طحت لكم على خوش جهاز حق كروشنا

[أم كشة]

دشي خو شلون براويج اياه من الدريشة مثلا :eh_s(22):







اسمه abcoaster


وهذي صورته

احس اللي كرشها عود نفسي رهيب ومفعوله


قوي خصوصا انه يلعب على عضلات البطن

بنات هذا موقعهم

http://www.abcoaster.com/index.html

بنات منو عندها منه ابي اعرف يتحمل الاوزان لول ^^


ادعولي عاد صج مو انا مخترعته بس ادعولي يكفي اني منورة المنتدى :eh_s(3):

 

[م فطومه]

احس يعور استخدامة وبس يسوي عضلات المعده

انا عندي كروشة عنونة تحت

 

[عسووولة]

شكلة عجججججججججججججججججججججججججيب

 

[أم كشة]

فطوم كرشونة عنونة شوية اهمال معاها بتصير كبر كرشي << اخوفج ههههههههههه

والجهاز ان ما عوراج ماراح يفيدج عرفتي ؟







عسووووووووووووولة قوة شلونج ^^

وينج من زمان << توني رادة عليج مناك ههههههههه


يلا شدو حيلكم تكفون نبي بناتنا رشيقات << بلشي انتي اول هههههه

 

[ريمانيا]

حبوبة ام كشة من وين احصله و بكم ياليت تفيدينا حبوبة انا اعااااااااااني من الكروشة

 

[أم كشة]

ريمانا يبيعونه هذول 1808808 دقي سأليهم تكفين قوليلنا ^^

 

[جوري وبنفسج]

السلام عليكم

يبيله :eh_s(3):

بس المشكلة أنه مو متوفر عندنا وأنا ما أحب أطلب عن طريق النت أحس أنه معقد وما أعرف له لوول .​

 

[أم كشة]

بلاااااااااااااااااا متوفر عندنا شفته بدعاية والا انا شدراني


حتى قعدت ريلي يشوفه وزفني ههههههههههههه


تكفين دقي سالي عن سعره استحي ادق عفية جوري ^^

 

[أم كشة]

ها شصار بجم طلع ؟

 

[شموع & دافئه]

انا توى من يومين خذيت واحد يشابهه من تللى سين
بصراحه حلو بس يشد عضلات المعده من فوق ويلين اسفل الظهر
حلو وصج يشد بس اللى عندى يحسب عدد المرات مو الكالورى المفقود

 

[ام شريفه]

دقيت على 1808808 وقالي انه سعره اب 155 دينار كويتي

يقول حق البطن و الكرش و الخصر

 

[bestchoise]

مشكوووورة

بس مشكلتي اني ما احب الرياضة كلش

 

[أم كشة]

ام شريفة مشكورة حبوبة


بنات تهقون يتحمل اوزانا ههههههههه



شموع هم زين يحسب عدد المرات عشان تعرفين شكثر تسوين التمرين وناسة والله شكلي بييبه

 

[red_rose8278]

شكله عجيييييييييييييييييييييييييييب

 

[جوري وبنفسج]

السلام عليكم

اليوم طلبت الجهاز وبكرا يوصلني

سعره 155 دينار الله يعوضنا خير ومايكون بخسارة :eh_s(6):

وراح أجربه وأعطيكم خلاصة تجربتي ​

 

[Miss sensitive]

لا يتحمل الاوزان الثقيله من شكله

يبا سوي تمارين معده والله احسن من الاجهزه

 

[جوري وبنفسج]

السلام عليكم

جربت الجهاز واي حده يتعب ويبيله لياقة أنا حدي 8 حركات وبعدها تعبت بس من باجر بطني كله يعورني لأن عضلات بطني كلها أشتغلت وأنا حاليا مريحة جمعة وسبت بكمل التمارين عليه من الأحد ​

 

[ريمانيا]

الجهاز ام كشة ب 155 دينار و سوري عالتاخير حبوبة

 

[السقوط إلى الأعلى]

هلا جوري شلونج ويا الجهاز ؟ راحت الآلام وانشالله تشوفين نتيجة يارب وتختفي منا هالكرشة الغثيثة <<<<<<<<<جنها حاااامل

 

[السقوط إلى الأعلى]

انزين ماكو مكان ثاني يبيع هالجهاز ؟ مادري بنات مارتاح حق تلي سين ومادري شنو احس كل بضايعهم رديئة ومو جودة