طريقة استقبال الزوج بعد السفر

[دلال2008]

السلام عليكم ورحمة الله وبركاته،،،،،،،،،،،،
أبي طريقه حلوه أستقبل فيها زوجي بعد السفر،،،،،،،،،،يعني استقبال يبهر يدوخ
لاتبخلون علي بأفكاركم وتجاربكم،،،،،،،،،،الله يحقق للي تساعدني كل اللي تبيه دنيا وآخره
:eh_s(6)::eh_s(6)::eh_s(6):​

 

[أم حيدور]

وعليكم السلام ورحمه الله وبركاته

الحمدلله على سلامته مقدما وقرت عينج ..

بعد جبدي سوي بحث بالمنتدى في وايد افكار والبنوتات ما قصروو ..

وان شاء الله ان حصلت شي مني مناك لي رجعة حياتي ..

 

[x.Lina.x]

امممممم سويله نيولوك بشكلج وغرفتج ...... وبخري ونظفي شقتج ..... بوسيه ولميه بحضنج وقوليله حياتي مو حلوه بدونك وقرصي خدوده حسيسيه انه طفل رد لامه ... مادري انا زوجي يحب هالسولف ...الله يوفقج

 

[أم ضارى]

اهم شى اذا عندج عيال وديهم بيت اهلج علشان تتوحدين فيه

وخلج بأحلى صوره ولاتنسين ريحة البخور اللى ادوخ

 

[دلال2008]

أنا قايله ماينفعني إلا منتدى بنات ديرتي
الله لايخليني منكم
بعد زيدوني أفكار لأن زوجي كثير السفر وكل مره يبيله استقبال غير

 

[واصله]

حبيبتي غيري الوان غرفتج
انا صبغت غرفتي كلها وغيرت الالوان والكفر وسويت بفة طويلة جدام السرير وحركات واااايد
وغيري لون شعرج واذا كنتي متروسة ضعفي واذا كنتي ضعيفة متني شوي ههههههه
وروحي تشري هدوم للبيت كل يوم لبس يديد

 

[حلوى البحرين]

غيرى الكفر وحطى زوليه وكوشيات وشموع او اباجورات

 

[دلال2008]

خوش أفكار بس أغلبها مسويتها

 

[q8_goga]

يلا اافكاااااااااااااااااااااااااركم

 

[بنت النور 88]

أنا بقول لج أفكار سويتها بعد الاربعين روووووعه خيال كانت

اشتري الناموسيه المضيية وحطي ليزر بالغرفة على شكل نجوم او سحاب

واهم من المهم الورد الطبيعي زيني الغرفة بالورد الطبيعي

حطي نافورة للشكولاته

والشموع لاتنسينها

وحطي له بجامه جديدة وأربطيها بشريطه خليها له ع السرير

بخير الغرفة وعطريها

وبس

 

[فوفو22]

بدون ابهار

هو بيكون ولهااان

اهم شي الاستقبال الحلو باللسان الرطب الطيب

والشكل الحلو

فوفو

 

[Patcholli]

حضريله بوفيه خفيف سواء غدا او عشا ولبسيله شي ناعم وبسيط لانه بيكون راجع وتعبان يبي شي يريح عيونه ونفسيته ..
روحي الصالون سوي شعرج ولبسي نفنوف ناعم .. حطيلج جم شمعه بالغرفه والصاله .. وتقدرين تسوينلج مساج لان مثل ماقتلج بيكون تعبان ومحتاج للراحه
لاتبهرجين وايد لان مافي مناسبه اهم شي شكلج يكون مرتب

 

[sosowaty]

اكثر سوال ينسال بالمنتدا ههههههه او سوال الثاني اليوم يوم ميلادة شنو اييب له هديه هههههههه

 

[رتو الكيوت]

من صجكم بوفيه واضاءت ومهرجانات وابجوارات

والي زوجها شغله كله سفر بسفر ؟


لبس جديد مترتبه متنظفه كنمبل جديد تغيرات بسيطه كانج مسويتها حق رومحج مو حقه اهو ويا ويههه

ولاجا سلام عادي وكلن واسلوبه بوسه ضمه كفك انتو شنو طبيعتكم شنو نازل من المريخ حق كل هالهوليله والبوليله

 

[batool H]

عادي اكشخي ونفس كل مره بالذات انه كثير سفر ع قولتك ومتعوده عالوضع

موفقه

 

[cat^q8]

قرة عينج بشووفته مقدما يوووصل بالسلامه يارب


اول شي اخذ كفر يديد حق السرير مع شمووع

مثلا زيبرا

ونفسه طقم كامل حق التواليت تكرمين زوالي وستارة وطقم كامل

وانتي بعد لبسي قميص زيبرا

واذا كان حزة النهار واصل لبسي جينز و كورسيه زيبرا

شعرج صبغيه

حطي نقش حنه اجنحة الفراشه على ظهرج اذا ماتعرفينها حطي بقووقل تاتو الفراشه شمس وتطلع لج الصور

و سوي بوفيه خفيف طبعا غدا او عشا حسب الحزة

وكتبي كرووت عبارات قرة عيني بشووفتك

عوضني الليالي اللي فاتت يالغالي

اشتقت لعطرك

اخيرا رجعت لحضنك

ومن الكلام الطيب

مممممممم وبعد


طبعا اختاري لون ثاني مع الزيبرا مثلا زيبرا وبنفسجي

زيبرا و شذري

 

[متوترة]

عادي انا رجلي يسافر ويرجع ماعلي منه استقبالي اقل من عادي

ضمه بوسه اشتقت لك ياقلبي وانتهى الموضوع ههههههههههههههههههههه

وبعدين لتجلسين تهولين له واتسوين هالاستقبالاات وهالاشياء تحمسينه انه يسافر ويكثر سفر


وخلاص والله الرجال بيوم وليله ينسون كل شي ويعتبروننا مقصرات معاهم