طريقة الطلب من المواقع اللآسيوية وموقع ebay بالصور

[milkshake]

مووووضووووعج روووعه ويستحق التثبيت ..


من زمان كان ودي اتعلم بس ما اعرف



ابي اعرف شنو الخطووات بالضبط للتسووق من هذي المواقع؟

يعني اول شي اسووي بطاقة بالبنك خاصة بالتسووق من النت صح؟؟ شنو اقوول لهم؟؟


وهذي المواقع توصل ع طوول البيت ولا شنو النظام؟
انا حدي عليمية


ابي اعرف شنو ارخص المواقع وفيها اشياء حلووة يعني ابي احس اني مستفيدة

طبعا انا ابي استعمال شخصي مو تجارة يعني ف ابي شي حلوو شنو تنصحيني؟؟



ثـــــــــــــانكس وسوووري اسألتي ماتخلص

سامحيني ياقلبي اذا تأخرت عليج بالرد ..وحياج الله في أي وقت بأي استفسار سواء على العام أو الخاص ..
انا استخدم بطاقة فيزا او ماستر كارد عادية من البنك وماجربت البطاقات الخاصة بالتسوق من الانترنت ..بس اعتقد انهم نفس الفكرة..وتفضلي النصائح التالية:
1. اول شي ..لازم ماتطلبين من اي موقع ..لازم تتأكدين ان الموقع اللي تطلبين منه موثوق منه او احد مجربه من قبل ..
2. اذا شافيتي هذا اللوقو او الشعار في اسفل الصفحة اللي تبين تتسوقين منها فهذا يعني ان هذا الموقع لديه شهادة على انه يظمن سرية معلوماتج ..وهذا يشجعني اكثر في اختياري للمواقع اللي ابي اتسوق منها ..



3. تاكدي من اسعار الاشيا اللي تبين تشترينها وسوي مقارنات عشان ماتشترين شغلات سعرها اغلى من المعتاد ..

4. تأكدي ان الموقع اللي تبين تطلبين منه يوصل لديرتج ..وعشان تعرفين هالشي ..دوري في الموقع اللي انتي فيه لينك اللي فيه عن طريقة التوصيل shipping info مثل ما انا موضحة في الصورة اللي تحت السهم رقم واحد..او اذا مالقيتي مثل هذا اللنك دوري لنك contact us يعني راسلي صاحب الموقع او الشكرة عشان تسألينهم اذا عندهم توصيل لديرتج وبكم سعر الشحن ..شوفي في الصورة اللي تحت السهم رقم 2 ..



5. بتشوفين في الصورة اللي فوق السهم رقم 3 والسهم رقم 4 ..اذا شفتي هذي الشعارات في اي موقع فهذا دليل انهم يقبلون بالبطاقات الاتمانية وبطريقة الدفع عن طريق الـ PAYPAL.

يتبع

 

[milkshake]

6. كل موقع يختلف عن الثاني ..في مواقع عندها عدة خيارات في التوصيل ..وكل طريقة لها سعرها طبعا ..يعني اذا اخترتي US postal service هذا معناها ان التوصيل بالبريد العادي ..احنا عندنا في البحرين هذا النوع من البريد نستلمه من مكتب الطرود والبريد عشان الجمارك (التفتيش) ..وفي مواقع عندها توصيل بواسطة الـ FEDEX او غيرها من شركات التوصيل السريعة وهي اضمن لبضاعتج واسرع لج ويوصلونها لحد البيت ,, هذي المعلومات تقدرين اتلاقينها في نفس اللنك اللي حطيته فيه واسمه Shipping info او عقب ماتخلصين عملية الشراء وخلاص بتدفعين بتطلع لج قائمة تختارين منها نوع التوصيل عشان يحسبون عليج القيمة ..شوفي الصور ..

شوفي لما دخلت اللنك اللي قلت لج عنه فوق اطلعت لي هالصفحة ..ومكتوب فيها طرق التوصيل والتكلفة ..هالموقع طبعا مرتب وكل شي مكتوب فيه بس حطي بالج مب كل المواقع بتلاقين المعلومات فيه سهلة وواضحة جذي .. بعض المواقع لازم اتدورين واتطرشين ايميلات عشان تعرفين طريقة التوصيل والتكلفة ..



شوفي في نفس هذا الموقع ونفس الصفحة اذا نزلت شوي تحت بتلاقين طرق وتكلفة الشحن لخارج الولايات المتحدة..



7. انزين ..انتي اول شي لازم تسوينه انج تسويلنج بطاقة فيزا او ماستر كارد سواء الخاصة بالطلب عن طريق الانترنت او العادية ..

8. اذا تحبين ممكن تسوين لج صندوق بريد لدى شركة الشحن ARAMEX عشان تقدرين تطلبين من اغلب مواقع الانترنت حتى اللي ماتوصل للخليج ..

9. كل مواقع التسوق تطلب منج انج اتسجلين فيها قبل ماتطلبين ..والتسجيل مجاني بس عشان يكون عندهم ايميلج ومعلوماتج قبل الطلب ..وبتشوفين لنك التسجيل sign up عادة في اعلى الصفحات ..

يتبع ..

