طريقتي في تنظيف بشرتي و ازالة الروس السودة بـ البيت =)

[~{Danon}~]

قووة حبايبي,,, ​

اليوم براويكم طريقتي بـ تنظيف البشرة + ازالة الروس السودة بأشياء خفيفة و سهلة و متوافرة للكل :eh_s(22):​

خل اسولف لكم عن بشرتي ,, اهي مختلطة(جافة بـ الخدود +دهنية بـ الخشم و اليبهة و الحنج),, و بالنسبة للروس السودة ابشركم فـ عندي خير من الله هـ الطريقة اسويها اسبوعيا عشان اتحكم بجفاف و دهنية بشرتي ,, و احافظ على شكلها عشان لما احط الميكب اتكون بشرتي زينة و صحيه,,, ​

اول شي قبل ما اتسوون هـ الروتين لازم اتكونون حافين ويهكم ,, بـ الخيط او الليزر او الشمع اللي يريحكم ,,, نصيحتي للي يشكون من الروس السودة عـ الخشم يشيلونه بـ الشمع :rerrerek:​

الحين طريقة تنظيف البشرة:: ​

1-اغسل ويهي بـ الصابون المناسب ,,, انا عندي غسوول خفيف بـ الصبار شاريته من سوريا ,, ​

2- استخدم سنفرة خفيفة للبشرة و احطها بدون تفرك حوالي دقيقة و عقبها اغسل بـ ماي ,,, استخدمت سنفرة المشمش تلقونها بـ كل الجمعيات ,,,

​

3-اكوون مزهبة البخار ,,, مسخنة ماي حار و معاي فوطة ,,, اقرب من البخار شوي لحد ما احس شوي بحرورة الماي <<مو اتقربون حيل و تحترقون و تدعون علي و احط الفوطة فوق راسي عشان احكر كل البخار ​

4- احط كريم طبي مقشر لمدة دقيقة و عقبه اشيله بقطنة ناشفة ,, استعملت جل ديفرين اخذته من جلدية الحكومة

​

5- هـ الخطوة خاصة حق قرووب الروس السودة ,,, حطو لزقات الخشم اللي يشيلون الدهون الزايدة ,,, ​

6- احط ماسك حق ويهي ,,, (1م طحين+1م حليب سائل) او (1م بطاطا صغيرة مفيوحه+1م حليب سائل),, هـ الماسكات تعلمتهم من الوالدة و يطخخون البشرة و يصفونها من الحبوب و يبيضونها و مفعولهم يبين على طوول و يدوم 2-3 ايام ​

7- اغسل ويهي و ابخ عليه ماي ورد بااارد ,, انا حاطة ماي ورد فـ بخاخ و خاشته بـ الثلاجة عشان يصير منعش :eh_s(17):​

8- احط الكريم المرطب ,,, انا ماخذه واحد من الجلدية حددده يهبل يسوي ويهج مثل البيبي :eh_s(22):​

و نعيما مقدما ,,, ​

الموضوع هذا شغلي و تعبي ,, فـ اللي تبي تنقل الموضوع كامل لازم تذكر اسمي و منتدى كويتيات ,,,​

 

[Kirsten storms]

مشكوورهـ حبيبتي

لووووووول انا ملوعه جبدي هالرؤووس

كل شي فيني اوك الا هالرؤوس
تموت فيني
ماتستغني عن خشمي لازم تطلع فيه
لازم كل يومين انظفها ​

 

[ReeM ^ Style]

مشكوووره حبيبتي

 

[هيبة فتاه]

حلوة الطريقة

 

[~{Danon}~]

العفوو ,,,



الروس السودة حدها متعبة ! و لازززم كل شوي اهتمام و لا اتخرب على منظرج

 

[اختكم بالله]

مشكوره

 

[برازيليه سعوديه]

يعطيج العافيه حبيبتي ونعيماا....

 

[Dreams Of a girL]

يعطيج العافيه حبيبتي

بس شنو اسم المرطب ؟ اذا ممكن

 

[~{Danon}~]

يعطيج العافيه حبيبتي

بس شنو اسم المرطب ؟ اذا ممكن

الله يعافيج ,,, هذا اهو المرطب ,,, و حيل حلو حق الشتا ,, بس الحين صاير ثقيل شوي بـ الصيف فـ بـ شوووف اذا الدكتور ممكن يكتبلي على شي ثاني ,,,

 

[A.N.L]

حبيبتي شلون طريقة المقشر يعني تحطينه على ويهج

كامل ؟؟


لان انا استخدمه بس على الحبه يعني موضعي

 

[طعم الشهد]

ماشالله عنايتج واايد حلووه غير جهاز تنظيف البشره الي يساعد ع التنظيف وفرك الويه وازالت الدهون



سعر الجهاز 8

اذا ستمريتي بتصير بشرتج زبببده اخذت الخطووات وانشالله ببدي اطبقهاا على نفسي

اذا تبون هذا الجهاز تلاقونه على هذا الرابط


http://www.q8yat.com/t861637.html

 

[~{Danon}~]

حبيبتي شلون طريقة المقشر يعني تحطينه على ويهج

كامل ؟؟


لان انا استخدمه بس على الحبه يعني موضعي

زين ذكرتيني بهـ النقطة ,, الله يسلمج انا احطها على كل الويه وقت الدورة لانه تطلع لي حبووب ,, بس في الايام العادية احطها عـ الاماكن المتعبة مثل الخشم (حق الروس السودة) و اليبهة +الحنج (لانه الفرازات الدهنية وايد فيهم )

 

[moo-0-oon_14]

يعطيج العافية

 

[~{Danon}~]

الله يعافيكم

 

[عمان نبض واحد]

مشكوووووووووره

 

[LuLiTa]

يسلمووو عـ المجهود الرائع ...و انا من زمااان ادور بـ المنتدى عن تنظيف البشرة فـ البيت

 

[miss angel]

مشكوره حبيبتي

 

[noora2]

بجرب الطريقة مشكوووورة

 

[NOONOOO]

بصراحة روعه جزاج الله خير والله تعلمت منج

 

[كيكه توفي]

مشكوره