طرق التزيين للحمام والمطبخ

[ام سعودي]

مساء الخير جميعا
اليوم قاعده افكر اشلون ازيين الحمام عزكم الله والمطبخ بس قلت ماكو الا اشاور خواتي بالمنتدى ونستفيد من بعض وياليت الي عندها صور احسن واحسن
انتظركم خواتي...................

 

[amani]

حتى أنا ودي أعرف الصراحه انا دايما اشترى من سنتر بونت اشيائهم اتهبل بس بعد الواحد يبي يبدع بالتزيين ودي اعرف كيفية ترتيبهم وبعض الحركات الحلوه

 

[ام سعودي]

اي والله ان شاءالله البنات يفيدونا

 

[عهود الحب]

حسب حجم الحمام عزج الله والمطبخ

اممم اكتبي بالسيرش قوقل ديكور حمام و مطابخ

افكار مذهلة شغلات جذي او اكتبيه بالانجليزي وشوفي الهوايل


شنو تبين بالضبط وماراح اقصر معاج اذا كنتي تبين افكار

 

[ام سعودي]

حبيبتي يعطيج العافيه
بس انا ابي ازين الحمام والمطبخ لاني احس انهم لازم يتزينون بطريقه او بوضع ورود او طريقه معينه بلف الفوط او رف غريب شفتيه والخ

 

[عهود الحب]

روحي لايكيا راح تلاقين افكار للزينة
افتري بالمحلات يعطونج فكرة لما الاقي شي بوريجياه

 

[أم حمود2]

بقولج على حركات سويتها شريت رفوف زجاج لونهم على بني او عسلي طبعا زاوية وشريت لج علب زجاج من تروفاليو واي تو زد اللي بالشويخ وعبيتهم ورد مجفف وشريت من ابو امية عسرين غرشة دهونات عطور اصغار وصفيتهم برف والرف الثاني حطيت الورد المجفف وقواقع ومحار بسلال و الرف الأخير عندي صندوق صغير صفيت مجموعة كبيرة من الصابون بشكل حلو وحطيت قلوب حمر فلين معلقين بشريطة حمرا من بو مية شلت القلوب من الشريط وصفيتهم على شكل ورود حلو شكلهم حيل هذا من غير أطقم الحمامات الحلوة من سنتر بوينت اوتروفاليو والفوط الذربة وحطي نباتات قطيطهم وفي استكرات من جيلاتين صناعي حلوين ممكن تكشكخين فيهم المراية وبس اتمنى اني اكون افدتج

 

[اخت فروحه]

دوري صور بقسم الديكور

 

[ام سعودي]

ما قصرتو افكار حلوه وناطره منكم المزييد
انا اليوم شريت من السي سنتر ارفف وبعلقهم ومن افكاركم بشوف شنو احط فيهم

 

[جمانه 99]

مرحبا بنات انا احب التزيين بكل اركان البيت
بالنسبه للحمام عزكم الله شاريه طقم من سنتر بوينت وايد حلو وماخذه الفوط من تركيا مع الأرواب مع تكرمون النعل وماخذه رف ستيل اصلي علشان مايخترب من الماي والبخار من ايكيا صوب المطابخ فعلى الرف لافه الفوط على شكل اصطواني والأرواب علقيهم عل العلاق اللي ينحط عل الطوفه وهم ماخذه رف مستطيل زجاج من ايكيا صوب اغراض الحمام حاطه عليه سله فيها ورد مجفف وسله فيها كور وكل ماغسلت الحمام احط على الكور والورد المجفف الزيوت العطريه من بودي شوب وطبعا احلى العطور الفراوله واللافندر انزين وبعد على الرف حاطه على جنب الشامبو واللوشن والصابونه اللي مالت الفنادق الصغار شكلهم وايد حلو (فضحت نفسي ) وآنا طالبه طلبيه من المانيا كبت فيه ارفف وخزانه وحده ينحط فوق الإفرنجي من السقف للأرض هذا مبرزه فيه شامبو صابون معجون اسنان غسول شكله وايد حلو والصراحه الأرضيه ودي احط عليها سجاد الحمام يعطي منظرموطبيعي بس ماأرتاح من ناحية ال!!!!!!!!!!!!!

