دجاجه مقطعه اربع اجزاء او ثمان اجزاء بدون جلد
وثوم +وزنجبيل طري (دقيهم خليهم ناعمين
ولبن المراعي لتر كامل
وخل تفاح نص كوب
وشويه ملح وفلفل اسود
الطريقه:
بعد ما اقطع الدجاج واشيل الجلد عنها
اضعهم بجدر واحط اللبن وباقي المقادير
واخليهم اربع ساعات اقل شي
بعدين اطلع الدجاج من التتبيله اغمسه على طحين
واقليهم بزيت
ويقدم مع بطاط شبس
وبالعافيه وانشاء الله يكون الشرح واضح
لاني اول مره اكتب لي موضوع
وبالعافيه واللي تجربه تقولي رايها بكل صراحه
وشكراا
عالووووصفه
