طبيعي او قيصري

[فتون777]

السلام عليكم

بنات انا تعبت من التفكير 9 شهور وهالموضوع مايفارق بالي

انا تعبت في ولادتي الاولى كانت طلق صناعي مع ابره ظهر
من 6 الصبح الى 4 العصر

ماحسيت بألم الحمدلله

بس وقت خروج الطفل ماقدرت ادفع لمده ساعه ونص والدكتوره تقولي انا شايفه راسه ساعدينا ماقدرت
واخر شي جاء دكتور استشاري ضغط ع بطني وطلع البيبي

بس ماتنفس بسهوله الا بعد محاولات ولحظات مرعبه اكره اتذكرها وكرهت الولاده بسبتها
والم الخياطه ظيييم اعوذبلله خياطي ما طاح الا بعد 35 يوم

وحملت واجضهت مرتين بعد ولادتي
وانا حملت في البدايه بعلاج
وحملي هذا كله مثبتات وابر وحبوب الحمدلله على كل حال

الحين ابيكم تشورون علي انا افكر في القيصري وافكر في الطبيعي
بس ماعندي الشجاعه اقول تعرضين نفسك للولاده مره ثانيه وتعرضين البيبي للخطر
وخايفه ع الخياطه تخرب او ما ارجع نفس الحين

ودكتورتي خوفتني من القيصري وقالت شيليه من بالك انا مستحيل اعرضك للخطر

بس انا شايفه اخواتي وصديقاتي والناس الي حولي
والدين قيصريه ومافيهم الا العافيه

انتو شنو رايكم نوروني
وياليت الي والده طبيعي وقيصري تقولي شنو اريح لها

ومشكورين مقدما وجزاكم الله خير

 

[قلب زوجي وولدي]

حبيبتي القيصري تعب أكثر من الطبيعي

اذا حالتج تسمح طبيعي توكلي على الله واولدي طبيعي ولا تفكرين بالقيصري

واذا خايفه من التوسع لا تحاتين جان محد حمل وولد الحين الطب تطور واذا وسيعه الله يخلي التجميلي

يعني بصراحه تجميلي ولا فتح بطن

ومو شرط للي صارلج بالولاده الاولى تصيرلج بالثانيه توكلي على الله ولا تحاتين

وان شاءالله الأمور سهالات وولادتج سهالات

​

 

[خاشعة للرحمن]

حبيبتي وربي نصيحة لله خلج على الطبيعي احسن ترا القيصري يذبح وربي الحين ااتمنى اولد طبيعي لاني لاخر لحظة طبيعي بس علشان نبض بنتي ولدوني قيصري الحمد الله رب العالمين وارجي من الله اولد طبيعي وترا القيصري له مضاعفاات نصيحة لله ادعي بكل صلاه ربي يسهلها عليج ويهونها عليج بس نصيحة لاتفكرين بالقيصري

 

[شروق &]

نصيييييييحه لاتولدين قيصري
ليت الزمن يرجع مستحيل اخليهم يلعبون فيه عمري. 29
وهذاالحمل رابع قيصريه بتكون لي والحمدلله ع كل حال

 

[حبيبي مالكني]

انا حبيبتي والدة قيصرية
وماجربت غيرها
اهي مثل اي عملية لها عيوبها ولها مميزاتها
بس حطي في بالج دام عندج خيار تولدين طبيعي ليش لا

 

[♠اوتار♠]

الله يولدج بسلامه وبالاخير استخيري والله ماراح يضيع تعيج وان شاءالله بيوجهك للصح اللجئي لربك محد بينفعك ويسهل اموزك الا ربك ويارب تبشرينه بالولاده الطيبه اللي تسرج

 

[فتون777]

مشكورين بنات وجزاكم الله خير

 

[you 2]