وانشالله فدتج ياأم سعودي :tek:

 

[ام سعودي]

تسلمين وماقصرتي جمانه 99 افكارج وايد حلوه

 

[ينت حرب]

في لاند مارك أشياء حلوه لتزيين الحمامات من سجاد من ستائر اخذي الألوان الفرش
وتجي معاها اكسسوارتها او انتي نقي من عندج أفكار مثل علبة زجاجيه تحطين فيها
ورد مجفف ومن فوقها شمعه أو تترسينها ماء وتحطين الشمع عليها . وحطي زرع صناعي
أو طبيعي وزعي الشموع والأهم عطور جليد للحمامات تلقينها بالجمعيات بأشكال متنوعه
واختاري لوحات عن الطبيعه وحطي كرسي اذا كان الحمام كبير وبجنبها طاوله دائريه وزعي
عليها الكريمات واللوشن . واختاري الأرفف الزجاجيه وحطي فيها الأشياء اللي تحتاجينها

أما المطبخ .. فزينيها بالفخارات الكبيره وحطي فيها الورود أو الزرع الطبيعي
واذا عندج وعاء زجاجي كبير صبي الماي فيه ولونيه بلون اللي يستعمل للأكل وزعي عليه
الشموع وتقدرين تضيفين عليه بعد زيوت عطريه علشان تروح ريحة الطبخ

والأهم تضعين السجاد واللوحات والستائر الخاصه بالمطابخ . وتحاولين ترفعين كل الأواني
بالأدراج الخاصه فيها . لا تظهرين الا الأكسسوارات الخاصه بالمطابخ للزينه فقط
وبالتوفيــــــــــــــق​

 

[CaRaMeLaH]

انا حاطه قاعده طويله من إيكيا وعليها زرعه طبيعيه

وقاعده أرضية خشبيه وعليها حوض الزرع وهم طبيعي

وشاريه من إيكيا كبت زجاج لما شافته رفيجتي قالت إحنا حاطينه بالصاله وإنتي حاطته بالحمام إنقهرو لأاني حدي كسرت فيهم بهالحركة

أول رف صافه أغراض زوجي من عطورات ولوشنات وماكينة حلاقة وبوكس فيه مواسة الحلاقه بشكل حلو مرتب

والرف الثاني صافه فيه بوكسات مغلفه فيها عدة الإستحمام من ليفه وصابونه وشور جيل وعطر

والرف الثالث حاطه فيه جنطه من بودي شوب فيها الفوط النسائيه والشيره و صافه الكلينكسات فيه

والرف الرابع حاطه فيه أدوات التنظيف

وفي أرفف حديد من إيكيا وفيها بوكسات بيض حاطتها صوب الجاكوزي من فوق وموزعه فيها عدة الإستحمام

وجبال الجاكوزي هم من فوق رف حديد بس بس عريض يعني رف وفيه كذا حديده وصافه أطقم الفوط فيه وايد شكله حلو

والأرضيات زل الحمام تكرمين

 

[>>روضـة الحسـن<<]

افكار روعه

 

[ام سعودي]

افكاركم روعه ماقصتو يعطيكم الف عافيه

 

[BabyStar]

حبيباتي بالنسبة للحمام
انا ماحب الاكسسوارات الزايده والورد المجفف احسه يغبر ويمسك وصخ
بس احب احد نباتات طبيعيه في الحمام والمطبخ
وبتلاحظون ان شكل الحمام يصير حلو ومنعش جدا
انا كنت ابدل النبتات
مرات احط سلة متسلق معلقتها وكاااانت روعه بس طبعا اغصانها متدندله مو مربطتهم بخيوط
ومرات احط الشتلات الي تكون اصغر احط لي وحده بزاويه بالحمام وشوفي الشكل والله حلو جربي وقولي لي رايج

 

[ام سعودي]

اي والله فكره حلوه لانه فعلا لاحظت انه الورد المجفف ايمع غبار

 

[umfahad84]

يسلمو على الافكار الحلوة

 

[عاشقة الجناات]

يعطيج العافيه