طريقة التوفير بينج وبين الزوج

[tooooma]

يعطيكم العافيه خواتي انا بصراحة حابة استشير الخوات المتزوجات اصحاب الخبرات انا بصراحة صارلي فترة متزوجه والحمدلله حياتي كل امورها طيبه ما عدا شغله وحده وهي :

اني ما اعرف شلون اسوي حقي حساب توفير والله يشهد انه حتى لو مبلغ 30 دينار شهريا

انا عندي التزامات وقرض وزوجي بعد عنده التزامات البيت وعليه قرض

ماني عارفه شنو الطريقة اللي اشيل فيها مبلغ ومابي استخدم هالحساب الا للضرورة القصوى

ارجو اني الاقي الحل عندكم ولكم الاجر

 

[sh_mashael]

سوي استقطاع من حسابج الى حساب ثاني

و لمن تستلمين الكي نت اليديده

كسريها

عشان ماتسحبين منها شي و اذا فكرتي تسحبين فـ لازم تروحين البنك تطلعين كي نت يديده

موفقه

 

[مرتبة]

دشي جمعيه مع مجموعه بنات بالدوام فجذيه توفرين غصبا عنج

وخففي مصاريف

 

[موريا آدم]

الرفع للافادة​

 

[i'm so happy]

انا والله مشتركة بجمعية مع قروب بنات وجدا مرتاحة 100 دينار شهريا لمده سنه تصير لي 1000 دينار شهر اللي فات استلمتها احب اخلي نفسي انا فالنهاية هههههههه احس احلى واحسن والله خليتها بالبنك التوفير عندي بطاقتين بطاقة للتوفير وبطاقة للصرف

اكثر شي اوفر له للسفر ارفه عن نفسي يعني السنه اللي فاتت رحت لندن لاني وفرت وجدا استانست
هالمره افكر اوفر مبلغ كبير حق شي ينفعني للمستقبل الواحده لازم تفكر يا بنات تسوي لها بزنس لو شي بسيط ...
لا تعتمد بس على راتبها والله معاي وحده بالدوام وفرت وفتحت لها صالون نسائي وايد مرتاحة ومستانسة
تقول يمشي لي راتب من الدوام ومن الصالون مالي فكره حلوة او حتى محل عبايات ابتدي بشي بسيط وصغير
وبتربحين وحق مستقبل زين الحياه صارت تتطلب وايد اشياء لازم انوفر ونفكر صح خلاص سافرت واستانس وشريت
الحين يا الدور اني اوفر حق مثل هالاشياء ...

 

[M!SS.LOBY]

سوي جمعيه مع رفيجاتج او بيت حمولتج احسن لج

 

[manoooram]

حبيبتي يا انج تسوين استقطاع بنكي أو تشيلين على جنب مبلغ ما يقارب 100 - 200
أو تدخلين جمعيه ونصيحه خليج آخر وحده ولي استلمتيهم و خشيهم بحساب بروح

 

[PuPa^^SWeeT]

استقطاع بحساب التوفير


وفكي رووحج




جمعية اذا عندج سفرة اتكون الجمعية حلوة

 

[tooooma]

مشكورين خواتي على مشاركاتكم الطيبة وفعلا الحلول اللي طرحتوها وايد مفيده

 

[Pinky -cat]

بصراحة موضوعج حلو وفعلا احلى فكرة قالوها البنات استقطاع من حساب لى حساب توفير وبدون لا تاخذين بطاقه .

 

[james546613]

اول شي حبوبتي حطي هدف لك شنو الشي الي ترغبين تملكينه وماعندك السيوله علشان تحقيقنه ؟؟؟ يعني حطي هدف بعيد شوي ..والخطوة الثانية اكتبي مصروفاتك من مشتريات وقروض وخلافة وشوفي اي بند تقدرين تضغطين فية بمعنى شنو الشي الي تقدرين تستغنين عنة او تقللين - في ناس تكلم بالتلفون وايد وعلى الفاتورة -وفي ناس تحب تطلع وسينما واكل مطاعم اوفر -ممكن هذول البندين تقللين منهم -ومن خلال كتابتك للبنود راح تستكشفين انه في بند تصرفين فية وايد -...اذا توفرت لك او اللى زوجك عمل العصر او اوفرتايم استغلوه-وبعده حطوا دخل ثاني حقكم ..كل هذا تقدرون تحققونه بالتعاون وطولة البال والدعاء ودفع الصدقات والحمد والشكر لله ..... اهم شي انكم تملكون ثروة لاتقدر بثمن الا وهي الصحة الحمد لله وبالتوفيق

 

[متواضعة]

جمعيه وااايد مفيده في جمعيات حتى ب 20 و30 دينار

انتي سويها مع اهلج او صديقاتج بتشوفين الكل بيشارك

مووفقه

 

[tooooma]

مشكوره اختي jmaes كلامك طيب نفس باقي الخوات وفعلا لازم اراجع حساباتي واشوف نفسي انا وين قاعده اصرف زياده

 

[قـــمـــرهم]

اب اب

 

[ام زهقانه]

اول حل استقطاع
ثاني سوي جمعيه مع حريم
او سوي جمعيه مع نفسج
خشي افلوس اشويه
علي اشيا مهم
الله يعين علي الفلوس
علي الي يصرف

 

[ام زهقانه]

اول حل استقطاع
ثاني سوي جمعيه مع حريم
او سوي جمعيه مع نفسج
خشي افلوس اشويه
علي اشيا مهم
الله يعين علي الفلوس
علي الي يصرف

 

[nono93]

سمعو نصيحه اختكم
انا عندي حسابين غير حسابي

كل شهر اقطع من راتبي 200
100 للسفر بالصيف او مناسبه جك بم
و100 بحساب العمر حلات الواحد يوفر
وباجي المعاش لعبوا فيه واستانسوا

 

[غلايو]

ياختي انا بخبرج


سوي استقطاع و لا تطلعين بطاقه السحب


ريلي يسلتم معاشين
معاش من الدوام الحكومي
ومعاش النادي


ف معاش الحكومي هو الي يصرف منه لكل شي
اما معاش النادي
مخليه لبيت العمر وللسفر وللدلع بجميع انواعه

لكن ما يصرف منه ولا فلس إلا لو كان محتاج
مثلا الصيف نسافر
او تجديد اثاث البيت
او بيشتري سياره ثانيه

لانه يشتغل

اما انا ادخل جمعيه
لكن افضلها مال 10 شهور فقط

يعني انا دخلت جمعيه بسيطه سوتها ربيعت ماما كانت محتاجه بس 3000 درهم يعني 300 دينار
ف قالت شرايكم كل شهر نحط 30 دينار فقط

يعني ب هال300 دينار باخذ ماركه خفيفه شنطه او لبس ومابكلف ع ريلي
ومنها اقدر ادلع ريلي بحجز ف ارقى سبا ف دبي
او غرفه ف برج العرب

ولا تنسين حصاله للخرده فالبيت
انا من سنه والحين فيها يمكن 400 دينار !!!!!!!

كلها خرده و نصوص وربوع
لا تستهينين فيها

 

[tooooma]

انشالله انا حابه ابدى فكره التوفير باقرب وقت لانه بصراحة انا وزوجي مو ملحقين على الالتزامات الايجار ولا طلبات اليهال

الله يفرجها انشالله ومشكورين على ردودكم الطيبة

 

[حبيبي مالكني]

البنات ما قصروا
انا أأيد الجمعية
فكرتها حلوة