طريقتي في تثبيت العطر حق العروس والمناسبات

[حرم راشد الماجد]

السلام عليكم ورحمة الله وبركاته

كلنا نعاني من مشكلة عدم ثبات ريحه العطر مده طويله

أيام الملجه قمت اتفنتق عشان اثبت ريحة العطر

ووصلت لطريقة رووووووووعه الكل يسألني عنها بس ما اعلم



المواد اللي محتاجينها :

بخور بوراشد اللي سعره ما يتعدى
2500

خمرية للشعر
لوشن ( اللي تحصلونه عند الهنود ) اخذي نوعين نوع ريحته على دهن ورد او عود ونوع على فرنسي شوي <<<<<<<<<<<<< هذا يرجع لذوقج بس انا احبه جذي

زيت بيبي جونسون
علبة فازلين بيور

مثبت بخور ( اما خلطة العود من الرصاصي او خلطة البخور او العود الابيض انصح فيها وبشددددددددده )

الحين كتبي اسم عطوراتج بورقه وصنفيها ( المركز بروح والسويتي بروح والشرقي بروح )

وتتعنين سوق الديره العماره تلقين عند الهنود غراش فيهم عطور مقلده اخذي منهم اللي يشابه عطوراتج

تشترين علب نفس مالت الخمريه بالضبط
تشترين دهن عود ودهن ورد وعنبر ومسك

ألحين :
تحطين العلب اللي شريتيها وتقسمين البخور عالثلاث علب اللي عندج
وبعدين تحطين فنجان مال القهوه ( وتحطين قفشة دهن عود + قفشة دهن ورد + قفشة عنبر + قفشتين مسك )
تخلطينهم عدلللللللللللل وتحطين فوقهم من العطر اللي شريتيه من الهنود اللي يشابه عطرج
وتصبينه فوق البخور وتخلطينه عدل ورشة بيكربونات الصودا وعقب تصكينه وتخشينه بمكان ظلمه ومو حار الحراره تخرب العطور

يعني تغلفينها بجيس مخمل وتحطينه بالكبت تخلينه اقل شي 6 شهور ما تفتحينه يعني تسوين كميات وتخلينه بالكبت وانسيه يفضل تسوينها بالصيف وتنطرين الشتا او العكس
الحين البيبي جونسون اللي شريتيه تحطين عليه جم نقطه من المسك والعنبر فقططططططططططططططططط


الحين خلطتج ضبطت وفتحتيها بعد ست شهور

تروحين تتسبحين سبوحج العادي ترشين على جسمج ماي ورد بالبخاخ فوق جونسون المعطر
بأماكن النبض على قولتهم تحطين خمريه شويه ( الخمريه على فكره نفس الطريقة تشترين عطور مركزه وسويتي وفرنسي وشرقي )
وشوية لوشن على الرقبه وورا الاذن ( اللوشن اللي اقصده هو اللي يكون فيه فازلين شكله لزج والوانه جنها بوظه )
الحين وجمسج توه موناشف عدل وعليج البيبي جونسون تتبخرين بمعمولج الي سويتيه تبخرين جسمج
وهدومج تيبين الفازلين وتحطين بيدج نتفة فازلين ونتفةةةةةةةة بيكربونات الصودا ونتفة اللوشن مالج وشويه من الخمريه تدهنينها بايدج والباقي مسحه على هدومج مجرد مسحه يعني يدوب تحسن بطبقة خفيييييفه ما تلطخين الهدوم وتبخرينهم
الحين رشي اي عطر تبين اتحداج تروحين مكان ما يسألونج شمسويه اصلا تمشين جنج علبة عطر وعطرج يفووووووووووووووح بالمكان


على فكرة المركزه استعمليها للمناسبات والعروس مثل ( كوكو شانيل - نيرسيزو - جوتشي باي جوتشي وايد احبها - فيرزاتشي نيور ..........................) بس لا تستعملينهم بايام عاديه


لاتعودين اهلج او ريلج ان على طول عطرج ستايل واحد بالعكس نوعي على طول ومثل ماقلت المركز بالمناسبات بس عشان يكون مميز


موضوعي اهداء لقاهرة عذالي لانها وايد مميزه ومواضيعها حلوه ولا هانو الباقين كلكم خير وبركة

 

