طبقوا تدريس الرياضيات و الانجليزي؟وسؤال ثاني داخل؟

[توتاتوتا]

السلام عليكم

انا ام و عيالي بكري اسم الله عليهم سجلتهم في روضة الحكومه ابي اعرف مناهج الروضات ؟

سبق قريت انهم بيضيفون الانجليزي و الرياضيات شصار عليهم طبقوه؟

و اقرا كثير من بنات المنتدى يقولون ان روضات الحكومه اونس للاطفال؟

فيه عاملات لتنظيف الاطفال بعد الحمام ؟


و اخيرا اي وحده منكم في الروضه الي تخص الصباحيه ق 1

تحياتي

 

[UMNASER79]

أهلين يام العيال حبوبة طبقوا المناهج الجديدة كتجربة في روضتين في كل محافظة وبالنسبة للأحمدي طبقوها في روضة في أم الهيمان وهدية

 

[lolowawa1234]

اكو ناس اتقول الحكومي احسن واكو يقولون العكس
ومن وجهة نظري اقول الحكومه طبعا احسن ماكو ضغط على الطفل واشياء وايد زينه,,
اي اكو عاملات نظافه والابلات مايقصرون باي شي ودائما ابلة الروضه قلبها كبير
على فكره اغلب اللي يدششون عيالهم خاص حق التكشخ وطبعا اكو منهم اللي يدششونهم عشان يدرسون من سن الروضه بس الحكومي وايد ابرك واحسن واريح,,,

 

[توتاتوتا]

مشكورين يا حلوات و اختيlolowawa1234<<صعب

والله ما نبي الكشخه و الخاصه غاليه ابي شي مريح و يحفظ قران

بس مناهج الروضه الحكوميه ما قلتوا لي وشي

 

[SHOOQ8]

لا حياتي منو قالج ان الحكومي افضل انا معلمه واقولج لا والف لا والله ما يتعلمون الا الترقص والاغاني والله يطلعون ومايعرفون يمسكون القلم مو قل تعليم مننا يالمعلمات لا من التوجيه منهجنا يعتمد على الاسلوب المطور الخايس اللي بس يرقص الطفل ويلعب ويغني ولو شافو معلمه تمسك الطفل القلم وتكتبه عطوها لفت نظر باستثناء اخر السنه والقران مافي لا تحفيظ ولا تسميع انا هالسنه ضاق خلقي قلت راحت عليهم السنه من غير ما يستفيدون شي فمبادره مني سمعي ترى مو مطلوب بس بأكسب اجر صرت اشغل لهم اية الكرسي يرددونها ويحفظونها يبا اذا عندج ميزانيه وتبين عيالج ما يلعوزونج بالمدرسه دخليهم خاص على فكره اغلب مدرسات الرياض عيالهم بخاص يعني مدرسة روضه ولدها حاطته بخاص لانها ادرى باللي صاير بالروضه