مساااااااااااااء النور والنوير حبايب قلبي
ابيات عجبتني حبيت اشارككم فيها
لاخير بانسان رمى ثوب ماضيـه
وبالتاليه يسعى لطمـس االهويــّه
للشمس نوريحسب إنّـه يغطيـه
ما يدري كفوفـه بنـوره خفيّـه
وأنا فدا الماضي ليا حـل طاريـه
أنسى الحياة المترفـه والشقيّـه
((طبع البداوه عشقي وميّتـه فيـه
وكلي فخر لاقالـوا إنـي بدويّـه ))
إيه ابدويّه آخذ الخيـر و أعطيـه
وأبادل المعطـي جزيـل العطّيـه
إيه ابدويّه وأزرع الطيب وأجنيـه
الطيب زرعي ما زرعت الرديّـه
إيه ابدويّه لـو تزيـدالمشاريـه
ببقى على عهـد البـداوه وفيــّه
ماألاحق الموضه بسوق المسافيه
اللي لهن كل يوم روحـه وجيّـه
الله سترني ، ثوبهم ذاك ماابيـه
لاصار تطريـزه بسلـك الخطيّـه
ماني من اللي أثبت العكس وأنفيه
وبيني وبين العيب حوض المنيّـه
ومانيب دلّوعه ولا قلت : أمبيه
ولالي على كثر الدلـع مقدريّـه
رزينه وثقلي على الخـفّ أبديـه
دام الثقـل زينـه لعقـل البنيّـه
كرامتي نجم سطـع فـي لياليـه
ولاذلّني مخلوق ما دمـت حيّـه
لنفسي عليّه دين لاشـك أبوفيـه
ولا دفعت لمقتـل الخـوف ديّـه
وأقول للي جهـل الأيـام معميـه
مولوده ، وعشت ، وبموت ابدويه
آمل أن تروق لكم
