طحت بالشارع وزوجي يضحك علي

[Reham 84]

السلااام عليكم
شخباركم بنات

حمدلله ماعندي مشكلة بس السالفة خلتني افكر
بنات حنا حاليا بكندا وثلج هالايام
وحنا طالعين نمشي بالشارع كان زوجي ماشي سريع
قدامي وانا اركض مو ركض سريع هرولة بسيطة بوصل له
والثلج ينزل بقوة والدنيا كلها بيضضضضضة السالفة بالليل حمدلله مافي احد
وانا اركض صرخت عليه قلت له فلاااااان أنا سنوو وايت يقال لي اتميلح المهم
هو التفت مع التفاته طربااااااااااااح زلقت بالثلج
وطحت على الاخت
ادري الموقف يضحك شوي خصوصا أني قلت سنوو وايت
امحق سنو وايت دبة
بس والله الطيحة تعووووور وايديني تكحفت الحين تحررررقني
ردة فعله قهرررتني ماتحرك من مكانه ولا جاني أنا كنت بعيدة شوي
ولا اسم الله عليج
قام يضحححححححك وجهه صار احمر من الضحك
وحدة بس شافتني احس انكسر خاطرها علي اكثر منه
طبعا قمت ونفضت نفسي وجيت له وهو لسه واقف يضحك ليييين وصلنا البيت وهو يضحك
ولا فكر يسألني تعورتي ولا لا
وانا ساااكته ع اساس زعلانه
ويسكت شوي بعدين يلتفت علي ويرجع يضحك قهرني
بعدين يقول لي من صجج زعلانه
قلت إيه حتى ماجيت عندي ساعدتني ويرجع يضحك
المهم أنا ماقدرت أزعل لاني اتذكر شكلي واضحك أنا بعد ع نفسي بس بوقتها انقهرت

ماااتقهر حركته بالله
ماتزعل حسيت انه مايخاف علي :eh_s(2):
في وحدة صارلها هالموقف

 

[بتبوتااا]

هههههههههه حسبالج بيركض لج ويشيلج ويسمي عليج 

وهذا ويهي اذا ماذكرج بالطيحه كل ساعه هههههههههه

حووبي ذكرتيني بأيام ملجتي لما طحت عند عتبه المطعم ومن فشلتي قعدت مكاني وادور ريلي يمين ويسار ولا الاخ رايح السياره وغشيان ضحك علي :/

وانا علامات استفهام فوق راسي على امل انه يرد يقومني من مكاني خخخخخ لا وانا لما طحت قعدت ما قمت الا لما شفت ناس بتدخل المطعم

 

[لمى الهاجري]

خخخخخخ يالله المهم سلامتج

 

[انثى الكويت]

لووووووووووووووووووووووووووووووووووووووووول
ضحكتيني والله توني قاعده من النوم بشرب قهوتي والله رديت حطيتها خفت تنكت

انتي من صجج يبي يركض لج ها سلامات يبا الرياييل ما يعرفون امي ابوي

وقت الشماته اهم شي ثاني حمدي ربج ماكو احد بس يعني ذوقيا يسالج تعورتي بس هم شي مستحيل اعتبره


خل اقولج موقفي بمركز سلطان السالميه زحمه فل ناس رايحه وراده

توني بصعد السلم الكهربائي ما طحت تعرجبت وتعلق الكعب مالي تحت اول السلم وانا صعدت حافيه

وريلي يضحك وانا اقوله شسوي

والطامه الكبرى ورااااااااااااااااااااااي نااااااااااااااااااااااس

ناطريني اخذ جوتيي ويضحكون علي


جان ارد عكس تخيلي كاااااااااااااااااااااااااااااااااااااااااااااااااااااااااااااااااااااااااااااك

وبويهي الناس واخذ جوتي وانا ويهي طماااااااااااااااااااااااااااااااااااطه



وعبالج ريلي ركض ييب جوتيي او يسوي شي ذوق

لا ظل واقف فوق يضحك علي افتريت مركز سلطان والله واهو للحين يضحك علي


زعلت اول شي بعدين قلت له شدعوه شدعوه ما تقول حبيبتي فيها شي على الاقل تقولي مايخالف
تكبرين وتنسين تضحك عبالج رد علي رد ضحك مره ثانيه

وانا طوفتها


طوفي حبي

 

[الأميرة جوري]

الحمد الله علي السلامه لازين ما قام يخانقج ويقول لاماتشوفين اغلبهم جذي اما يعاتب او يضحك مساعده انسيييييييي

 

[قمر كويتي]

ههههههاي سلامات لا يمكن ماقدر يمسك نفسه لانج بالبداية قلتيله شوفني سنووايت وطحتي:krkrkr::krkrkr:

 

[مناير ...!]

