...طبخه ماأعرف اسمهاااا...الله لايهينكم..دشوو..؟

[أريج الشوق]

بسم الله الرحمن الرحيم......



السلام عليكم ورحمه الله وبركاتهـ ......


:080402ask_prv::080402ask_prv::080402ask_prv:


...خواااااااتي عزيزاتي......؟؟؟


بماأني مبتدئه...بالطبخ.....؟؟؟


في شغله حااابه اعرفهاااااااااا....



وماااعرف اسمهاااااااااا............؟؟؟؟


اهي طبخهااااا.....<<< عيل شنووو


انا اعرف بعض محتوياتهااااا وياليت الي يعرفهاااااااا ياليت يفيدني.....


لاني سألت....زوجه خالي....ماقلت لي......مدري شنوو خسرااااااانه؟


اهي فيهاااا دجاااج...وجزر..وبطاط...وبذنجان...كلهم تحطهم بصينيه..

ويحطون فوقهاااااا خلطه......مدري شنوووو..يمكن جبن وقشطه..ومايونيز...


وبعدين تحطينهااا بالفرن...

انا سويتهاااااااااا بس ماااظبطت........لاني مووووووووعارفه الطريقه الصح؟؟!@


ياليت ألي يعرف يفيدني...........!!!!@




وشكراً خووووووووووووواتي........:hjy5jewf:​

 

[منيرة خالد]

ما ادري عن اكلتج بس اعتقد الخلطه اللي تقصدينها >> جبن كلاس وقيمر وكريمه كي دي دي بالخلاط

 

[FdeT LmoSa]

رد : ...طبخه ماأعرف اسمهاااا...الله لايهينكم..دشوو..؟

اب اب

 

[هنايا]

والله كان ودي اساعدج ماني عارفه هي شنو بالضبط يعني صينيه ولآ دآخل فيها العيش
ماني عارفه ..
اتمنى تتعمقين في مقاديرها شوي



آب آب
لعيونج​

 

[جارة القمر]

رد : ...طبخه ماأعرف اسمهاااا...الله لايهينكم..دشوو..؟

تفضلي طلبك

http://www.q8yat.net/showthread.php?t=601678


طريقة منقوووولة



أولا تقطعي 3 او اربع أنواع خضار على حسب رغبتك .. تقطعيها قطع صغيره وتقليها ..

انا جبت فاصوليا وجزر وبطاطس

وبعدين جيبي صدر دجاجه وقطعيه قطع صغيره واسلقيه الين يستوي وحمسيه في قليل زيت وفص ثوم الين يتحمر شوية ..

بعدين اسلقي كرتون مكرونة وحطيلها زيت وملح وموية ..الين تستوي وصفيها في صفاية

وبعدين جيبي صينية وضعي طبقة مكرونة وطبقة دجاج والخضار معاها ثم غطيها بطبقة مكرونة ..

وبعدين .. سوي الباشميل وضعيه فوقها ..



وبعدها حمريها في الفرن من فوق ..



طريقة ثانية

تقطعين خضار مشكل صغار وتقلينه وتنشفينه من الزيت وتحطينه بصينيه.. وتقطعين بصل وتدقين ثوم وتحمسينهم.. وتحطين عليهم شوي كزبره.. وبعد كذا تحطين عليه دجاج مقطع صغار وتحمسينه معاه وتحطين عليه الملح والفلفل.. وبعد ما يستوي تحطينه على الخضار.. وتسوين باشميل.. عباره عن ( كاسين مويه + 6 ملاعق حليب بودره +
4ملاعق طحين + 3 ملاعق جبن سايل + فلفل وملح) بالخلاط وبعد كذا على النار لين يصير ثخيييييين وصبيه على الصينيه وزينيه بالجبن الموزريلا والكزبره.. ودخليه الفرن لين يجمد الباشميل وبعدها حمريها من فوق وبالعااااافيه

منقووووووووووول

 

[نـور الكويت]

الي معها توست وتكون هذي الحشوه والخلطه تحطينها فوق التوست

 

[دلوعة المطران]

البنات مااقصروااااااااا

 

[قلبي سبب جرحي]

وعليج السلام ورحمة الله وبركاته

يالله عسى نشووفج تقدمين لنا احسن الطبخاات


يمكن قصدج هالطبق


الدجاج تسلقينه اول مع الملح والبهارات
وبعدها تفتتينه

وتقطعين البطاط و البيدنجان حلقات وتقلينها بالزيت

وتبرشين الجزر

وتحطين ذرا
واذا حاابه فطر على حسب ذووقج

الدجاج بعد مانتفتيه تحطينه عليه الكريما وتحطين معاه الجزر المبشور و الذره

نجي لقااع الصينيه تصفين البطاط وتحطين البيدنجان فوقه
وعقب تحطين الدجاج بالكريمه فوقهم

وتدخلينه الفرن ليما يتحمر خفييف

وبالعاافيه


اذا كانت هذي اللي تبينها

واذا لا جربي هذي خفيفه ترا و همن طعمها حلو

ودي

 

[حبة خاله]

هلا أريج الشوق
أتوقع هالاكله الي في بالج لا ومتأكده بعد
تاخذين البايركس وتحطين عليه كل شي ني
بطاط بعدين جزر واذا تحبين كوسا وبعدين مشروم فرش أحلا بعدين تقصصين الدياي أصابع وتحطينها وأهيا نيه وترشين عليها كزبره ناشفه وفلفل أسود بعدين تحطين بصل حلقات وتصبين عليها كريمه ونص أستكانه صويا صوص لا يكون تحطين ملح لان الصويا صوص مالحه وتدخلينها الفرن تقريبا ساعه الا ربع طلعيها قبل لا تنشف الصلصه مره وحده
هذي الطريقه دايما أعطيها الي عليميه بالمطبخ بس الحمد لله دايما تضبط
ودعواتج