 

[milkshake]

10. بعدين ممكن تسجلين في الـ PAYPAL وحطيت طريقته وفايدته سابقا ..

11. في مواقع ماتقبل بالبطاقات الائتمانية من خارج دولها وممكن تدزينلهم الفلوس عن طريج السويفت يعني من اي محل صرافة ..

12. بعدين تقدرين تطلبين ..مواقع مقترحة :

هذي مواقع انا طلبت منها شخصيا:
www.hqhair.com
www.skinstore.com
www.eleven.se
www.ebay.com


مواقع تبيع شغلات آسيوية:
http://www.thefaceshopen.com/

www.adambeauty.com

www.ichibankao.com

www.gooddealer.com

www.x-a-n-a-d-u.com

www.strawberrynet.com

www.facial-shop.com

www.sasa.com

http://www.mycutelady.com/

http://softpeachyshop.googlepages.com/Shop.htm

http://www.lotree.co.kr/

ومن موقع Ebay عندكم التجار التالية أسمائهم

ipinkorea

skinfood2you

rumistyle

مواقع حلوة:
http://thebeautycloset.com
http://www.kingsizedirect.com

http://www.gymboree.com
http://www.allaboardtoys.com

وهذا لنك للأخت kuwaitbutterfly فيه مواقع حلوة
http://q8yat.net/showthread.php?t=49197

وهذا لنك لنفس لأخت فيه مواقع صينية للتسوق ..
http://q8yat.net/showthread.php?t=133406

 

[milkshake]

واللي مافهمت على شرحي شوفو لنك العضوة المبدعة kuwaitbutterfly فيه شرح زيادة

http://q8yat.net/showthread.php?t=246233

 

[ماكينتـ*زينة*ـوشة]

شرحج فظيييييييييع

كفيتـــــــــــــي ووفيتي يا الغاليـــــــــــــــة


يعطيــــــــــــــــج الف عــــــــــــــافية ...

 

[milkshake]

الله يعافيج ياقلبي

 

[Om_Ksha]

مشالله عليج مشكووره ماقصرتي

انا احس الكلام صيني وموقاعده افهم مع انه لقطت معاج شوي بس انا ماعندي ارامكس واللى اعرفه ارامكس يوصل لامريكا !! عادي لهلدول وقريبا انشالله ببطلي صندوق,,

ومادري احس لويه بس عفيه عليج حلو الواحد يعرف كل شي ,, ماشاءالله عليج

 

[alothoob]

بنات تكفون ابي مواقع تبي شنط ماركات درجه اولى وتكون زينه اسعارها جزاكم الله كل خير

 

[ميس2008]

:aha:
مع اني ما اطلب من النت لكن اشكرج من قلبي و الله لانج كاتبة الموضوع بضمير و شارحة كل شي من الخاطر ​

 

[سحيله_الحلوه]

مشكووووره والله ماقصرتي
انا سويت حساب بــpaypal بس لمن حطيت معلومات البطاقه قالولي راسلي البنك مادري ليش عاد طنشتهم مالي خلق لويا

 

[pink-bunny]

يعطيج الف عافيه عالموضوع عندي سؤالين اقدر اطلب مكياج.؟ عادي ..؟
وانا قالولي اسوي عنواين واحد بامريكا و وواحد في بريطانيا.بس السؤال اذا الموقع وصله لي عنوان صندوقي بامريكا شلون اللي بامريكا يدزونه الكويت.؟ من الشركه ولا شنو.؟؟ ولا لازم دايركت لي الكويت.؟؟
انشاءالله اكون عرفت اشرح ادري لويه

 

[milkshake]

مشكورين بنات كلكم اللي دشيتو ورديتو على موضوعي..

مشكووووره والله ماقصرتي
انا سويت حساب بــpaypal بس لمن حطيت معلومات البطاقه قالولي راسلي البنك مادري ليش عاد طنشتهم مالي خلق لويا

اهو طلب منج اتراجعين البنك عشان مثل ماقلت في شرح الموضوع عشان البنك يعطيج رقم الـ paypal اللي بيطلع في فاتورة بطاقتج الائتمانية واللي تسجلينه بعدين في موقع الـ PayPal عشان تأكيد المعلومات..

يعطيج الف عافيه عالموضوع عندي سؤالين اقدر اطلب مكياج.؟ عادي ..؟
وانا قالولي اسوي عنواين واحد بامريكا و وواحد في بريطانيا.بس السؤال اذا الموقع وصله لي عنوان صندوقي بامريكا شلون اللي بامريكا يدزونه الكويت.؟ من الشركه ولا شنو.؟؟ ولا لازم دايركت لي الكويت.؟؟
انشاءالله اكون عرفت اشرح ادري لويه

هلا حبيبتي ..
اي يصير تطلبين مكياج..
اذا عندج صندوق بريد في ارامكس راح توصلج البضاعة لي البيت والعناونين اللي بامريكا وبريطانيا وهمية ..
اذا ماعندج صندوق بريد بارامكس صعب تطلبين من المواقع اللي ماتوصل الا لعناوين في امريكا وبريطانيا..

 

[pink-bunny]

مشكوووووره

 

[وسن 11]

مشكوووووووووووووره علي الافاده