طريقة تنظيف الحمام 00 اعزكم الله

[عرموشة]

بسم الله الرحمن الرحيم

طبعا بنات الموضوع واضح من العنوان انا ابي طريقة تنظيف الحمام اعزكم الله يعني من الالف الي الياء وشنو تستخدمون وشنو انواع المعطرات اذا امكن

ولكم جزيل الشكر _03ba:

 

[بنت باباتي]

اول شي اذا الحمام فيه ترسبات من الصابون استخدمي جف للبانيو والحنفيات



واذا عندج شاور بكس اخذي فوطه او اسفنجه وحطي عليها خل تفاح وامسحي البيبان



والارض والافرنجي فلاش بس لازم مايحوش الحنفيات عموم الفضيات ريحته قويه حيل يعني مو زين يحوش جسمج او تستنشقينه



طبعا هذي كلها عشان توخر الترسبات القويه


عقب غسليه بالماي وبعدين صابون اي صابون بودره فركيه بمخمه




وعقب اغسليه وصبي ديتول



وغسليه وبعد فتره صبي معطر الارضيات من الفودري ريحته روووووعه وحطي بالسيفون المعطر (اشكال والوان ) وبس

 

[عرموشة]

بنت باباتي

ما قصرتي يا حياتي الله يجزاج خير

 

[GAP^^الكبيرة]

شوفي موضوع الخنساء

 

[dnyay_mll]

اول شي رشي ماي وبعديـن رشي عالارض كلـوركـس ابيض وجف وتايـد وشويه من العملاق الاخضـر اذا كان متوفر عندج
وفركي بالمخمـه عدل وغسلي الحنفيات والدوش بصابون تايد وجف بدون كلوركس باسفنجه
ومسحي الباب بديتول وكمفورت مع شوية ماي بالفوطه
بعدين شطفي بالمساحه عشان يروحي الصابون وردي رشي ماي وشطفي
اخر شي
حطي بسطل كمفورت وديـتول وماي ورشي عالارض تكون هذي اخر شطفه
وبس
الحمام عزج الله بيلمع وبيظل معطر طول اليوم من الديتول والكمفورت

 

[دوى الروح]

انزين وشلون عالشعر يقث ماأحب امسكة

 

[Miss_Tiger79]

انا رش على الارض ماي وبعدين ارش صابون بودر ( اي نوع) وافرك الارضيه بالفرشه وعندي اسفنجه حق المغاسل واسفنجه حق المراحيض وعقب ما افركهم اغسلهم بالماي بس لما اغسل المغسله احط معاها داك ولما يروح الصابون ارش داك على الارضيه واكت اشويه داخل المراحيض وشوفي الريحه الحلوة (انا استخدم داك الي ريحته بخور)

 

[قبيطه]

عاد انا متعتى غسيل الحمام واخليه يلق
اول شى اشيل الأغراض اللى على السلال كلها الشوامبو والسنفرات والعده كلها وافركهم بصابون واقلبهم عشان ينشفون ويتهون وبعدين افرك المغسله طبعا بحبيبى جف وعندى مفراكه عجيبه بس عادى حتى لو اسفنجه العاديه وافرك الجامات بالصابون وافرك الكلاس مال الفرش واقلبه ومالت الصابون بعد وبعدين دور اللى يقص ظهرى البانيو حده متعب وماشاء الله التراب كل شوى عافس الدنيا المهم ارش ماى وبعدين احط جف على البانيو وادش داخله افرك لما احس ان طلعت روحه وبعدين اشوف الطوفه لأنه ساعات تصير صفرا بالذات حوالين الدوش وبالذات الحنفيات وبعدين الفرنجى نفس الشى احط جف وبعدين اغسل عاد كل شى وامسح المناظر بالرش مل الجام واعدل السلال واصف الشوامبو والأغراض وعلى طول آخذ دوش ولما اخلص امسح الحمام وبعدين احط الديتول او المعطر على الفرنجى والبانيو والمغسله وارش شويه ورا الباب واهم شى التهويه
طولت صح بس من كثر ما أنا عايشه معاناتج