[حرم راشد الماجد]

على فكرة الصور ما تخصني تخص عضوات ماعرفهم ولكن السموحه منهم اولا والشكر لهم ثانيا على مجهودهم

 

[موريا آدم]

مشكورة عالافادة

 

[حرم راشد الماجد]

الله يجبر بخاطرج يا موريا انتي اللي رافعه معنوياتي بهالقسم

 

[june_m00n]

شكرا حبيبتي
الموضوع تفوح منه الروايح الطيبه الله يطيب فالك يالخنينه :*

 

[foshia girl]

يعطيج العافية حبيبتي على المجهوود والافادة

 

[WAAAW]

مشكوووووووووووره

 

[دلال و غلا]

تخيلت الريحه و انشرح صدري

يعطيييييج الف عافيه ع المجهود الروووعه 

 

[عقل و ثقل و زين]

رووووعه موضوعج أذكر من زمان كانت ويانا بنت من تدش المدرسه عطرها يفوح يعني عن بعد تشمين ريحتها كنت دايم أسأل نفسي شنو عطرها اللي جذي ثابت وناعم بنفس الوقت أخاف أنتي ..؟
(( حرم راشد الماجد )) وأنا ما أدري ؟؟؟
مشكوووورة حياتي على الموضوع خاصة إهدائج لـــــــــــــ (( قاهرة عذالي )) فعلا أنا عرف البنية مميزة بعطرها ودايم فواح أهي صديقتي مشكورة اللي أهديتي لصديقتي إهدائج وصل

 

[عقل و ثقل و زين]

أي بغيت أسألج حبيبتي من وين جبتي دهن العود والورد والعنبر من شركة معينه تفضلين ولا عادي أي ماركة موجودة بالسوق
وبخور بو راشد قصدج سعره دينارين ونص وين موجود هالبخور أنا عمري ماسمعت فيه رغم أني مجنونة بخور وعطور شرقية

 

[ام الدرر]

يسلمو حرم راشد
موضوع مميز ​

 

[MiSS B.K]

جزاج الله خير عالافاده

 

[Vous jamais]

جزاج الله خير حبيبتي

 

[$الاميررة$]

يعطيج العافيه موضوع مميز

 

[الـ ج ــوري]

مشكووووره

 

[روعة الشرقيه|~]

ربي يسعدك ويوفقك ويحقق لك امنياتك يالغاليه

 

[حرم راشد الماجد]

أي بغيت أسألج حبيبتي من وين جبتي دهن العود والورد والعنبر من شركة معينه تفضلين ولا عادي أي ماركة موجودة بالسوق
وبخور بو راشد قصدج سعره دينارين ونص وين موجود هالبخور أنا عمري ماسمعت فيه رغم أني مجنونة بخور وعطور شرقية

بالنسبه للدهون اخذها من اي مكان خصوصا البحرين اذا راح زوجي اوصيه ييب واخليه عندي سنتين ثلاث بعدين افتحهم

بس بالبدايه اخذي اي نوع بس تحسين اول ما تفتحينه ان ريحته تخنق بالنسبه للعود طبعا
والعنبر لا ريحته عاديه بس غالي والمسك اخذه من سويس اربيان التوله ب3

بخور بوراشد تلاقينه عند الهنود قوليلهم ابي بخور بوراشد وسعره من 1500 لي 2500 مايتعدى السعر هذا حسب الجوده

 

[حرم راشد الماجد]

مشكورين كل اللي ردو علي واسعدني مروركم

 

[فرزاشيهـ]

ثانكس محتاجين هالمواضيع الحلوه

 

[متواضعة]

حبيييبتي حروووووووووووووووم شالهروايح الزينه فديتج من زمان وانتي ام السنع والذووق شخبارج وشخبار حور حبيبتي وفي غيرها اللحين ولا بس حوور

شنو البخور اللي تاخذينه من البحرين

والله خووش طريقه حروووم بس سهليها حق بو سرعه وبرجع اقرا الموضوع مره ثانيه مااعرف اتعطر احس العظر مايبقى فيني

بعد من جسم لي جسم يختلف في ناس الصابونه العاديه اتفووح فيهم وفي ناس كلش ماتصير ريحتهم صابون ماعرف شلون

بربارجع اقرا لاموضوع واركز