هههههههههههههههههههههههههههههه سلامتج ياستوايت
موقف ريلج حبيبتي عادي
ولو اختج همن سوت نفس الشي بس انتي خذيتيه بحساسيه

 

[ام كوثر2007]

والله يا قلبي خصوصا بسوالف الطيحه تضحكين غصبن عليج

ههههههههه يعني انتي الحين كل ما تذكرين تضحكين فما بالج اهو

بعدين الطيحه في امريكا وكندا عادي ترا الكل متعود عليها يطيحون ويقومون عادي لانه الارض كلها ثلج وخصوصا لمن يتحول الثلج حق ايس اللى يزحلق

لا تكبرين المواضيع والمفروض انج ما قلبتي ويهج عليه بالعكس ضحكي وخلي السالفه عادي

تحمدي ربج طحتي عند العنقريز لو طايحه عندنا بمجمع والا بسوق المباركيه جان صرتي فرجه هههههههه


حمدلله علي سلامتج

 

[Loloki]

راح اقولج موقفين كنت مع امي بالامانيا مهم وكان حزتها ثلج والارض تزلق المهم انا كنت امشي بعاكازات لان مسويا عمليه

\ولا اشوف طااااخ ولا امي طايحه وانا اضحك واهيا تحضك عادي موقف يضحك وكل شوي اضحك عليها واهيا تضحك وهذي امي

الجنه تحت اقدام الامهات

بعدين موقف ثاني مع زوجي بطلب برجر كنج وانا مستعيله وحامل ولا بالدري بس اشوه ماتعورت واهو بسياره ضحك وطلبت ويوم شافي يضحك قتله شفيك قالي طحتي كااااااااااااااااااك رقله قله شسوي عليك ولا يسكت

طوووفي حبيتبتي خلي امور تمشي مدام انتو مسافرين انتي ذكريه بالطحه ضحكي بس لا تنكدين

 

[<<المها>>]

هههههههههههههههههههههه اكثر شي يضحك بالسالفه سنو وايت يمكن هذا اللي خلاه يغشي من الضحك

حبوبه حمدي ربج طحتي بكندا مو بالكويت جان مصخره مو بس من ريلج وبالليل بعد لا انتي ربي يحبج صج

عادي ياقلبي طنشي هذولا هم الريايل بهالمواقف بس يضحون مو نفسنا عبالج نسمي وسلامات لا عادي زين ماقالج

ثوله ولاعميا ماتشوفين حمدي ربج ضحك .. انا رفيجتي طاحت بنص الشارع وشارع عام يعني الناس تشخط شخط فيه

بالسيارات ومن الصدمه ماقدرت تقوم والله وتيها ذيك الزفه المحترمه من الفشله ريولها ماشالتها يبي يقومها مو قادرهش

جان يقولها قومي ولا اطلقج طبعا بيخوفها والله تنقز مثل الغزال كااااااااااااااااك .. وسعي صدرج ويذكرج فيه لي سنه جدام

وبيقولها لعيالكم اذا كبروا خو اهما مثل البعارين ماينسوون

 

[Beyoncee]

عادي انه يضحك وانتى ضحكى معاه
يعنى سنو وايت ماتطيح زين ما قال عميا ما تشوفين
زين يات على ضحك بس ترى طيحتنا تضحك احمدى ربج مو بالديره والا جان علوم
انا مره مع عيالى طالعه لابسه كعب وتزحلقت بمجمع عيالى قعدوا يضحكون
تبين واحد فيهم قالي سلامات تعورتى وردوا البيت قلبوها مسخره وتقليد جدام ابوهم
واخذي تعليق وضحك

 

[popa]

عادي تختلف رده الفعل من شخص لي شخص بس الكويتي عموما يظحك ويعايرج فيها لي يوم الدين ولا بعد يقلدج ويظحك

 

[السليلة]

الحمدلله انج بكندا طحتي مو بالكويت لي صارتي فضيحه ع كل لسان

 

[Tulips]

لووووول عادي حبيبتي
طيحة تفوت ولاحد يموت

 

[ثريا الكون]

ههههههههه عادي كلها طيحه ​

 

[سويت فانيلا]

سمالله عليج حبوبه

 

[حبوبة الأطفال]

هههههههههه

عادي قلبو .. انتي بنفسج لما تذكرين السالفة تضحكين فشلون غيرج مايضحك
وسعي صدرج

والله ان لي مواقف مع زوجي .. وانا الي اذكره بسالفة بعد
ههههههههههه

اذكرلي موقف قدييم
كنت بالكلية وخلصت محاضراتي
وانا رايحه للبوابة بطلع

وامشي بسرعة وما ادري شلون طااااااااار كعبي من رجلي ووصل للبوابة قبلي >>> صرت كابتن مااااجد

تيبست لحظة بمكاني والعالم تطالع فيني وفي واحد قالي يالسندريلا وين اميرج >>> امبي لأ الا التعليقات

.. عطيتها كحتين بحترام ووراها امشي بكعب واحد كني عرجه
وبعد مرور يوم اقصد دقيقة أخيرا وصلت

 

[الحللللوه]

عاادي حبي هونيها وتهووووووووووووووون

 

[Red Al Rainbow]

ههههههههههههههههههه

سنووآآيت سلأمآت حبيبتي !!

حبيبتي عآآدي !

آنآ بعد يوم آكون ويآ ربيعتي و آطيييح آتم آضحك عليهآ بدآل مآ آسآعدهآ خخخ

 

[»βαzεя«]

سلااامتج بعد عمري