انا جربت قيصريه اول بيبي وبسبب نزول الماي وانا بالثامن والحمد الله مادري ليش البنات متخوفين من القيصريه وخطره انا عن تجربه حسيتها مثل اي عمليه ثانيه لمده اسبوع ويروح العوار وتعيشين حياه طبيعيه ان شاءالله
والحين انا حامل الحمد الله وبتاسع وان شاءالله طبيعي
وصدقيني سواء طبيعي او قيصريه السهالات من الله ولاتحاتيين
الله يوفقج حبيبتي ويسهل عليج وعلي وعلى كل حامل

 

[&هند&]

والله اذا حالتج تسمح انج تولدين طبيعي خليج ع الطبيعي ابرك من عذاب العمليه ولا عوار جرح العمليه يطول لي بعد الاربعين انا بعد ما طلعت من الاربعين بشهر حسين بالم يذبح بس ابجي منه وغير انج تكونين حريصه على نفسج لمدة6 شهور

اما الطبيعي بالكثير 3 اسابيع ومافيج الا العافيه ولا تشيلين هم شي

 

[نونا**]

امبيه والله مو من صجج!!
احد حاصله الطبيعي شوفيني بموت على ما اولد طبيعي ان شالله الله يكتبه لي مع العلم اني جربت الطبيعي والقيصريه

الطبيعي قعدت اطلق يوم كامل حطولي طلق صناعي يذبح شفت الموت بس الحمدالله من تولدين تنامي جم ساعه بس عقبها تقدرين تتحركين مافيج الا العافيه

اما القيصريه

عوار يذبح لي 3 اسابيع جدام

بعد الاربعين ووقت الجماع تحسين رحمج يعورج والدوره تعور شوي

عشان جذي انا ابي انحاش عن القيصريه

 

[حرم_الغلا]

تعوذي من الشيطان

والبجر غير الثاني

وكل ولاده تختلف عن الثانيه


الله يسهل ويهون عليج

 

[فتون777]

مشكورين بنات ابي بعد تجارب

 

[اخت شيوخ]

انا جربت الطبيعي والقيصري
سبحان الله الطبيعي من يطيح البيبي خلاص ثاني يوم مافيج الا العافيه وتمارسين حياتج اللهم تحاتين الخياط
لكن القيصري بلاوي ترى .... حاليا اعاني من التثاقات بالرحم بسبب القيصري ومأخر الحمل عندي

للعلم في بكري طان طبيعي وشفت الموت قعدت يومين مابين الجناح وغرفة الولاده
وطلق صناعي وفحص كل اربع ساعات وتحميله ومع هذا اتمنى ارجع اولد طبيعي

القيصري تعب حتى بعد الاربعين
الله يكتبلج الولاده الطبيعيه السهله الهينه وكل شي اوله صعب

 

[حنوشتي]

الله يسهلج عليج شوفي حبيبتي الي كاتبه ربج راح تشوفيها وان شاءالله يكتبلج الخير

 

[سعادة قلبي وياه]

انا من احين وخايفه افكر قيصري عن الالم بس

 

[كويتيه شماليه]

انا اولد طبيعي الحمدلله وكله كمام ما احس بالواقع ١٠٠ ٪ احس انه كأنه حلم الطلوق وطلعة البيبي صج احس فيه وبعواره بس مثل الحلم وانا ماجربت القيصري واشوف كل من يذمه بس شتبين بالعمليه وشق بطن وجراحه الطبيعي زين ووصي الدكتوره اذا تحتاجين تجميلي خليها تسويلج والسهالات من الله سبحانه
لاتنسين اوراد الولاده والله يسهل عليج

 

[كويتيه شماليه]

اي صح اعرف وحده اطلعت من الاربعين تقول ما اقدر امشي من عوار العمليه والكرش واصل لركبتها اللهم لا تبلانا وهي اساسا متينه

 

[أأأميرة الورد]

الله يكتب لج الولاده السهله

 

[brettey]

انا مجربه الاثنين الطبيعي ارحم بمليووون مره من القيصريه شلج بعوار خياط القيصريه يذبح والله العظيم