طريقة لف البطن بالشماغ

[Bedor-al.3taiby]

طريقة لف الشماغ

ان شاء الله يستفيد منه الكل


مرحبـــــــــا بنـــــــــــات شلونكـــــــــم
اليــــــــوم لقيــــــت لكـم موضـــــوع عـن
ربـط الشمـاغ بالكشكــــــول خطــــوه بخطــوه

اول شــــى اتجيبيــــــن الكشكـول الركــورد الازرق
وهـذا القلـم عنـده عشـان اتعرفــــــون حجـم الكشكـــــول

وممكن تستبدلينه بااي شي شبيه

اثني زوايا الكشكول بهالشكل (الاربع زوايا اثنيها) :

والحين جيبي المقص وقصي هالاطراف

راح يطلعلج هذا الشكل الثماني

بعدين جيبي الشماغ وخليه بهالشكل مثلث

حطي قطعة الكشكول على الطرف نفـس الصـوره

بعدين اثني الطرف السفلي على الكشكول

لفي لفي الشماغ على الكشكول

لمن اتحصلين على هالشكل

بعدين لفي اطراف الشماغ بهالشكل

وتربطينــــــــه علـى البطـــــــن



نصيحه للجميع لابد من اتبااعها قبل ربط البطن :
لابد ان يكون الربط بعد الولاده بااسبوع او 10 اياام عشاان الرحم يكون ناازل
بعد الاسبوع اذا جيتي بتربطين بطنك امرخيه كل صبااح على فوق بزيت الزيتون واذا جيتي بتربطينه لفي الشماغ على بطنك وانتي ناايمه على ظهرك
عشاان اكبر غلط انه تلفين بطنك وانتي واقفه عشاان راح يكون الرحم ناازل
وخليه في الربط لين تجين تنامين في الليل بعد كذا شيليه عشاان ترتاحين


منقوول

 

[الجوهرا]

انا اخاف احس سوالف الربط والمشد تسوي التصاقات
يعيطيج العافيه لان في حريم يحبون هالسوالف

 

[ملح @ شمر @]

حلو
مشكووووورة
والالتصاقات احس اذا استخدمتيه على طول وشديتيه حيييييل يسببها
بس اذا بعد عشر ايام وكل يوم تشدين شوي عادي
وماشاء الله كل خواتي يستخدمونه
لا التصاقات ولاشي
​

 

[You FOR Me Only]

مشكوووره حبيبتي على الشرح الواضح ماقصرتي

 

[اسبــانيــة]

واااااااااااااي ما قصرتي والله

كنت ادور الطريقة بالصور

مشكووووورة حبي عالموضوع

 

[عنووشه]

مشكوووره علي الطريقه

بنفاستي ماكان عندي كشكول حطيت قطعه من كوتوون عاادي ونفع ويااااي


بس الربط لاااازم

 

[منال $]

انا الي بعرفة من تاني يوم ولادة مو 10 ايام؟؟
بس ليش بعد10 ايام او اسبوع

 

[حلوه بكيفي]

انا الي بعرفة من تاني يوم ولادة مو 10 ايام؟؟
بس ليش بعد10 ايام او اسبوع

بعد 10 ايام علشان الرحم يرجه لوظعه الطبيعي
واذا ربطتي من اول يوم راح يظر الرحم لانه نازل

 

[Miss Unique]

تحطين الغلاف من اسفل البطن للسره؟؟؟

ومشكووورره على الافاده^^

 

[kingq8q8]

يعطيج العافيه

 

[وهــايب]

خووووووش موضوع ماقصرتي

 

[Bedor-al.3taiby]

تحطين الغلاف من اسفل البطن للسره؟؟؟

ومشكووورره على الافاده^^

ۆٱڵـڵـهـ مـٱډڑي اصلا ما اعرفها و توني بالحمل الاول ڵــے ولا عندي احد مڼ اهلي استخدمها

بس اشوف البنات دايم يسألون عن طريقتها فقلت انقلها لكم مڼ منتدى ثاني

 

[Bedor-al.3taiby]

نوووووورتوووووو كلكم
حبيت افيدكم وان شالله انكم استفدتوا

 

[أبلة فاتن]

ليش جذي تسوون بنات ؟​

 

[الابرار75]

انا من اول مايصعدوني للغرفه اربط بطني على الخفيف بصراحه ما اقدر اتنفس لين اربط

 

[Bedor-al.3taiby]

ليش جذي تسوون بنات ؟​

يقولون زينه حق عقب الولادة ما يطلعلج كرش انا عن نفسي ما جربت لاني بأول حمل لي :eh_s(17):

 

[المسكـ]

مشكوره ياقلبي ولازم بعد 10 الى 15 يوم تربطون مووزين من اول يوم انا ربطت يومين حاشني عوار مو طبيعي ويوم سالت الرداده زفتني وقالت رحمج بعده طري موزين تربطينه الحين عاد رددتني ودهننتي حيل وقالت عقب 10 ايام او 15 يوم ربطي بطنج عالخفيف مو تسمتينه موزين

 

[حكآية قلب]

يسلموووووووو


خيتوووووو



ااااب

 

[some one waw]

اكره الربط حتى الدكاترة يحذرون منه لانه لو تسوينه بطريقة غلط ينزل الرحم عندج ~>> اسم الله عليكم

انا بولاداتي البس شورت يلم البطن من نص الفخوذ لي فوق السرة

وتعالي شوفي بطني بعد الاربعين ماشاالله

 

[Bedor-al.3taiby]

مشكوره ياقلبي ولازم بعد 10 الى 15 يوم تربطون مووزين من اول يوم انا ربطت يومين حاشني عوار مو طبيعي ويوم سالت الرداده زفتني وقالت رحمج بعده طري موزين تربطينه الحين عاد رددتني ودهننتي حيل وقالت عقب 10 ايام او 15 يوم ربطي بطنج عالخفيف مو تسمتينه موزين

هم ٱڼـٱ سمعت مثلج ان بعد 10 ايام تقريبا
و مشكووووره ع هالمشاركه نورتي