 

[*هبوبه*]

مشكورين بنات استفدت منكم

 

[s3ad]

الله يسلمج حبوبة

لازم يكون عندج جيف حبيب الشعب انا مسميتة هههه

عموما اشتري كل انواع الجف

الأصفر والأبيض والبخاخ

الأصفر اصبه على البانيو بعد رش البانيووو بالمااااي

والبخاخ للخنفيات والزوايا اللي بالحمام كلها

اللي بالبانيوو وبين السراميك والفرنجي <<< كل الزوايا

اتركهم لمده 5 دقايق وبعدين يكون عندي تب صغير فيه ماااي حااار

وشوية صابون بوودرة يفضل الايريااااال الأصلي <<<< عجيييييييب

وشويه كلوركس الاصفر على الليمون عشان الريحة

واسفنجة وشي خطيييييير ما يطري على بالكم

تعرفين الخيشة النايلووون مالت البصل أو الجزر الخشنة .....

هذه عجيييييييييبة بالتفرك شي مو طبيعي

واخذي عاد تفرك لين تحسين الحمام يلمع

وغسليه بعدين من الصاابون

وسوي الحركة نفسها بالأرضية بس في برووووش خشن

والله يعينج على عوار الجتف والظهر

وسلامتج وتعيشين

 

[~ام خالد~]

والله انا احب سوالف التنظيف
وعندي وايد سوالف جذي فكل مره ابي اغسل الحمام عزكم الله اسوي شي

حق الارضيه ..
داك اللي على ورد ريحته وااااااااايد حلوه ويعتبر منظف ومعقم اصبه
على الارضيه مع ماي وافرك بالفرش وبعدين اشطف

كلوركس اخلطه مع شوي ديتول وصابون بودر وماي وافرك وبعدين اشطف

حق المغسله والبانيو ..
جف ولا غيره والله الرشاش او العادي خليه 5 دقايق وعقب مسحي
وشوفي اللمعه العجيبه

المرحاض تكرمون ..
كلوركس الرشاش عجيييييييب ريحته على رليمون ترشون وتخلونه
من 5 لي 10 دقايق وبعدها فركي بفرشاة المرحاض وصبي الماي وتشوفين
هذا غير انااستخدم العلاقات اللي تحطينهم من داخل ولما تيرين السيفون
يطلعون لون وريحه يونسون بعد

وحق المنظرة ..
الرشاش الازرق العادي بس ما امسح بفوطه امسح بورق جريده
تلمع اكثر واحسن من الفوطه اللي تسوي وبر على الجام

 

[العنود22]

 

[DKNY]

استفددددددددددددت منكم وااااااااااااااااااجد
مشكورين بنات

 

[bnt_kwt]

واي انا متعتي غسيل الحمام

والبنات ما قصروا ما تفرق طريقتي عنهم
بس المرحاض انا على طول احط في هاربك وجف
واخليه واروح حق المغسله ارش عليها صابون بودر خفيف وجف
وافركها عدل مع الطوفه اللي يمها كلها واروح حق البانيو وطوف البانيو
احط عليهم الجف وصابون بودر وافرك عدل لما احس انه خلالالالاص نظف من قلب اخر شي اروح حق المرحاض
افركه مفراكه المراحيض عدل مدل
وارش ماي على ارضيه الحمام وانثر فيها الصابون البودر وافركه بالبروش مال الارضيات عدل واحرص على اني افرك مع الارضيه المرحاض من تحت وعامود المغسله من تحت وبس بعدين اقعد ارشرش بالماي ليين يروح الصابون كله من كل مكان
وبعدين اخر شي احط ديتول وارش عليه ماي واشطف الحمام عدل وتعالي شوفي نظافه والريحه
اتحسين انه صج مكان نظيف ومعقم