طريقة طبخ القهوة.. قهوتي عجيبة والكل ين عليها..

[كـــنـــزي]

السلام عليكم يا بنات..يا حلوات يا سنعات..

وعلى شان يصير السنع على اصوله .. لازم كل وحده منكم تتعلم اشلون تسوي قهوة سنعه..

انا لا زرت احد احب اشرب القهوه اكثر شي .. واحب انه القهوه تكون مضبوطه تعدل الراس..

قهوتي انا عجيبه والكل يسال عنها.. وحمولتي يستانسون لا سويت لهم القهوه.. المطاره ما تقعد ساعه بسرعه تخلص..

المهم اهم شي انه قهوتي اشتريها من جمعية العارضيه رقم (1) اسمها قهوة محوجه..

ادشين داخل الجمعية عند صوب العصير والاجبان تلاقين كشك صغير مكتوب عليه مطحنه العالمية..

الكيلو ب 3ونص

انيي حق الطريقه..

اول لازم يكون طباخ القهوه بقوري..

تحطين نص قوري الماي ( حجم القوري متوسط ) وتخليه لين يغلي وبعدها

تحطين فنجان واحد من القهوه..وتخليها تطبخ من 10 دقايق لي 15 دقيقه..

وبعدها تحطين قفشه كبيره هيل مطحون خشن.. لا تسوينه حيل ناعم ولازم يكون مطحون فرش على شان ريحته وطعمه..شغل اطحنه واخشه مانبي.. كل مره لازم يكون فرش.

واذا عندج بهارات القهوه حطي قفشه متوسطه .. واذا ما عندج مو لازم..

وخليها من 5 دقايق لي 7 واهي تطبخ وطبعا انتي من اول ما حطيتي القهوه تكونين مقصره النار على الاخر..

ولي حان الوقت طفي النار وخلينها ترقد دقيقه ..

وهاتي مطارتج وحطي اشوي زعفران وقفشه هيل واشوي كوفي ميت.. ومسمار وزنجبيل شي اختياري مو شرط تحطين انا مرات احط ولا مرات لا..

وبعدها حطي مشخالج وصبي القهوه..

وبالهنا والشفا..

تحياتي

​

 

[Heaven Light]

مشكورة حبيبتي ..

​

 

[ودآعتك قلبي]

شرآآيج تسوينها وأجي اتقهووووى عندج هههه


أبجرب طريقتج يالسنعه

يعطيج اآلعااافية ..

 

[فتفوتة...سكر...]

يسلمو حبيبتي .. تسلم ايدياتج ..

 

[شيــوخه]

مشكوررره

نفس طريقتي بس انا ماحط معها مسمار او زنجبيل بس احط معها صبغه الزعفران تلقينه جاهز كل شي فيه

 

[ام العبايه]

:e3:

 

[ماهو كفو الوقت]

تسلم ايدج ...بس الصح اتصفين القهوه بعد ماتغلي وبعدين اتحطين عليها الهيل وتغلينها لمدة دقيقه وبعدين اتحطينها في المطاره

 

[لولو منثور]

تسلم ايدج حبيبتي

 

[grumpy22]

تسلم ايدج

 

[الأميرة جوري]

تطبخينها قبل الهيل ربع ساعه وبعدها الهيل بعد 7 دقايق ولا كلهم مع بعض والمده ربع ساعه ؟؟؟؟؟؟؟

 

[عثمان حبي]

يعطيج العافيه صج القهوه من وحده لوحده تختلف عاد انا امووت بالقهوه شهيتيني فيها بهالليل يامال العافيه

 

[سمسومه]

بجربها و بدعيلج إن شالله

 

[سمسومه]

بجربها و بدعيلج إن شالله

 

[حصوووصة]

مشكوووووووووووووووورة

بس مو شنه قفشه كبيرة هيل وااااايد وراح يطغى طعم الهيل على القهوة

والا انا غلطانه

 

[om norha]

يسلمووو يا عسل