طريقة التنقل من ميونخ الي لندن ساعدوني

[حورية آلكويت]

هاي كويتيات

بحجز حق ميونخ 5 ايام وبطلع منها على لندن

يقولون على طيران الايزي جت

شلون احجز عليه لاتقولون دشي موقعهم ماعرف انا نضامي قديم

احب كل شي فيس تو فيس يعني ابي مكان يحجزلي من ميونخ الي لندن

احجز من الكويت ولا اذا رحت ميونخ احجز مناك حق لندن وابي مكانهم في ميونخ وين


وشاكرتلكم مقدما

 

[بخـــارى]

هلا اختي
من ميونخ الي لندن 12 ساعه سياره

 

[بخـــارى]

اقرب دوله لها لندن بسياره باريس بحدود 3ساعات سياره

 

[In Geneva]

كنا ناخذ طيران البريتش من ميونخ إلى لندن سعر التذكرة بحدود 40 دينار إلي ال 45 ونحجزها من الكويت
الايزي جت ما جربته ومو متشجعه أجربه بس الاحسن سالي اللي جربوه

 

[Samurai]

ايزي جت طيران اقتصادي نفس الجزيره
شوفي اي مكتب سفريات يحجزلج عادي بس تأكدي من الوزن على ما اعتقد الوزن ٢٠ كيلو وكل زياده كيلو ب ٣ دنانير
مو متأكده بالضبط .. لازم تسألين الحجز
وطريقة حجز الكراسي ..

 

[اريج الجوري]

ممكن تحجزين اللوفتهانزا الطيران الالماني كويت ميونخ لندن يعني ترانزيت ميونخ وتقعدين جم يوم فيها بعدين تروحين لندن وبالرده ترانزيت ميونخ

او تاخذين اللوفتهانزا دايركت ميونخ ومن هناك تروحين لندن بالطيران الاقتصادي وممكن تحزين من اي مكتب سياحي انا افضل الطريقة الأولي أرخص لانها تعتبر تذكره وحده

والتفكرين تروحين بالقطار لانها حيييل بعيده

وبالسلامه

 

[حورية آلكويت]

من وين احجز على طيرن الايزي جت

 

[اجمل احساس ..!]

اذا بروح لندن لازم افيز لها من غير فيزتي مالت اوروبا شنغن ؟

مادري يقولون فيزة لندن غير عن الشنغن ؟

 

[ALTaf.m]

اذا بروح لندن لازم افيز لها من غير فيزتي مالت اوروبا شنغن ؟

مادري يقولون فيزة لندن غير عن الشنغن ؟

اي حبيبتي بريطانيا لها فيره بروح غير عن الشنغن
تسوينها بالسفاره البريطانيا

 

[بخـــارى]

اي الفيزا غير روحي باسرع وقت سويها